The(G)Forum

Hallo zäme

Verkaufe Amiga CD32, inklusive einen originalen Controller, und die Spiele Roadkill, Microcosm, Diggers + Oscar.
Die Spielkonsole funktioniert einwandfrei, habe sie kürzlich getestet indem ich Microcosm gespielt habe.
Als ich sie damals kaufte, liess ich auch noch ein ModChip professionell einbauen (ich weiss jedoch nicht mehr für was der war).

Preis: 700 CHF

Cool
Gsehsch nümm so oft aber 700 ?
Isch das nöd chli vill ?

Wer bisch denn du ?

Ig bi sit geschter nöi da inne, mi name isch Martin. Ha früecher viu mit dr Amiga 500 gamet gha und när d CD32 kouft.
Beträffend em priis ha ig gluegt was so angeri alles verlangt hei. Isch drum no schwirig z definiere. Isch ja scho e rarität, und wär weiss, villecht wird si sogar no einisch wertvoller. Mit dere geringe azahl vo konsole.
Aber ig ha mir meh überleit, villecht spiut no öpper gärn mit dere...

na dann.. welcome

mawi hat geschrieben: ↑11 Okt 2023 05:46 mi name isch Martin.

Sali Martin

Steve Martin

Merci fürs wilkomme heisse.
Ne nei, so alt scho nid .

welcome!
schön gihts au no neui Lüüt immer wieder do!
(eigenli müsst "s'vorstelligs-topic" in trading-thread inä, will do chömed am eheschte die Neue cho poste

turntablism hat geschrieben: ↑10 Okt 2023 20:42 Cool
Gsehsch nümm so oft aber 700 ?
Isch das nöd chli vill ?

Wie viu wärs de nach dir, was me höische chönnt?

Uf ricardo hets scho eine ab 299.—.
Chunt wohl au uf de zuestand druf a…

Kenn mi nöd so us mit em cd32 aber ich wür säge 3-400
700 zahlt glaub niemert

Erinnert mi grad dra: ha mini PC-FX 1994 via direktimport bim Eder zLuzern ab em Feischter kauft (osere Parterre Wohnig wos provisorisch gha händ) för 1000 Stotz (PS ond de Super Famicom häd am ahfang au so vell koschtet)....

"Fist of the Nord Star" debi gsi (nomol 150 stotz). Konsole esch so scheisse gsi/worde, ha nie meh es zwoits Game dezue kauft. 20 Johr spöter för 120 Stotz verhöckeret (inkl Game) :typej:

De hätt sich de Amiga32 degäge grandios ghalte

Haha! de Eder und sis Dealer-Feister
Welcome Martin

Fack, d dem Delaer fänster bini au. gsii. NUR , ich bin denn no ine.. PSX game und JAP Import kaufe.. Mega gsii

Uu, Eder kenni nid. Mir si immer z Bärn ir Altstadt gsi. Dete hets e Amiga Lade gha, wo aber immer zimmlechi wucher priise gha het.
Mit de priise isch es wahrschiinlech geng chli so: zur richtige zyt am richtige ort...

Protovision, Waldstätterstrasse, 2 Täg nach JP Release PSX mit Motortoon, Toshinden, Kileak, Ridge Racer...glaub ni me so gflashed gsi bimene Console Release (evtl. no DC)...sorry off topic

Meiste gflashed konsole

Mega drive nachm nes, sor, crazy nach dd2
Neogeo aof2, crazy nach sf2 ufm snes
Nachher vermuetlich de saturn mit Daytona

Bescht konsole für mich series x, no nie soviel gspielt i mim erwachsne Läbe wie mit dere.

sirarthur hat geschrieben: ↑15 Okt 2023 19:04 Protovision, Waldstätterstrasse, 2 Täg nach JP Release PSX mit Motortoon, Toshinden, Kileak, Ridge Racer...glaub ni me so gflashed gsi bimene Console Release (evtl. no DC)...sorry off topic

ech au. genau gliich. aber sälber mitbrocht vo japan. das alles sind grad 1'500 stutz gsi do ims Schwiiz.
apropos off-topic: JETZT müsst mer nach Japan! dä YEN esch no niä nor 2/3 vom CHF wärt gsi!

Verkauft

mawi hat geschrieben: ↑07 Nov 2023 20:31Verkauft

für wieviel?

zeromeier hat geschrieben: ↑08 Nov 2023 07:23

mawi hat geschrieben: ↑07 Nov 2023 20:31Verkauft

für wieviel?

300.-

super, gratuliere.
in was investiersch de erlös jetzt ?

turntablism hat geschrieben: ↑08 Nov 2023 15:06 super, gratuliere.
in was investiersch de erlös jetzt ?

gueti Frag

so endi das Jahr wahrschinlich id stüüre, krankekasse...

investier doch i analogue pockets oder nachfolgeprodukt devo, mehrfach! au wenn nor eis bruchsch... machsch knete mit de 3 Andere ond en andere muss es tüürer chaufe. Professionelle Scalper werde!