The(G)Forum

Ich han die letschte 5-6 Wuche über 400 Stund gschaffet und alli alte Reviews vo eus is neue Portal übernoh (inkl. Schriebfähler!)

Das "Archiv" isch jetzt also wieder online, lueg:
https://www.thegnet.org/reviews

Total: 1'989 Reviews!!

Reviews vo viele alte Redakteure, de Hamed, de Michi, Marwan, Said, Matthias, em h4xX0r (wo ab sofort übrigens wieder im Team isch! ), Tom, Excalibur, Thanatos, Astroboy und wie sie alli gheisse händ... mag mi nüm a all ächtnäme erinnere.

En riese Portion Nostalgie uf jede Fall! Viel Spass bim läse!

krass
danke. gange grad chli dreamcast reviews go güxle

Oh geil! Muessi grad mal chli go stöbere. Danke viel mal!

De Goose isch ebe super

wältklass, voll retro! merci masa.

es hett au u-spass gmacht, all die alte texte nomal durezläse!
ich ha oft müesse lache, mit wellere euphorie mir damals gschriebe händ. und wie schlächt teilwiis! das dütsch mängisch, holy
tuusig usruefezeiche und superlative!

ha natürli ned jede text chöne korrekturläse im nachhinein, suscht wäri nie fertig worde. ha scho müesse aktuelli trailer und screenshots go sueche und en wertigs-chaschte für jedes alte spiel erstelle. ziitfrässer... grad shots und trailer für alti spiel isch gar ned so eifach wie mer dänkt. quali isch oft horränd schlächt und eusi original-assets sind so chli ufglöst, chasch ned bruche 2024. oft sind alti inhält au gar nüm online. die grosse site, so ign & co. händ zwar no siitene dezue online, wo au uf google findsch, aber die siite sind denn leer, wenn druuf gahsch. click-bait... voll billig!


aber hett sich glohnt, nur scho für sache wie das:
https://www.thegnet.org/post/master-g-s ... racing-rig
(de erst artikel/story wo damals viral gange isch)

Thanks , bi mir isches gloub d Komplettlösig oder Review vo Shenmue gsi womi damals uf euri Siite / Forum het bracht. Scho vorher mal öppis vore Gamenight mitbecho glaubs im August 2000 in Nussbaume.Wenn ig mi richtg cha erinnere isch die zyytglich miter Streetparade gsi wo ig denn no ha vorzoge

jep, nussbaume isch die aller erst gamenight gsi und womöglich sogar de erst event i dere art überhaupt ide schwiiz.

vorher hetts höchstens mal en lan-party gäh. für pc gamer...

s'shenmue review isch online.
https://www.thegnet.org/post/the-g-net-review-shenmue
(10.11.2000)

aber de walkthrough natürli nöd, das hetti hüttzutags kei sinn meh gmacht, zumal das no en walkthrough zu de japan-version gsi isch.