The(G)Forum

han en optoma ep7150 projector gschänkt becho. natürli het das gschänk au en hacke, nämli tuet ds lämpli nach ca. 1min. immer uuschalte. also drum gani mal devo uus das ds lämpli a sim ändi aacho isch und de beamer tuets preventiv uuschalte (wege möglicher überhitzig). de fan suuret normal, drum gani devo uus, dass de im normalfall gnueg chüele tuet.

jetzt sind so lämpli ja alles andere als billig und mached bi ca. 350 frange bereits de halbi priis vomene noie Projektor uus.

was giz für alternative?

- LED mod.
- billigers lämpli iisetzte?
- eventuell doch am fan au was fuul?

ds problem, wenn mer en anders lämpli oder LED möcht iisetze isch ja das mer au d elektronik müesst überlischte, damits ds lämpli, de fan und s bild überhaupt iischalte tuet. het da eine erfahrige demit?

andere input?

gruessli & danke

so han en etz mal vollständig uufgmacht und die drüü fans schiined voll in ordnig dsii.

es isch immer de gliich ablauf, de PJ startet uuf, tuet d lampe uf voll power uufschruube (mer dörf also nöd hereluege es isch soo verdammt hell dert ine) und nach ca. 30sec schaltet de PJ d lampe und ds colorwheel wieder uus, und nach einere minute ca. den d fans ebefalls.

mini frag isch, wie tuet de PJ di schwachli/alti lampe gnau erchäne&detektiere? wiel eigentlich tuet si ja na lüüchte. si het au nur zwei aaschlüüs, also plus & minus und kein andere ii oder uusgang für en zuestands-/ueberwachigssensor etc.
eventuell über d impedanz/stromfluss?

ich glaube s'abschalte isch än schutzechanismus vor entweder zhöcher temperatur oder zhöchem stromkonsum. das z'überliste würd s'problem also au nöd würkli löse. ich würd eher en neuere beamer chaufe wo dänn au funzt und wohl au besseri bildquali hät...

erm, er isch nöd e so alt und erscht grad na uf em hügel gsi. es isch ja nur ds birrli, aber es isch wahrlich e so, das ich nöd grad mag 350 für es nois herelege.

en noie PJ wür mich aber grad 800+ choschte und den ghat ds birrli ja au wiedermal kabott. ich wott ja nöd unbedingt en beamer, aber wenn mer us dem da na was mache chan wo nöd grad zwei mal en Wii choschtet, den bini debii.

heschs Handbuch dazu?
Wenn nid:

http://www.retrevo.com/support/Optoma-E ... ci170/t/2/

Eventuell gfindsch det unter Troubleshooting öppis hilfsrichs.

Süscht mal imene Elektronikshop zum checke verbibringe. (oder bim offizielle Optoma Händler)

ja handbuech hani uf JP aber au de english scho abeglade.

dert staht i beiden fan oder lamp failure, wien ich obe scho ahgmerkt han.

ebe muess halt de laempli tüüschlet werde. sich mer aber z.t. ds tüür. usserd es git alternative.

solang d'lampe lüchtet chanimer faschnid vorstelle, dasses die isch. häsch irgendwo en lüftigskanal blockiert mit schtaub oder so? vilicht häsch irgendwo en hitzeschtau und es schtellt drum ab. tue mal vorsichtig mit prässluft de beamer useblase. nid z'fescht drufhebe und dosiert mit churze schtöss inepuschte.

han alles vor mier loffe liege. alli fans sind greiniget und laufed uf hochtuure. alles uusbslasse. keis chrümeli staub meh im ganze grät ds finde.

und sälbscht im offne zuestand wo viel meh luft zuechunt -> 30sec päng lämpli uus!!

isch e falschi lampe dine wo z'fescht heizt? lueg mal nach em lampetyp wo drisött und lueg was drin isch... wänn so grät offe sind heissts nid, dass' besser chüeled. vilicht ziet so d'luft nid deet dure wosi wür wänns gschlosse isch. lüftigskanäl und so...

edit: lueg mal öbd es bild vom offne beamer findsch im intlernetz. vilicht fääled teili wo d'luft anderscht würed füere.

nei lampetüp isch scho i.o. er isch ja au 2 jahr etz gloffe i de bude. und etz won er nüme lauft han ich en geerbt.

ja das mit em offe ha hesch scho rächt, muess nüt bedüte. aber ds fählerbild isch scho sehr systematisch, immer genau nach dr gliiche ziit, päng uus, egal i wellem zuestand.

teile fehled nöd, da er vorher na nie göffnet worde isch. wenn ich so driiluege, den dünkt mich au nöd, das irgend was komisch isch.

häsch irgend es led-signal, wänner abgschtellt hät? i de bedienigsaleitig häts e lischte mit de verschidene signal.

netzteil im arsch, lampe chunt zviel saft über, durchus möglich! miss mal die spannige derte...
bonusinfo: evtl. findsch es layout bzw. schaltplan im internetz

ja ebe, ds fehler bild luut manual isch lamp or fan failure. das weiss ich ja scho sit begin.

es schema wär fren, aber han bis etz nüt gschiids gunde, hesch du?

spannig(e) missi mal nöchscht wuche. mich nimmt ebe de automatisch abschaltmechanismus immer na wunder.
chönt au mal es leischtigspoti in serie zur pfuntzle ineschalte und chli de strom sänke und luege was pasiert.

wär ebe scho es frens teil. isch mega hell und chasch au super bi tagesliecht gucken. einzig de rägeboge effekt bi de DLP isch für mich chli nervig, da ich de ziemli guet wahr nime bi churze augeschwenks.