The(G)Forum

Google DeepMind Veo 3 fluetet s'Internet... no "luschtig" .... oder? Und mer gseht würkli nüm, dass es nöd ächt isch. Jääää, vielleicht bi de Auge mängisch... aber es isch BRUTAL. Weisch no de Will Smith bim Spaghetti ässe? Hesch gseh wie das hütt usgseht? ....


Quelle

jep, i dem Video isch alles KI, kei ächti Lüüt meh. Nada.

Ich gseh da eifach jedi Mängi Problem uf eus zuecho Glii chasch gar nüt meh glaube wod gsehsch. Glii chasch nur no künstliche Influenzer zueluege bim Videospiili spiele... Es wird absurd die nöchste Mönet. Ich wills mer gar ned vorstelle.

Suechresulatat uf Google sind au afe KI generiert. Du muesch kei anderi Website meh bsueche oder es anders Video luege, es wird alles vo Google zämegfasst. Du verlahsch Google nüm. Kei Klicks meh für Content-Creator. Kei Klicks meh für dis Walkthrough-Video oder dini Komplettlösig uf dinere Site...

KI Influenzer und KI-Pron. What's next? Gitt ja hütt scho....

oder Videos, wo dich absichtlich hässig mache sölled mit polarisierende Meinige. Demits allne zeigsch: LUEG MAL DAS AH!! Die mached Chole mit dim Hass... Katastroff. Wo führt das no ane?

Ich glaub ich stiige nöchschtens ganz usem Internet uus.
Kei Bock meh.


Und Du so ?

Ziit sich vom Internet abzchehre und lerne, nur no extrem bewusst mit em Internet ds interagiere.

Git ja Spekulatione wie zuekünftigi dVerwändig vom Internet uusgseh chönnt und ei Idee wo grad bitz im Umlauf isch, dass jede User en KI-Agänt wird ha, wo vo sich sälber uus dä Cyberspace durchforschte und mit anderne KI interagiere wird usw. so, dass du schlussändlich fascht kei aktivi Interaktion vor em Bildschirm mit em Cyberspace würsch ha, sondern diini KI dier das abliefered wür, was du spezifisch grad sueche und bruuche würsch, währenddem du diim eigene Tagesablauf nahgahsch.
Um mich mach ich mier kei Sorge, eher um sPhänomen vom blinde Herdetrieb, also dMacht vo dä Masse, wo am Ändi, ideologisch beiiflusst und falsch informiert, s politische Gscheh beiiflüüsse und so dä unmittelbari Läbensruum korrumpiere chönnt.

Ich verpiss mich eh, sobald ich chann ahs Änd vo dä Wält und wird Prepper

wo porno

Suecht dier dänn diin KI-Agänt zämme

ja, macht keis guets gfühl.
bi schampar dankbar dass i chan in garte hocke und de füchs zueluege.

zum glück chumi uf em sofa immer ruggeweh und nackeschmerze über wenn ich wott tv- oder is händi luege. denn musi was aktivs mache. susch verblödi no ganz

Es isch tragisch womer druf zue stüüre...
Meinigsbildig wird im Prinzip unmüglech. Ob mitem Mainstream oder alternativ. Du chasch im Prinzip NÜT meh gloube wo nid mit eigene ouge gseh hesch in real life...

I wär gärn 1950 oder so gebore u hätts bald hinger mir.... Nid dassi läbesmüed wär oder so, aber die guet zyt isch gloub (vorerst) bald verbi... D'mönschheit isch nid parat für das. D'staate u d'gsetz o nid...

I weiss.. mis glas isch halb voll.. sorry..

Mir chunt denn immer das GIF in sinn:

träffend. KI macht eus alli dumm und es wird au Kreativität drunder liide, speziell im Unterhaltigs-Sektor (Movies, Shows, Games, etc.)...

Moff hat geschrieben: ↑26 Mai 2025 13:47wo porno

Pron isch doch immer serschte, was Mensche mit ere neue Technologie mached. Scho immer so gsi. Sitt de Iführig vo Home-Video ide 80er....

Immerhin. CD Projekt Red, Electronic Arts und Take-Two händs glaub checkt und spräched sich bereits gäg KI ide Games-Industrie us:
https://www.bloomberg.com/news/newslett ... -t-want-it

obwohl ich sonen Ussag grad vo EA nöd würkli ärnscht näh chan. Die würdet alles mache, um bitz Chole zspare ide Entwicklig und no paar (kreativi) Lüütlis meh z'entlah...

marketing

ich bin grad dra da intern en Workflow mit AI Agente z baue wo mir jede tag content scrapt bzgl emene gwüsse thema, den us dem en blogpost macht und us dem blogpost den insta/facebook/llinkedin Posts kanalspezifisch abgstimmt und die au selber publiziert.

ja es wird vill mist mit AI geh, aber au villi härti sache wie z.b individuelli präventivi chrebsimpfige /automatisiierige vo workflows etc.

noi technologie fuehret immer zu disruption und au problem. normal.

Gseh das alles nid so äng.
Die wo chönnd eigeständig dänke, chönnts au jetzt no. Die wo scho immer eifältig gsi sind, wärded halt no meh verarscht. Aber das isch ja nix neus.
S Problem isch eher, dass mer de Chind nüm bi bring sälber z dänke. Das isch s eigentlich Problem.
Eine wo sälber dänkt, isch au scho vorher skeptisch underwägs gsi und hed sich us mehrere Quelle d Info gholt. Das wir jetzt halt chli schwieriger als vorher. so what. Und eventuell heds sogar en positive Effekt und d Lüt ziehned sich meh us em Internet zrugg und beweged und begägned sich wieder meh im ächte Läbe. Viellicht isch es i paar wenige Jahr scho so wit das mer seid: S Internet chasch vergässe, dete strited nur no Bots mitenand und that's it.
Isch ja uf gwüsse Internetsite jetzt scho so... d Posts vo Bots, d Kommentär vo Bots, Bots wo mitenand stritetd etc...

Gseh da au meh Problem uf eus zuecho, insbesondere politisch. Aber au viel guets, Roboter ide Betruuig und Medizin bspw.

Ich bruch ChatGPT fasch täglich und finds mittlerwiile überragend. Die Videogschicht birgt aber vermuetlich meh negativs als positivs. Jänu, ich bin oni Handy ufgwachse, mis Chind wird wohl voll in AI läbe, so isches halt.

thaeye hat geschrieben: ↑27 Mai 2025 10:47 marketing


noi technologie fuehret immer zu disruption und au problem. normal.

Bis itz het sich neui Technologie aber nid säuber umprogrammiert und quasi es eigelebe entwickler und sich z.b. anere abschaltig widersetzt... Findi also chli zu simpel die ussag...

Quelle

Master(G) hat geschrieben: ↑28 Mai 2025 13:48
Quelle

das isch alles 100% ai? das isch f-ing crazy

Buccaneer hat geschrieben: ↑27 Mai 2025 12:37 Gseh das alles nid so äng.
Die wo chönnd eigeständig dänke, chönnts au jetzt no. Die wo scho immer eifältig gsi sind, wärded halt no meh verarscht. Aber das isch ja nix neus.
S Problem isch eher, dass mer de Chind nüm bi bring sälber z dänke. Das isch s eigentlich Problem.
Eine wo sälber dänkt, isch au scho vorher skeptisch underwägs gsi und hed sich us mehrere Quelle d Info gholt. Das wir jetzt halt chli schwieriger als vorher. so what. Und eventuell heds sogar en positive Effekt und d Lüt ziehned sich meh us em Internet zrugg und beweged und begägned sich wieder meh im ächte Läbe. Viellicht isch es i paar wenige Jahr scho so wit das mer seid: S Internet chasch vergässe, dete strited nur no Bots mitenand und that's it.
Isch ja uf gwüsse Internetsite jetzt scho so... d Posts vo Bots, d Kommentär vo Bots, Bots wo mitenand stritetd etc...

vielleicht will me kei "kritischi" Geister me? sind eh alles "nazis" und rechtsextremi

Aber KI het au öbbis positivs: Bald chömer uns mit unsere Hustier verständige

Weimer würkli wüsse was die Viecher vo üs denke?