The(G)Forum

Neue Trailer mit 8 Minute Gameplay:
https://www.thegnet.org/post/8-minuten- ... ng-bananza

..ha ghört es siget ganz viel Entwickler vom Super Mario Odyssey wo das Spiel mached.

So guet das game.
Fühl mi grad so gflasht wie bim super mario 64 release.
Wen das game am release vom S2 usecho wär…
System seller an und für sich!

ich chas erst hütt abig spiele. aber mer ghört nur guets.

de Armin isch au gflasht. Er machts Review grad parat

WoW! Freut mi dases doch en guete Zock isch. Ha fasch befürchtet dases so es Kinderspiel wird. De chunnt das mou uf mini ToDo List.

Oooh banana!

Ich finds de absoluti Burner! Geschter de ganz Abig spielt.

Am Afang smashisch eifach alles kabott, sinnlos! aber unglaublich befriedigend, speziell nacheme stressige Tag

Dass Ganze hett aber System und schnell merksch, dass mer die ganze Zerstörig gezielt isetze sött und au chan. Level sind dahingehend unglaublich clever ufbaut und voll mit Sache zum entdecke. Debi fühlt mer sich nie verlore (en Befürchtig, wo ich bide Trailer no gha han, will mer äbe alles zerstöre chan unds so "semi-open-world" isch).

Grafik isch absolut geil

Es isch würkli en System-Seller findi. Vermisse de Mario keis bitzeli.

PS: Guet, händs das exklusiv für Switch 2 gmacht, suscht wärs ned so guet worde!

sehr es symphatischs spiili, uf jede fall meh als nur blindi zerstörig, das spiel ich vom team wo mario odyssey gmacht het und das merkt mer au

Master(G) hat geschrieben: ↑18 Jul 2025 08:11 Debi fühlt mer sich nie verlore (en Befürchtig, wo ich bide Trailer no gha han, will mer äbe alles zerstöre chan unds so "semi-open-world" isch).

OHA Denn doch es must have!

Master(G) hat geschrieben: ↑18 Jul 2025 08:11 Grafik isch absolut geil

Wie isch es mit dene "sekunde stops" wenn öppis kaputt machsch oder wenns chli zviel wird uff em Screen? Bim zueluege närfts mi extrem...nimme aber aa, dass es bim zocke nid so ufffalle tuet?

Banana, gits en stop. Muess so sie. Upgrades!