The(G)Forum

Han zwar erst grad agfange, aber isch glaubs es Möst-Häve. Und zwar wäge dem: Es spielt sich a de Oberflächi wie es normals jRPG und macht als solches en sehr en guete Iidruck, d.h. es spielt sich flüssig und hätt es guets Kampfsystem, aber s'Spieli hätt en entscheidende Twist:

A bestimmte Stelle im Spiel mues me grossi Entscheidige fälle, wo de Verlauf vo de Story offebar nachhaltig verändere wärded. De gwählti "Weg" dur d'Story wird dänn uf ere Charte / eme Flussdiagramm entsprächend verzeichnet. Also so:

De Clou a däre Sach: Me chan a jedem Speicherpunkt zu eim vo dene Entscheidigspünkt zruggspringe und en andere Weg wähle. Das wird sogar explizit vom Spiel ermuetiged, will's offebar d'Ufgab isch, de beschti Weg zum Happy End z'finde. Es funktioniert also so chli wie die alte Abentüürbüecher mit de durenummerierte Iiträg vo 1 bis 400, wo am Ändi au nume eine bzw. es paar wenigi Wäg würklich as gwünschte Ziel gfüehrt händ. Und natürlich gspüürt me au en gwüsse Majora's Mask-Vibe. Churzum: Bin wie gseit nonig wiit, aber wänn die Idee dur s'Spiel dure das halte chan, wo sie zur Ziit verspricht, dänn wird das MEEEEEEEEGA

Hani sit Monate ufm Radar und sogar vo Amerika vorbschteut.
Z'System isch chly wie Tactics Ogre: LUCT, dört hetts ou so Knotepünkt, wode när wider chasch bsueche.
Fröie mi sehr uf Radiant Historia, derzit hani aber no TO, wo fasch mini ganzi Ufmerksamkeit beaasprucht.

fuuuuuu und gad morn chunnt pokemon use. ha eh scho gnueg games agfange loh ligge, muesch jetzt na so en biitrag mache.

:ideguetegamesversuufe:

Es isch so was vo linear .
Bis ig das de mau gschnallet ha...
S'isch guet, aber nid überragend. Laht eim paar Mau absolut im Dunkle bezüglech was me us nächschts z'tüe hett, oder ömu mi.
Z'Kampfsystem isch no früsch, schad hett me nur 3 Kämpfer ufem Feld.