The(G)Forum

Ah sali

Heit dir bi eu im Büro au so saudummi Regle? :typej:

1. Jede muess all Monet 10.00 Franke ins Kaffikässeli zahle, demit chan Kaffi und Milch gchauft werde. Au die, wo gar kei Kaffi bzw. Milch trinke. Z. b. so wie ich. Mineral widerum wird nid zahlt, dass muess jede sälber chaufe. :typej:

2. Immer wenn öpper Geburtstag hett, wird es Gschänk gchauft. Jede muess de immer Fr. 10.00 abdrugge. Da mir öppe 30 Nase sind, muesch öppe all Wuche 10.00 Frangg für Mitarbeiter A oder Mitarbeiter B abdrugge - au wenn ihn eigentlich en dumme Siech findsch. Ich chönt au guet und sehr gern uf de jährlich Bluemestrus verzichte und wär froh, wenn ich defür nüt meh müesst an Geburtstagsgschänk abdrugge. :typej:

3. Wer Ferie hett, muess vorher no en Zünni für die ganzi Mannschaft abdrugge. S'gliche gilt am Geburtstag. :typej:

4. Am Mäntig vo 9.00 - 9.30 gits immer en obligatorischi Kaffipause für alli. Es wird immer über Autos, Chind und Hustier gredet. IMMER. Ich muess mich immer ganz fescht zäme neh, dass ich nöd gwüsse Persone wo jede Mäntig de glich Scheiss verzelle, en Fuscht inedrugge. Wär super, wenn die Kaffipause freiwillig wär. Bonusinfo: Die Zyt muess nachegschaffet werde d. h. mir müesse am Mäntig 30 Min länger schaffe wäg de Kaffipause, wo ja obligatorisch isch. Wen meh fernblibt, hesch grad en Gspräch mit em Chef vo wäge du sigisch asozial (das gilt au für all di andere Pünkt obe). :typej:

Kurz: Ich muess pro Jahr sicher so 200.00-300.00 Stuz abdrugge für Sache, wo mir am Arsch verbi gönd und 23 Stund nacheschaffe für Kaffipause, wo ich eigentlich gern chönt druf verzichte. Dreck! :typej:

Schlimm! Sött mal de Job wächsle oder isch das bi eu au so?

nei isch nur bi de weiche so.

wenigschtens darfsch din huet träge ned?

huet darfsch mitlerwile ahlegge?


und nei, mir hän keini so sauregle

evo hat geschrieben:huet darfsch mitlerwile ahlegge?


und nei, mir hän keini so sauregle

Trage scho lang kei Huet meh. Isch nüm so min Ding.

NERV hat geschrieben: Fr. 10.00 abdrugge, 30 Nase, de jährlich Bluemestrus

mues none guete bluemestruss sih für 300 eier

ich finds super.

evo hat geschrieben:

NERV hat geschrieben: Fr. 10.00 abdrugge, 30 Nase, de jährlich Bluemestrus

mues none guete bluemestruss sih für 300 eier

Wenn en Runde hesch, chunsch es ganz grosses Gschänk. Mir hei sie öppe 60kg schoggi und anders Süesses gschänkt - ich wo das ja so saugern isse. Achtung: Ironie!. De Apfalleimer hett immerhin Freud dra gha, glaub ich.

mir schicke em support team vo unserem gröschte liferant immer e karton mit schoggi uf wiehnachte. die hän immer e huere freud. logisch sin au ängländer und dene ihri schoggi isch glaub direkt us dr höll

mer he kei sertig regle u wasser, öpfelsaft, kafi bla bla bla isch alles gratis.

NERV hat geschrieben:Schlimm!

und das nöd wäg em gäld an sich aber wo's so seich hett hett's lüüt wo me nöd känne will.

Das muesch positiv gseh:

NERV hat geschrieben:3. Wer Ferie hett, muess vorher no en Zünni für die ganzi Mannschaft abdrugge. S'gliche gilt am Geburtstag. :typej:

Vor de Ferie ou? OK, das hets i de bisherige Arbeitsorte nid geh. Aber logisch tuesch en Znüni abtrugge am Geburi. Mindestens 30x pro Johr gratis Znüni, frisch.

NERV hat geschrieben:Ich muess mich immer ganz fescht zäme neh, dass ich nöd gwüsse Persone wo jede Mäntig de glich Scheiss verzelle, en Fuscht inedrugge. Wär super, wenn die Kaffipause freiwillig wär. Bonusinfo: Die Zyt muess nachegschaffet werde d. h. mir müesse am Mäntig 30 Min länger schaffe wäg de Kaffipause, wo ja obligatorisch isch. Wen meh fernblibt, hesch grad en Gspräch mit em Chef vo wäge du sigisch asozial (das gilt au für all di andere Pünkt obe). :typej:

Freu di, du erkennsch no wer tumm isch. De wo immer ds gliiche lallet wahrschinlich scho nüm.


Das si halt Regle und Marotte wo sich im Lauf vo der Zit hei bildet und ibürgeret. Wenn di süsch nid musch ds todkrüpple isch das no en faire Tausch. Und schrägi Sache wo eim nerve wirds i jedem Betrieb geh.

Es nervt mich aber echt grad ganz gewaltig - vor allem wüll die Wuche grad 3 Lüt Geburtstag hei und Kaffikasse wieder mal leer isch. D. h. 40.00 Frangg abdrugge, wo ich lieber hätt in geili Animechüsi investiert anstatt in Mitarbeiter, wo d'Lizenz zum Läbe nöd verdient hei.

Vor de Ferie ou? OK, das hets i de bisherige Arbeitsorte nid geh. Aber logisch tuesch en Znüni abtrugge am Geburi. Mindestens 30x pro Johr gratis Znüni, frisch.

Chunt no dezue, das d'Hälfti vom Züni eh nie gässe wird, wüll das wo bringsch vo gwüsse nöd gern geässe wird, anderi sind uf Diät, es paar sind uswärts und sowieso isch eh nie alle rächt. Also am Beschte söttsch immer en Buffet uftische, demit kene mulet.

Ehresach, dass mer Gipfeli am Geburi mitnimmt. Und Kafipause hämmer au jede Tag obligatorisch für all. Nur gilted das als Arbeitsziit

Chäller hat geschrieben:Nur gilted das als Arbeitsziit

Denn isch natürlich easy.

Ev. bin ich au würkli eifach total asozial - gange z. B. au NIE mit de Büromann bzw. frauschaft go ässe, wülls mi dermasse aschisst, jede Tag s'gliche über Auto, Sport, Chind und Hustier müesse ds'ghöre. Isch nöd grad ideal, wenn me de Jüngscht vom Team isch, wo sich genau gar nüt für die andere alte Lüt interssiert.

Em liebschte am Morge ins Büro, de ganz Tag vo niemerem öppis ghöre und am Abe wieder hei. Super.

Bi mir isches so öppe dr hauptgrund warum ich no do schaff: t lüüt und dr agnämi, unbürokratischi umgang. isch jez au niemer drbi mit dem ich in dr freizit abmache würd aber susch sehr agnämi lüt und das bizeli smalltalk über fuessball, kunde wo närve und aktuelli wältereignis wärend dr kaffipause (wo übrigens weder zur arbeitszit no pauseziit drzuezellt wird, wil bi uns gar kei zit ufgschribe wird) halti also au no us.

Avenger hat geschrieben: Aber logisch tuesch en Znüni abtrugge am Geburi. Mindestens 30x pro Johr gratis Znüni, frisch.

hence the name Failenger

Schoso, wenns easy Lüt sind wo chli normal chasch rede und sich nöd ständig wiederholt, wie wenn sie alli scho unter Alzheimer würde lide, super.

emP hat geschrieben:

Avenger hat geschrieben: Aber logisch tuesch en Znüni abtrugge am Geburi. Mindestens 30x pro Johr gratis Znüni, frisch.

hence the name Failenger

ah hets doch no eine gschribe.

zum glück hei mir e kafiautomat. und gratis isch er au no.

und we me mir würd e pause ufzwinge woni ersch no müesst nacheschaffe, de würdi am nächste tag gar nüm oder mitem maschinegwehr ga schaffe!

heit dir ou sones pauserüümli? i gloub bi mire bude gö alli dert häre ussert ig. aber we der chef es gschpräch möcht wäge asozial, de würdi am nächste tag siehe obe.

thaeye hat geschrieben:nei isch nur bi de weiche so.

kraut hat geschrieben: pauserüümli?

10i am morge zum becker übere laufe , kafi useloh und gemütlich ufs sofa hänge wo inere ecke in unserem grossrum büro stoht

NERV hat geschrieben:Ev. bin ich au würkli eifach total asozial - gange z. B. au NIE mit de Büromann bzw. frauschaft go ässe, wülls mi dermasse aschisst, jede Tag s'gliche über Auto, Sport, Chind und Hustier müesse ds'ghöre. Isch nöd grad ideal, wenn me de Jüngscht vom Team isch, wo sich genau gar nüt für die andere alte Lüt interssiert.

Stell dir vor du hocksch im Grossraumbüro und würdsch das ständig ghöre:

"Ig ha mis Schnüggelikätzli hüt morge zum Tierarzt müesse bringe wills sis Stupsnäsi agschlage het" - "Mini Tochter het morn Flötekonzert ig bi scho ganz ufgregt hüt morge isch sie no einisch am üebe gsi lueg ig has gfilmet" - "Hesch gseh was YB gester gmacht het? Isch haut dumm wenn sie der Goalie tüe iwechsle vom scho bim Länderspiu gäge Syldavie vor 25 Johr i der 70. e Eggbau gschosse het als Stürmer i der Statistik so unglaublich schlecht im Mittelfeld als Verteidiger isch. Aber uf mi lost jo wieder keine." - "Mir het der Ueli geschter bim Höck gseit ig söu bi mim 234er BMW aui 13 Ventildichtige wegschruube und defür e vergoldeti Kolberückzugsfedere lo ibaue, de louft der Motor viu besser. Und no speziells Öl drifülle mit extra viel Gleitwürkig zum der Widerstand reduziere."