The(G)Forum

Tuesch au?
Mach iihne...!!

Wie lauft das ding eigentlich? JAA ich weiss...me hett 160 zeiche frei...blablabla.
Nur...seh ich dr Sinn nid so ganz.
Mol vo aafang a:
Ich wott für mis Lädeli twittere. Ideene und so alles sinn vorhande. Nur stosst me mit dene 160 Zeiche zimmli schnäll ad Gränze. Und lueg ich anderi Twitter sittene aa, denn liest me meischtens im Tweet die 160 zeiche und nachhär muess me uff en Link klicke wo zunere Sitte leite tuet wo dr räschte stoht. Isch jo unterem Strich NID dr sinn vo Twitter, oder seh ich das falsch? Me hett die ganzi zitt follower, logo...aber ebbe.. Dr sinn drhinter? Me hits zu dene URLS wo via Twitter uffgschalte wärde?

Mini Idee vo dere Twitter sach.

*Informatione zum Kaffipriis
*Chliini, eifachi Rezäpt zu Kaffigetränk wo me schnäll kha nochemache
*Infos über kommendi Kaffimaschinene
*Was mir hütt an Huusgmachti Gebäck (mir = ich = Kaffiröschterei in Basel mit eme Lädeli und ere Kaffibar) tüend aabiete.
*Neui Kaffisortene wo ich degustiere tue und drüber tue brichte
*Evt. Fötteli vo Kafficreatione
*Neuheite wo mir im Verkauf iihnegnoh hend (Panettone a Wiehnachte, Colombe, Ital. Spezialitäte) etc etc.
*über Aktione und Guetschiine informiere.
*Neui kreatione (Kaffigetränk) wo mr a dr Bar kha degustiere
*"Kaffee des Tages"

Alles guet und recht...aber ebbe...160 zeiche = wenig... d.h ich muess uff externi Sittene zuegriffe oder en Blog verfasse.

Hett öppert chli aahnig vom Twittere?
Und zwar nid so sachene wie...ich gang jetz go pfunde oder was weiss ich.

nei ich machs nöd aber ich han brueflich mit dem chabis z tue.

den ziehsch lieber en newsletter uf. twitter isch nöd gmacht für grossi botschafte. am beste verchnüfsch eh alles, facebook, twitter und newsletteraktivitäte. z.b binere aktion vomene kafi den halt churz twittere--verlinkig ufd promotionssite oder shop. nur wenn alles isetzisch, holsch au was use. twittere allei bringt eigentlich nix uusert bisch de charlie sheen oder sust en promi. wie wottsch den zu de followers choh?

voralllem zerst mal überlege was du überhaupt wottsch? meh traffic uf de site? besseri conversation? eifach chli aktione de chunde duregeh? din shop bekannter mache? ziel isch immer wichtig.

machsch wettbewerb und sammlisch emailadresse vo dine chunde und spamsch sie zue.

falls eifach chli wottsch neuigkeite verzelle, langet en newsletter.

als ersts bruchsch mal en abonnentestamm, sust gaht gar nix.

hmm, messi für dini Tipps.

ebbe doch...Twitter isch für so Firmene meh zum verlinke als zum plappere dänggt.

s Ziel isch z informiere. Siggs für dr Lade ellei (aktione, neui produkt, wettbewerb, tagesgetränk/gebäck, dfrüschi vom Kaffi (also was grad gröschtet wird) oder über dr Kaffi so Tipps uusezgäh. A la "ask mr. Coffee" ... härtegrad vom Wasser, Wassertemperatur, Mahlgrad, Pulvermängi, Drugg vo dr Maschine, Kha me kaffi iifriere...etc etc. Oder au über neui Grät z Informiere (neuschti Jura maschine, Cimbali, ECM) usw usw....wobii do gohts ebbe scho los. Länggt nid das imene Satz oder zwei könne überezbringe.
Wie gseit..d Ideene wäre extrem vorhande. Nur das ganze richtig könne z implementiere...das isch ebbe drfrog.

Also zerscht müend mir eh unseri Webpage uffschalte. Aber bis denn wott ich ebbe scho einiges a Tweets gschriebe ha. Damit me grad seht, dass dört öppis laufe tuet. Zu dr Webpage wirdi demfall no e Blogsitte eröffne. Facebook exischtiert scho. Zwar noni viel fans (erscht 65)...aber naja für so es chliises Lädeli gar nid mol übel. Drfür hanni sehr viel traffic druff.

wieso wottsch au nah en blog?

du suechsch eigentlich es online marketing konzept:) firmene wo twitter guet isetzet, gits fast kei. isch eifach en abverchaufsverstärcher i mine auge. für meh taugts nöd im gschäftliche umfeld. wenn evlt. mal sehr viel abonnente und halt sustige traffic häsch, verstärkts halt de druck uf de interessent. aber grad am afang isch twitter sicherlich nöd s richtige instrument. jede möngel hüt haet irgendswo en button mit : join us on twitter, join us on facebook. nur bringts de meiste lüüt nix wenns dem züügs folget oder joinet. du muesch en mehrwert büüte. ansonste isches eifach tote traffic wot nöd chasch konvertiere zu chäufer oder ebe newsletterabonnente.

machs eifach, shop ufschalte, newsletter subscriber finde (machsch ein eimalige wettbewerb, kaffimaschine gwünne, machsch chli flyer i dim lokal und facebook promotion, sammlisch emailadresse und den fangsch a en monatliche newsletter oder halt 2 monatlich a die z verschicke. den luegsch das überall de newsletter chan abonniert werde. wür mal eifach afange. tweets isetze bi aktione (heute aktion--blablabla link). facebook dasselbe.

en blog bringt dir nöd vill. guet ich weiss ja nöd mal ob meh bi dir au chan online bstelle. häsch en e-shop?

du muesch das ganze als zämäspiel vo allne massnahme aluege. Isch de shop integriert i d informationsstruktur? oder isches eifach en website wo den ufen shop verlinkt? all das mueme aluege:)

was bringt die en facebook gruppe en blog, tweet und en shop plus informationssites? es muess alles chli kombiniert werde. es istiegskonzept, vo wo chund de interessent, wo willsch ihn hilenke?

ohni konzept gits es gebastel:) und am schluss fuehrsch de interessent is nirwana. zerst mal definiere: was wott ich gnau. den was für mittel han ich zur verfüegig. wenn eifach chli informiere wottsch, machs über en special interest newsletter für kaffifründe.

aber ebe spielt bi dir ja nöd so en rolle, probier halt mal chli, isch de vorteil vom online marketing, chasch usprobiere ohni "grosse" mittelisatz.

Raw, es sind nur 140 Zeiche.

Ja ich han Twitter, aber ich bin nur "zueschauer" im Moment.
Wotsch Follower wärde?


wenn für Din Lade twitterisch denn gseht das eso uss:

Heute 10% Rabatt auf Kaffe bei @Columbiana im Gundeli. Für mehr Informationen besuchen Sie uns hier http://bit.ly/g2MocT

18 Zeiche füürig, vo 140
Das @ isch Din Nutzername und wird vo Twitter immer als "Mention" (Erwähnig) erkannt.
Also jede wo in sin Tweet @Columbiana schriebt, kriegsch DU im Twitter e Mention-Meldig. So könne sich Messages "viral" verbreite.
jede wo Dich als Fründ het, kann Din Iitrag au "re-Tweete"

das gseht denn so uss

RT @Columbiana: Heute 10% Rabatt auf Kaffe bei @Columbiana im Gundeli. Für mehr Informationen besuchen Sie uns hier http://bit.ly/g2MocT

2 Zeiche übrig vo 140

WICHTIG: Twitteret isch twitteret. Nütt ka jemals wieder glöscht wärde. Also acht uff Rechtschriebig

Bravo, jetzt bini GNet Follower.
Und s halbe G isch au scho druff Der EMP!!
Ich muess em evtl folge, aber er twitteret nur youtube videos. LAAAANWILIG

Min Twitter-Account:

@Meidocafe

Sit 3 Mönet debi und scho 5300 Tweets - laul.

Ich weiss wem ich NID wird folge
60 Tweets pro Tag bruch ich nid vom Nerv

Guave hat geschrieben:Ich weiss wem ich NID wird folge
60 Tweets pro Tag bruch ich nid vom Nerv

Für das bruchsch ja au so Plugins wie Echofon - demit z. b. wenn Luscht hesch nume Mentions lisisch und nöd Tweets vo allne friends. Guet, ich han au rund 310 Follower und sälber Followe tuen ich nume knapp 20. Wüll ich mich gar nöd defür interessiere, was anderi so tweete. Ussert natürlich vo Firmene / Fründe wo mich würkli interessiere.

Guave hat geschrieben:Bravo, jetzt bini GNet Follower.
Und s halbe G isch au scho druff Der EMP!!
Ich muess em evtl folge, aber er twitteret nur youtube videos. LAAAANWILIG

das stimmt itz ganz und gar nid.


aber itz mal Hand ufs Herz: Twitter isch ds überhyptischte System sitts Internetz gitt. Es grösseri Blase als das gitz also nid.

no kei einzigsmol bini uf twitter gsi. besser so. siehe emp si letschte post

Du hesch eifach es enorms Mitteiligsbedürfnis. Evtl tweetisch eifach mal, aber niemer liest Dis Zeugs
Ich könnt das nid. Isch au irgendwie schrög das ich eifach mal was würdi in d Welt uuseloo und nid mal weiss obs irgendeine kratzt was ich verzapf

RT @Emp:das stimmt itz ganz und gar nid.

@Emp. Ich weiss

Guave hat geschrieben:Du hesch eifach es enorms Mitteiligsbedürfnis. Evtl tweetisch eifach mal, aber niemer liest Dis Zeugs
Ich könnt das nid. Isch au irgendwie schrög das ich eifach mal was würdi in d Welt uuseloo und nid mal weiss obs irgendeine kratzt was ich verzapf

RT @Emp:das stimmt itz ganz und gar nid.

@Emp. Ich weiss

Bim Nerv sine Tweets tüen sich Abgründ uff

Bim Nerv sine Tweets tüen sich Abgründ uff

Wry?

twitter findi no guet für lüüt wo öppis z säge hei. me ghört so viel meh vo denne und si chöi eifacher uf projekt verlinke als wenn uf jedem sini priv. HP geisch.

zudem ischs no intressant nach ereigniss sache z läse, impressione oder reaktione wie z.b gad nachem erdbebbe in jpan. für privat personne ala dragon ischs nüt will niemmerd intressiert was si uselöh.

bi aber au nur höchstens 1x pro monet druffe.

O_O hat geschrieben:twitter findi no guet für lüüt wo öppis z säge hei. me ghört so viel meh vo denne und si chöi eifacher uf projekt verlinke als wenn uf jedem sini priv. HP geisch.

Ja das stimmt natürlich 100% für d Paralellwelt wo RSS Reader nid exischtiere. Und all Monet einisch druffe si isch ebe genau nid d Idee, sondern irgnwie immer z.b. via Plögin im firefox oder uf die 1000000 andere Weg.

Aber ig followe tatsächlich es Paar Sitene so. (SAP SDN, Greenpeace (LOL) etc.)

Wichtig isch vorallem im Summer de Aaretemperatur Tweet!

O_O hat geschrieben:für privat personne ala dragon ischs nüt will niemmerd intressiert was si uselöh.

Oh, wie überraschend, ein Seitenhieb.
Aber leider falsch. Jede Ägypter und Tunesier isch privat gsi. Aber e grosse Teil vo de Revoluzzer händ eso kommuniziert.

Guave hat geschrieben:Du hesch eifach es enorms Mitteiligsbedürfnis. Evtl tweetisch eifach mal, aber niemer liest Dis Zeugs
Ich könnt das nid. Isch au irgendwie schrög das ich eifach mal was würdi in d Welt uuseloo und nid mal weiss obs irgendeine kratzt was ich verzapf

wa wotsch du mir genau verzelle?

Guave hat geschrieben:

O_O hat geschrieben:für privat personne ala dragon ischs nüt will niemmerd intressiert was si uselöh.

Oh, wie überraschend, ein Seitenhieb.
Aber leider falsch. Jede Ägypter und Tunesier isch privat gsi. Aber e grosse Teil vo de Revoluzzer händ eso kommuniziert.

problem debii isch die lüüt haend öpis z verzelle mit mehrwert. wer vo dene 349049499494949494949 private westler wo tweetet haet das scho?

evo hat geschrieben:

Guave hat geschrieben:Du hesch eifach es enorms Mitteiligsbedürfnis. Evtl tweetisch eifach mal, aber niemer liest Dis Zeugs
Ich könnt das nid. Isch au irgendwie schrög das ich eifach mal was würdi in d Welt uuseloo und nid mal weiss obs irgendeine kratzt was ich verzapf

wa wotsch du mir genau verzelle?

Dir gar nütt, isch für e Nerv, aber der Quote isch vergässe gange.

ah ebbe

thaeye hat geschrieben:

Guave hat geschrieben:

O_O hat geschrieben:für privat personne ala dragon ischs nüt will niemmerd intressiert was si uselöh.

Oh, wie überraschend, ein Seitenhieb.
Aber leider falsch. Jede Ägypter und Tunesier isch privat gsi. Aber e grosse Teil vo de Revoluzzer händ eso kommuniziert.

problem debii isch die lüüt haend öpis z verzelle mit mehrwert. wer vo dene 349049499494949494949 private westler wo tweetet haet das scho?

vieli händ nütt z brichte, das isch so.
Ich han au tweets gmacht, aber die sind entstande well ich Twitter neu gmacht ha und au ha welle ussprobiere.
Jetzt benutz ichs zum "zueloose" und mach Re-tweets wenn mich e Kommentar interessiert. So isch es wie min persönliche Notizblock. Ich muess die Tweets/Infos nümme go sueche sondern gang se uff mim eigene Profil wieder go hole. Die hani ja nid selber gschriebe, sondern nur per Knopfdruck nomol verbreitet. Ich ghei aber alli Followers uuse wo ich nid kenn

Natürlich könn ich au alles uff Privat schalte das niemer was gseht, aber denn kani au keim me zruggschriebe.

emP hat geschrieben:Ja das stimmt natürlich 100% für d Paralellwelt wo RSS Reader nid exischtiere.

lol ja klar aber die wärded ja nid vo jedem supported und vorallem schribets ihres zügs ja jetzt in twitter ine.

wägem 1x pro monet. aber ich gseh wenigschtens für was es guet wär.

Mol es Fetts Merci a

Guave
thaeye

Jetz bini mol über Twitter uffklärt.
Ja, e eshop isch in bearbeitig. Isch e verdammti büez...dorum hann ichs nid z änd gmacht sondern in ufftrag gäh.
s mitenand verknüpfe isch würklich sehr wichtig. Ich muess einfach informierte..date sammle...usswärte...verkaufe..SUCHT