The(G)Forum

Jetz isch SNES agseit bi mir.

Super Famicom Wars spili jetz jede Tag 1 Map. Fägt extrem und weme Advance Wars kennt isches eifach zum istige und es git ja o e english Hack.

Näbebi spili no Shin Mahjong vo Konami, würd dert gern der Tournament Modus schaffe. Brucht aber sini Zit.

Final Fantasy X

Ha das nie fertig gspielt..
Aber komisch, dass es mir NULL bekannt vor chunnt... A anderi games us dere zyt ider gar dervor chami besser erinnere...

Geschter fertig worde mit Super Famicom Wars, düregspielt mit em Hetler Het mer no fasch besser gfaue aus d Advance Wars, es het kener blöde Levels mit Pre-deployed Zügs. Eifach ufboue, Strategie plane und erobere. Und d Animatione si sooo süess!

Aus nächstens mues wieder irgend es J-RPG häre.

Doraemon hat geschrieben: ↑09 Feb 2024 11:45 Aus nächstens mues wieder irgend es J-RPG häre.

ha no so viel offe ufem SFC und Saturn. ich chum eifach nüme zum game sit de junior da isch
nur no 2h am abig

Doraemon hat geschrieben: ↑09 Feb 2024 11:45 Geschter fertig worde mit Super Famicom Wars, düregspielt mit em Hetler Het mer no fasch besser gfaue aus d Advance Wars, es het kener blöde Levels mit Pre-deployed Zügs. Eifach ufboue, Strategie plane und erobere. Und d Animatione si sooo süess!

Aus nächstens mues wieder irgend es J-RPG häre.

goht aber nor wenn mer bitz japanisch cha oder?

Nid nötig denn es git e 100% englische Romhack. Aber me chas o ohni dä hack tiptop spile weme Advance Wars kennt, isch aues zimli glich. Und mit de hütige Translator Foto Apps chame die meiste Japan only Games tiptop spile.

@Mr. Heli: Wart es paar Jahr und Du chasch mitem Junior zäme zocke, die Games loufe ja nid wäg.

Ich bin no am Metroid Fusion drah, es mega guet hut ab Nintendo!

Neo Bomberman (Neo Geo)
esch es solids schöns Arcade Bomberman. Leider nor max. 2Pl, aber eis vo de guete story-mode bzw. singleplayer Bombermans secher!

Bomberman 94 (PC-Engine)

Ofem Myioo Mini Plus gschpillt. Läck popt das Game geil of somene chline Hi-Res screen. Di huere Engine-Games - v.a. die spötere ond diä vo Hudson - sind sowas vo ziitlos guet galtered (de Sound, d'Grafik, dä Style)... immer no Phänomenal!

Castlevania Circle of the Moon GBA

The 7th Saga für SNES - Verdammt, es isch würklech so hert wie aui säge ir USA Version. Häts nid denkt... Aber ig ha das gern und i probieres witer, obwohl i im Moment stuck bi bim ne Boss, wo o grinde nüt nützt da sis Level automatisch a mis apasst wird. Ds Game het paar intressanti Gimmicks aber d Grafik und Musig würkt scho bitzeli veraltet und gseht so gar nid nach Enix us sondern eher nach Kemco oder so.

Näbebi spili no chlei World Poker Tour ufem NDS ufem hertischte Schwierigkeitsgrad. I gloub i wär no guet im Pokere, aber i hami no nie getrout irgendwo in ächt ds spile isch vilech aber o besser so.

Cho Snowbow Kids N64

Geschter fertig worde mit The 7th Saga (SNES) - Eigentlech nur Durchschnitt oder sogar drunger, aber der hert Schwierigkeitsgrad machts doch zu öpis bsungrigem. Für mi hets ämu gfägt das abgrinde bis zum geht nicht mehr. Aber ds Game isch scho recht kaputt aber genau das hets haut o interessant gmacht. 6/10 gibeni.

Gester agfange mit E.V.O. - Search for Eden. Hani bis jetz immer nur churz agspielt aber genau gwüsst dass mir das guet wird gfaue. Jetz wotis mau düremache und es fägt wie erwartet. Jetz bini grad e Vogel und plane när d Umwandlig i nes Säugetier. Am beste gfaue het mir bis jetz ds Dino-Zitalter. Die ganze Viecher si o mega härzig zeichnet. Schwirig isches bis jetz nid würklich gsi ussert vilich bi de Bosse muesme bitz der Ablouf lerne.

The Ninja Kidz (Arcade)
Final Fight (Arcade)
Punch Out ! (Famicom)
Battle City (Famicom)
Elevator Action (Famicom)
Outrun 2006 (Xbox 360)

Gaming Weekend gsi

Bin grad am Adventure Island, Dragons Curse spile.
Macht laune.

PS2 Dino Stalker, Capcom chan eifach kei Lightgunshooter...fascht scho grotesk schlächt....

Bi immer no im SNES RPG Fieber, wot ändlech mau dert es paar vo de obskurere Titel chönne abhake.

Arcana hani gmacht. E durchschnittleche Dungeon Crawler mit paar guete Idee, jedoch irgendwie bitz unfertig oder nid so guet durchdacht. Für 1x düredsmache isches ok gsi, aber mitem 7th Saga hani me Spass gha.

Jetz bini dran am Wizardry V - Heart of the Maelstrom und das Game het mi richtig i si Bann zoge. Es isch altmodisch, altbacken, statisch, kryptisch, sperrig und grindig. Scho nume bis ig d Basics verstande ha si paar Stunde verbigfloge. Aber es isch genau mis Ding und ig weiss scho jetz, dass das Game i mi persönlech RPG Olymp wird ufstige. Erinneret mi hert a die wahnsinns gueti Zit woni mit Ultima IV ha gha.

Geschter mini alljährlichi GAME SESSION mit 9 Lüüt gha.
Im Multiplayer wie immer super acho sind: Tower of Rubble (de Publikumsliebling, Atari 2600), Saturn Bomberman (znüünte i 3er Teams gschpillt), Mashed (PS2), Olympics Athen 2004 (os minere Sicht s'bescht Olympic Game ever), Fifa 2001 (i 3er Teams gschpillt), Sega Bass Fishing Duel (im Spiltscreen ond "Time steal" mode gschpillt) ond notürli Mediveal Mayhem (4 Player, Atari 2600).

Näbscht mehrere classic Multiplayers hämmer au paar Singleplayer um Pünkt gschpillt:

Daytona USA HD (PS3) mit G27 Steering Wheel
Dä traum. Genau wie im Arcade, sogar no schöner. Nor scho os Nostalgiegrönd es 10/10 Game.

Nam75 (Neo Geo AES)
För so en Event es super game, will simple und intuitiv gnueg. Au nach 30 Johr no en Classic! 8/10

Ikaruga (DC) im Tate-Mode
Geiler goht en Shooter au 2024 nömm, ond dä no ofeme geile HDMI Screen (mit Adapter) und Vertikal. 10/10

BAS (Pico 8)
Eis vo de beschte Pico-8-Games und es super Mini-Game wo mer 30, 40 , 50 mol hinderenand locker cha spiele. 8/10

Simpsons Hit and Run Gamecube
quasi es vereinfachts GTA mit Simpsons

da hätti also gern mal es remaster devo! geils game gsi

Master(G) hat geschrieben: ↑24 Apr 2024 07:17 da hätti also gern mal es remaster devo! geils game gsi

irgend öpper het glaubs es fan remake gmacht. anlässlich vo dem händ d entwickler gseit, das es derziit ka plän git. drum hani gfunde, wieder mal spiele.

de gegeverkehr nervt aber grausam, wills d spur wechsled. han bi paar missione recht gfluechet

Master(G) hat geschrieben:da hätti also gern mal es remaster devo! geils game gsi

Stimmt

Ha uf de xbox360 (namco museum) wider mal ms pac man und pac man champion ed. gspillt.