The(G)Forum

Bevor ich dChette am Fuess hinder mier mit in Fiirabig schleppe, no churz es möglicherwiis fruchtbars Topic.

Was mached iehr, zum wieder zu eu sälber zcho, nachdäm dArbet und dä Alltag eu eis zuegsetzt und eu uusgrunge hät?
Was isch es, wo eu das Brandzeiche churz abschüttle laht, wo eu bis in Tod als Sklav zum Schufte verpflichtet und eu
für en Momänt wieder energieriich und frei fühle laht. (Me chann sich frei fühle, trotz dä Gwüssheit, dass mes nöd isch).

Und ich meine nöd Saufn und Ruuschmittel, sondern öppis anders, wo e verblüffendi würkig uuf eu hät.
Ich bin z.B. immer wieder erstuunt, wie guet dass es tuet, egal wie gschlisse dass me isch, mit es paar guete Lüüt sich irgendwo
träffe und mitenand e churzi, gueti Ziit ha mit chli Ummeschnurre und die Erinnerig als Abschluss vom Tag mit iin Schlaf näh.

was schaffsch?

ich lose amigs bim heifahre uf DRS3 d'5i-Nachrichte. Gaht 15 Minute und lenkt perfekt ab

wobii...ich sowieso kei Müeh han zum abschalte.

dä vyse isch so en negativmänsch, debii wär er so kreativ.

10-15 minute mit em velo heifahre und scho ischs büro hinder mir! win!

bi mir bruchts das eigentlich nur sehr sälte. s gschäft interessiert mi 0 nachdem ich usem büro gloffe bi.
wenni kO bi denn meistens wili am oobe zuvor chli zlang gmacht ha.

aber das

ch bin z.B. immer wieder erstuunt, wie guet dass es tuet, egal wie gschlisse dass me isch, mit es paar guete Lüüt sich irgendwo
träffe und mitenand e churzi, gueti Ziit ha

isch sicher e exzelents mittel. versuechi jede tag zmache. au wenni nit gschluucht vom schaffe bi. eifach so wils super isch.

Fappiere.

wer immer chli ziit fürs forum hät, häts no iisi im gschäft.

Ich luege grotteschlechti Trashfilme und spiele Poker. Funktioniert super.

Und au wenn du dis Lebe scheisse und zum kotze findsch, öppis machsch doch instinktiv richtig:

Vyse hat geschrieben:Ich bin z.B. immer wieder erstuunt, wie guet dass es tuet, egal wie gschlisse dass me isch, mit es paar guete Lüüt sich irgendwo
träffe und mitenand e churzi, gueti Ziit ha mit chli Ummeschnurre und die Erinnerig als Abschluss vom Tag mit iin Schlaf näh.

Genau das.

Edit: Ups, han öppis verwechslet. Korrigiert.

Wieso schaffsch nit weniger, säg 60% oder eifach dass es dr für das längt wo dr wichtig isch? Eso wies tönt bisch recht en Alternative, bruchsch kei Auto und so sache, denn kasch mol biz zrug mit em Schaffe und hesch meh Zyt zum nit Schaffe.

Ich mach nüt. I 80 Jahr isch sowieso alles verbi

Bananenbrot essen.

Panther hat geschrieben:Wieso schaffsch nit weniger, säg 60% oder eifach dass es dr für das längt wo dr wichtig isch? Eso wies tönt bisch recht en Alternative, bruchsch kei Auto und so sache, denn kasch mol biz zrug mit em Schaffe und hesch meh Zyt zum nit Schaffe.

weisch dänn häter nüt me z motze und chönt sini grosse emotione nüm uf kitsch bilder verarbeite.

Game mag ich praktisch nüm... wennd film luegsch isch de abig au bald wieder verby.

Ich haus ufs Velo. Sehr guet chasch fruscht abreagiere. Es brucht aber au immer en motivation zum gah.

Reinforced hat geschrieben:Ich haus ufs Velo. Sehr guet chasch fruscht abreagiere. Es brucht aber au immer en motivation zum gah.

ich gang eifach mit em velo go schaffe, denn het sich das

sobald ich usm gebäude lauf, mir am beschte no dsunne is gsicht schient gahtz mer grad wieder guet.
wenn ich wükli en scheiss tag gha han denn machi nachr am beschte grad ab. jetz im summer isch super, gahni an see, suuf, red, lach, alles guet.
entweder das, oder ich dänk konstant ufm heiwäg as kiffe und wenn ich denn eis graucht han vergiss ich eh schnell was gsi isch.
aber dä dialog mit fründe in ere entspannte umgäbig länkt eim am beschte ab, find i.

isch übrigens immer wieder erschreckend wie ähnlich mir dä evo zsi schiint.

Reinforced hat geschrieben:Game mag ich praktisch nüm... wennd film luegsch isch de abig au bald wieder verby.

Ich haus ufs Velo. Sehr guet chasch fruscht abreagiere. Es brucht aber au immer en motivation zum gah.

bin au recht viel am velofahre. bisch uf em rennvelo oder mountain bike? oder dirt oder BMX?

geosnow hat geschrieben:

Reinforced hat geschrieben:Game mag ich praktisch nüm... wennd film luegsch isch de abig au bald wieder verby.

Ich haus ufs Velo. Sehr guet chasch fruscht abreagiere. Es brucht aber au immer en motivation zum gah.

bin au recht viel am velofahre. bisch uf em rennvelo oder mountain bike? oder dirt oder BMX?

mountain bike... aber nid gross in wälder downhill etc.

so 15-20km im Schnitt pro tour. schfren.

tönt guet, machi au viel. han es paar geili singletrails bi mir ide nächi. oder sus au uf de üetliberg und den über d albischetti heim. bin voll agfrässe.

Velofahre. Au das isch e Weg zum abschalte. Ich gang lieber go jogge.

Velofahre han ig ab der Sekundarschuel müesse. Jede Tag 2x id Schuel und zrügg. 5 Jahr lang. Isch es Trauma gsi. Nid überraschend dass ig sit em letzte Sek-Tag nie meh Velo gfahre bi.

als chind hesch sowieso immer dopplet so viel müesse trample. Mir hend mal en Tour de Suisse gmacht quer dürt d Schwyyz und das ide 6e Klass.

Ich bin Gedanklich eigentlich immer am Schaffä.

Wie wär's mit Raven?


Quelle

geosnow hat geschrieben:tönt guet, machi au viel. han es paar geili singletrails bi mir ide nächi. oder sus au uf de üetliberg und den über d albischetti heim. bin voll agfrässe.

bike = fren

rund um winti isch au nid soo übel für gmüätlichi türli und so. ums richtig geil ha gangi im summer no öpe irgend inen bikepark go so richtig abetätsche