The(G)Forum

Salut,
Han letschti no es paar fötelis vo NY gfunde. Bin endi 08 döte gsi, hand’r atlantik ersch eimal im läbe überquert. Häd mer also scho no gfalle, obwohl ich eigentlich lieber uf die ander site flüge.

Nintendo chrömerlade.
Isch eigentlich no gross und sie händ sogar no ä chlises plätzli gfunde zum es paar sache uszschtälle. Ich weiss nöd öb die vitrine no emmer döt send, Nintendo style hold = sehr gizieg.










Dr gameboy häd en bombeangriff im erschte golfchrieg öberläbt, dä bsetzer aber glaubs nöd. Guet, Nintendo mag wohl gizig si aber qualität isch scho top.





Swarovski häd au nochli pfinger dine...

Videogames New York
Isch dr einzig lade wonich gfunde han wo no retro häd. D`verchäufer händ mer au bestätigt das es praktisch der einzig retro lade isch ar ganze weschtküschte (weiss aber ned öb das schtimmt oder nur marketing isch). Dr lade sälber isch rächt gfüllt und scho no äng. Zum teil muesch die rächt um gschtäll schlängele damit gsesch was es no um dä äge häd. Z’ganze isch au ächli schtaubig und es häd irgend wie ächli gmuffed döt inne. Bin eifach sgfül nöd losworde das irgendwo no ä mouse underem gschtel am tröchne isch. D’verchäufer send sehr fründlich und behilflich. Luschtig isch no das grad bi ältere schpili, wo wohl en pris agschribe isch, dä verchäufer no schnell ines chämerli verschwendet und got go dä „ta-gespris“ go nocheluege und somit häd dän schpili en ander pris wie agschribe, sehr wor-schinlich immer türer.

Und no es paar söschtigi fötelis vo NY, öpis isch central station sehr idrükliche Bahnhof. Bibliothek, isch also au en bsuech wert. Dän no Harlem, Central Park und söschtiges...

de lade isch geil.

und s esse isch NY isch au geil.

jo das isch e so: Junior's chief salad mit emene halbe kilo schinke dirgschnätzled
Häsch au bim BoBa Cump gässe nei gfrässe ha,ha,ha
In Harlem gospel food, chansch jo gar nöm go gschisse hi,hi,hi

Schwarz-Wiis dFetlis sind also härt guet. Nimme ah, tuesch suscht no hüüfig fötele. Häsch e Website mit wiitere Werk?

Vyse hat geschrieben:Schwarz-Wiis dFetlis sind also härt guet.

s'beschte i dem topic.

wie gmacht? en retro app? oder clever beliechtet? will d'konture und d'liechter/schätte sind sehr beiidruckend.

Genfer hat geschrieben:Videogames New York
Isch dr einzig lade wonich gfunde han wo no retro häd. D`verchäufer händ mer au bestätigt das es praktisch der einzig retro lade isch ar ganze weschtküschte

Rolf

De Nintendo Shop hani nöd speziell guet gfunde. Zumals nur e kopie isch, s original chunnt vo Jepen. Das heisst obwohl de Shop in NY isch, ische er nöd a de Quelle. Vill besser isch da scho de M&M's lade, oder Toys R Us. Oder de Apple Store

Die Vitrine sind grad s einzig "spektakuläre" det ine, natürich 5623453425 möngis wo die Vitrine föteled und echli hihihihi über de bombing-Gameboy. That's it.

Au ganz speziell, uf die ander site echli ridicoulous, isch d NBC Studio Tour

NY isch scho 10/10.

NY sälber isch aber nid würkli schön ?! bi no nie gsie

Wie sind so priise i dem einzige retro-shop a de weschtküschte?

Reinforced hat geschrieben:NY sälber isch aber nid würkli schön ?! bi no nie gsie

NY isch wahnsinnig, wahnsinnig geil!

Ahja westküste, da mal ä detaillierti charte für dä gänfer, zum sini geo-känntnis ufzfrische.

Stadt:
Mer häd NY sehr gfalle, klar wenn eine Stadt grundsätzlich ned gern häd dän gfallt em NY sicher weniger. Atmosfär isch eimalig, lüt send sehr fründlich und hilfsbereit.

Wänd d'färi nimsch uf Staten Island dän laufts dr scho warm dr rügge drab wänd dich vo Manhaten entfernsch/nöcherchunsch.
D'grössi und atmosphäre vor Central Station.
Durch dä Timesquare (volltouristisch) schländere und dän uf Harlem go (Stadtsauvage)
Vo Brooklyn nach Manhaten überelaufe
Uf en Wolchechratzer ufe go

Videogames NY:
Natürlich ischer tür bis sehr tür, han prise aber nöm im chopf, han gmeint ich chönt mer no es paar G&W chaufe aber sisch mer grad vergange.
Au US sache send tür gsi zu minere überraschig, vor allem grad RPG's. So läde send hold amigs meh Museum wo kei itritt zahlsch aber stundelang chasch drin verwille.

Fotis:
Früner hani vell gfötelet, hüt isch ächli näbebi so als 2.hobby. Han aber emmer no dä plausch und ich chamer vorstelle dass ich dän spöter weder meh gang go fötele.
Zur technik, ich tuen vellnisch s'hellschte liecht abmesse, somit wärdet d'schatte dunkel bes schwarz. Nochbearbeite tuen ich fotis nöd gross, eifachs program zum nochli sättige und in S/W umwandle.
Homepage hani nöd. Ben aber vor es paar woche uf es chlises fotiforum gstosse und han döt es paar fotis usgschtällt, lockeri sach: http://www.fotoboard.ch/viewtopic.php?f=32&t=95

Genfer hat geschrieben:Fotis:
Früner hani vell gfötelet, hüt isch ächli näbebi so als 2.hobby. Han aber emmer no dä plausch und ich chamer vorstelle dass ich dän spöter weder meh gang go fötele.
Zur technik, ich tuen vellnisch s'hellschte liecht abmesse, somit wärdet d'schatte dunkel bes schwarz. Nochbearbeite tuen ich fotis nöd gross, eifachs program zum nochli sättige und in S/W umwandle.
Homepage hani nöd. Ben aber vor es paar woche uf es chlises fotiforum gstosse und han döt es paar fotis usgschtällt, lockeri sach: http://www.fotoboard.ch/viewtopic.php?f=32&t=95

schöni sach!

schaffsch dämfall ussschliesslich digital? wägem i S/W umwandle, meini. und cha me dich bueche für porträts? wär bi mir (bzw de band) bald es thema.

ich finde de retro shop mega geil. eigentlich findi jede gameshop i dem stil geil. isch chli wiä e galerie zum chillen, lalle, nerden.

apple store. :typej: oh nein, wiä chamme nur. öpis langwiligers gits nöd. isch commodity.

btw nei, es git schono es paar anderi import läde. broadway/chinatown häts eine. denn grad en block nebedrah im 1. stock häts au no so hkg game retro store. denn hinter em polizeiposchte bim a&s plaza häts en toystore mit import games.

alli diä chline shops häd meischtens no es paar retro games. bin aber au scho länger nümme gxi.

Fötele zur zyt nur no digital, isch schnell und billig. Analog müesst ich zersch weder en usrüschtig ha.
Porträts und so sache hani früener no vell gmacht. Dä letschte 10 johr aber nüme. Han au kei usrüschtig meh (Rum, liecht, blitz etc...)
Wo wotsch dän die föteli mache? Chunsch uf Gänf?
Was machsch för music?

röck.

gämf isch scho es stuck, aber det spielemer sicher au mal. dänn chömer drüber rede.

Ir l'usine...Forum Meyrin...Rock Vernier...heijo, geschmer bscheid wäns dän so wit isch!

usine super. mit mire alte kapälle nöd grad weni gspielt det.