The(G)Forum

Bini gspannt druf!

also ds thema reizt mich eigentlich garnid, aber super cast - mal luege.

Grad müesse gähne, woni dä Trailer chürzlich im Kino gseh ha.
12 Monkeys isch geil gsi mit däm Thema als Basis, aber suscht ischs doch rächt uusglutscht, nöd?
Dä Trailer hät mi bitz ah dä Film mitm Äffli erinnered, wo glaubs dä Hauptstamm vomne Virus treit und inere mutierte Form dLüüt dahigrafft hät.

ultrageile cast.. aber story evtl. gähn... mal luege was dä sodi drus macht.

Isch ok, abr nüt speziells. Eher e nüchterne film, sympathisch isch niemert und keine sticht use. Stigt o ohni gross fackle is thema ii. cast isch scho super, aber irgendwie chunnts nid so zum zug.

sehr guete film für das thema. kän öde thriller, kei schüttelkamera hysterie, kei clever trännti handligsböge wo sich sich dänn sörpreis sörpreis baffmachend verschachtle und inander uflöse und vorallem keis marokkanischs chind i de wüeschti wo de virus und de antikörper halb dur e luune vo de natur und halb dank sim zivilisationsferne läbe mit sich umetreit und i letschter sekunde dank hitech bioscansatellit gfunde wird. de film wird strikt als e rächt dischtanzierti dokumentation präsentiert und das macht en super. de cast isch natürli super aber das isch nödemal so wichtig, wobii sie de film dank ihrer qualität türli scho träget. de jude law präsent wie immer, de fishbörn han ich nonie so guet gseh und d'gwyneth i de rolle vo ihrem läbe.

und musig cliff martinez. er isch en.

gfallt mer super. 8 pünkt gits scho nur defür das g. pathrow stirbt und das mer d kate winslet gseht.

9/10

Hanen scho ewigs ufde HD gha, bin aber nie dezue cho en ds luege. Würklech guet gmachte Film, de Vortex hed eigetlech scho alles wichtige gseit dezue!!

8/10