zwirrlibatz hat geschrieben:gilt das hüt als "postrock"? omg, früehner isch das no was spannend guets abentüürlichs musikalisch intressants gsi inere bandbreiti vo .....
Vyse hat geschrieben:Die erschte zwei links mal bsuecht, dä Rescht losi natürli bi Gläggeheit au dure... nur, das hät doch nüüt mit em Thema bzw. mit Postrock nach aktuellem Verständnis ztue.
Vyse hat geschrieben:Du prangerisch dä "emoschlufifark mit de gelägentliche grässlich klischiertabglutschte mettelriffs" ah, aber das isch ebbe grad das, wo dä Klang vom unverhülltem Pathos und em musikalsche Überschwang uusmacht.
Du chasch eifach mit däre Art vo Musig nüüt ahfah, wills dier zeifach gstrickt isch oder wills zu "unverborge" und zu unrafiniert und zu uufdringlich dahärchonnt? Oder weswäge genau?
ich kritisier dass die musik einersiits unglaublich platt und klischiert mit langwiiligschte harmonie und vorussehbarschte dynamike und dramaturgie drhärchunnt und dass lüüt usgrächnet die musig usgrächnet als "überschwang" und "pathos" lobe und sogar verteidige. emotional bewegend und mitriissend isch das nur für öpper wo sich mit weni zfriedegitt. es isch quasi es plastik abziehbildli vom riil schitt. dä blinx vom mario, dä good charlotte vo dä nirvana, dä matrix vom blade runner.
so wies für mich uusgseht, hät dMusig i diine Bispiel dAbsicht en andere Erläbniszuestand zverursache als dä emoschluffi Postrock und somit gsehni au dä Zämmehang mit em eigentliche Topic nöd so rächt.
ebe falsch. die LDC, Isis oder Russian Circles zbsp schaffe das nöd wo GYBE u.a. anebringed. sie sind chalt, steril, überproduziert und vorallem absehbar und unoriginell. sie händ kei gspür für böge und klang. ich find die musig furchtbar will sie überhaupt nöd lieferet was sie vorgitt zliefere. jedefalls nöd wemme langi jahr bessers will originellers, überraschenders und vom hörer meh abverlangenders glost hett.
ABER ich verträg zbsp Codeine und GYBE zbsp scho lang nüme so oft wie au scho. teils will ich kei postpubertäri schüb han und teils will die bands ebegrad zu intensiv sind.
dasch jetz rächt guet.
Sephi hat geschrieben:@ Vortex: Wies de Vyse gseit het: Polvo findi zum Bispil au super, sowie paar anderi vo de Bands wo postet hesch. Aber mitem aktuelle Verständnis vo Post Rock decke die sech nid grad. Erwähne darfme hingäge dass Post Rock allgemein bitz en blödi Genrebezeichnig isch, wie das no so oft bi Post-xy Sache der Fall isch.
wenns es postrock topic sii söll, dänn ghöre au die drii wo me mal als solchi bezeichnet hett. es isch - woner isch ufcho ca 1995 - überhaupt kän blöde begriff gsi. me hett en sammelbegriff gsuecht für schlagzüügundgitarremusig, wo versuecht de rock als solche hinter sich zlah und de naheliegender begriff
progressive isch grad vom techno reserviert worde und für gitarremusig scho mit de böse 70er jahr fiindbilder wie genesis, yes, elp etc emotional schwer belaschtet gsi. bescheuert isch de begriff ersch sits es etikett worde isch für die horde vo gliich klingende emometalinstrumentalpathosganzliisligganzluutkapällene. isch dasselbe wo mit em "progressive rock" passiert isch. zersch abentüürlich frei suechend, hetts plötzli parameter gäh wie dä zklinge hett und das hett zu de entsprächende stagnation gfüehrt wo sich aber de kriterie gemäss progressiv nännt.
Russian Circles hani vor Boris gseh, hetmer nid gad viu gäh und het jetz ou nid unbedingt viu mit Long Distance Calling ztüe . Aber gäll de Mogwai findsch au noso guet. Ken "Emoschlurfifark"? Was isch mit "Flood" vo Boris?
Russian Circles schaffe wie Long Distance Calling mit de obe erwähnte klischee. Flood isch gröschteteils sehr super. Bescht isch Attention Please. Die ander neu, Heavy Rocks 2011, isch durwachse vo tuusigfach ghörte Droneriffs. Mogwai find ich langwiilig. Liisli luut liisli luut gähn. Wenn ich all de Epos und Pathos und Rock und Originalität und na viel meh i grandioser Qualität und Emotion ha will, los ich Motorpsycho.
En Pflichtchauf.
)