The(G)Forum

Bi mim PC sind d USB Aschlüss vorne defekt. Iz überlegi mr en Mac Mini ds chaufe, obwohl ich Apple eigetlech nid so sympatisch finde. Er isch eifach so chlii, und genau das brüchti am neue Ort. Han gse dasr keis Laufwerk hed..weiss öber ob ds en gueti Sach isch mit dem externe, und wie gross isch das Teil?

Gids problem mit Logtiech Wireless Muss und Keyboard?
Achlüsse amne Samsung TV söd au keis Problem si?

Gids susch no Sache bzw. "Abstriche" woni also ewige Windwos User söd wüsse...?

Zum Schluss ev. es paar Vorteil?

Merci fürd Infos

dr neu mac-mini het kei Laufwärk meh
Antv söti kei problem sie het jo e hdmi usgang
zum Keybord und dr mus kann ich leider nüt säge

huere guet, dass was anders, als dä mac-os drufflade chasch.
das macht dä höchi priis gad wieder wett.

nachteil: kei erwiterigsmöglichkeite (spezielli grafikcharte etc.), chostet für d'leistig liecht me als en gliichwertige pc
vorteil: mac system und hardware sind sehr durchdacht wo viel konfort und benutzerfründlichkeit büütet (unds nöd bloss versuechet)

ich würd nie me en pc als 1. computer iisetze, nie me, was mer sich mit eme mac alles a ärger spart isch unglaublich... allerdings befürchti dass apple bald so proprietät mit ihrem appstore werde chöntet dassi trotzdem mues abspringe, aber im moment isch no alles guet...

Mac Mini sind super, han au lang einä gha. Dass de neu keis Laufwerk meh hed, findi allerding rächt idiotisch. Vilicht chasch der jo au es älters Modell chaufä, je nach dem was willsch druf machä...

Was d Tastatur agohd, ich han au es zitli e Logitech gha, allerdings eini für Mac. Diä anderä gönd aber sicherlich au, nur sind halt es paar Sachä denn echli andersch wiäs uf de Tastatur stohd. Allerdings chunsch mitem Mac Mini jo au e schöni Tastatur und en Muus über. Zerscht bini au skeptisch gsie, han denn aber denkt ich probier mol... jetzt lieht d Logitech imene Chaschtä.

oke, das hilft mer schomol.

Weiss öber wie stabil die Dinger sind? Han gd eis in Ussicht wo aber modifizert worde isch, sprich meh Arbeitspicher, 500gb Hardisc und BluRay Laufwerk..jedoch ohni Garantie...würdsch chaufe odr findsch riskant?

Was choschte so Reperaturarbeite öbe? Und machts Apple himself überhaupt wenns en gmodete isch?

[yt][/yt]Also zum uf din Titel zrug zcho, wenn du z.B. en Computer wilsch wo in erschter Linie au als BR Player söti diänä, denn wär das z.B. en guete Grund kei Mac Mini z poschtä.
S Thema Apple und BR isch leidig, übel, müäsam. Evtl. gits tricks und Umwäg zum tatsächlich ufere Mac Maschinä (insofern nid ufeme Mac Bildschirm) irgendwiä mol en kauftä BR Film z luege, aber ich glaub nid dases Ufwand, Müä und Nervä lohnt. Also BR Laufwerk dörft für diä meischtä Lüt am Mac ziemlich unbruchbar si, es sei denn mer ghört zu denä wo mit BR Rohling schaffed.

Was Stabilität betrifft: Irgendwenn liged diä Dinger au ab... meischtens gots allerdings so lang, dassmer sowieso froh dörft sie wiedermol en Grund zha ines neuers Modell z investiere... ich han bis jetzt Apple Computer immer alli zahlrichi Johr zimlich intensiv in Benutzig gha... (sogar weni mol einä scho brucht kauft gha han, wiä das bim MacMini de Fall gsie isch).
Allerdings chans natürlich scho mol vorcho (in letschter Zit irgendwiä hüfiger hani s Gfühl...) dass es Grät scho Produktionsbedingt en Fehler hed. Isch mir au scho passiert. Denn isch diä ei Jöhrig Garantie natürlich super...

Wenn ich dich wär würdi probiere eifach en Mac Mini vo de letschtä Generation zumene aständigä Pris z findä (es sei denn du wilsch unbedingt de Power vo de neuschtä).
Und es gid amigs chlini Computerlädä vo Bastler und Freaks... det wird eim meischtens besser gholfä wiä i grössere Lädä oder gar chetene... grad wenns um Reperaturä oder so god. Vilicht gids so öpis jo au i diner nöchi.

Ich ha scho de zweit MacMini diheime als Movie-Shizzle diräkt am TV.
Isch megen.

Öb me jetz es Laufwerch brucht oder nöd, isch halt so e Sach. I mim
Bischpiel mues i säge, das ichs no NIE brucht han.

BluRay: simmer mal ehrlich, nahezue jede da ine lueged die mit de PS3.

DVD: grad namal, jede vo eus hät wahrschinlich 5+ Grät diheime wo
chönd DVDs abspiele. Zudem laht sich ja de Ländercode nöd eifach so
usheble uf em Mac (soviel ich no weiss).

also mini Mac books und Macbook Pro wo ich bis jetz ka han han ich alli Codefree gmacht isch eifach, aber mit eme risiko das de s laufwärk schrottisch wenn de päch hesch

tigerprinz hat geschrieben:Ich ha scho de zweit MacMini diheime als Movie-Shizzle diräkt am TV.
Isch megen.

Öb me jetz es Laufwerch brucht oder nöd, isch halt so e Sach. I mim
Bischpiel mues i säge, das ichs no NIE brucht han.

BluRay: simmer mal ehrlich, nahezue jede da ine lueged die mit de PS3.

DVD: grad namal, jede vo eus hät wahrschinlich 5+ Grät diheime wo
chönd DVDs abspiele. Zudem laht sich ja de Ländercode nöd eifach so
usheble uf em Mac (soviel ich no weiss).

Also wenns nur als movie shizzle für files bruchsch, denn chamer sich scho überlege öbmer es Lufwerk brucht (allerdings au öbmer für ds würklich en MacMini brucht). Wemers aber au als Computer zum Schaffä brucht, chans also scho no rächt schnäll vorcho dasmer es Laufwerk brucht (au wenn zugehner Massä immer weniger), wemer no will Musig druf kopiere natürlich sowieso.

Und ich wär verdammt froh chönt ich uf mim Mac codefree BR und DVD luege... denn hetti diä fascht tusig stutz für min BR Player nid müese usgeh, und chöntsi ufem Computerluege, wo de besser Bildshirm hed als de Fernseh woni mit BR Player Aschlüss... das mol abgseh devo dasses sowieso viel praktischer wär.

Klar, öb das soviel Zuekunft hed... aber d Zuekunft hed ebä so an sich dassi erscht no chund, und es bitzli kompatibel zu Sachä us de Vergangäheit wär au no net.

Ich finds übel das d Öpfel so quatsch mached... aber sie sind jo au mol uf d Idee cho das en Laptop eigentlich kein Firewire brucht... das isch no fascht diä dümmer Idee gsie, vor allem wills kei Marktstrategischä Grund gha hed.

Ich han mr iz de Mac Mini übrigens poschtet...luege mol obi mit somen Mac OS klar chume, susch muessi den wohl Windwos 7 druf gheie, wer mr glaub sogar lieber....

Wie gsets us mit Word Dateie, lönd sech die ufem Mac öffne, wenni no kei Lizenz ha? Ajo und uf was fürnes Programm Synci mini Iphone Kontäkt bimne Mac? Bisher hanis ja ufs Outlook gmacht,...

Kontäkt synchsch mitem bereits vorhandene "Adressbuch", das isch am bequemschte.
Word Dateie lönd sich öffne und bearbeite, aber ich würds trozdem in Betracht zie, es Office ds chaufe oder ds Libreoffice gratis abedslade.
Für der Rescht chasch en Crashkkurs im ne Apple Store mache. Alternativ gits gueti IIfüerige uf der Apple Homepage.

Uriel hat geschrieben: ... oder ds Libreoffice gratis abedslade. ...

Muesi glaub au grad mol probiere... han bis jetzt immer open office brucht. Langt zwar im Moment für das wonis bruch (öpä diä mol es paar Datä inen Exell Tabällä izdrägä oder hin und wieder mol öpis öffnä woni überchum). Isches besser als das (es überzügtmi nid grad vom "rund laufä" her, wenis denn mol chli meh bruch chönts no müäsam werdä)?

S Microsoft Office isch zwar jetzt glaub mitlerwilä au super ufem Mac (lang hedmers jo nur beschränkt chönä bruchä).

Libreoffice isch d "Wiiterfüehrig" vo Openoffice. D Programmiere hend sich mitem neue Bsitzer vo Openoffice zerstritte und denn es eigets Projekt, wo ufm Openoffice basiert, uufgstellt.
Mittlerwiile kenn ich niemert me, wo Openoffice verwändet. Au d Linux Distributione (Ubuntu etc.) verwändet all nur no Libreoffice.

Acid hat geschrieben: S Microsoft Office isch zwar jetzt glaub mitlerwilä au super ufem Mac (lang hedmers jo nur beschränkt chönä bruchä).

ja z'neue isch zimlech guet.

usser em pries giz gloub ke grund, usser du wosch druff neui highendshooters in fullHD spielä

Min mac mini isch mis mädchen für alles

mousch hat geschrieben:würdsch chaufe odr findsch riskant?

für 1.- sofort chaufe
für 2000.- sicher nöd chaufe

interessant du wosch en mac mini chauffe wüll d Front USB ahschlüss nüme gö ? wie wärs mit kable wächsle bzw prüefe?

Reinforced hat geschrieben:interessant du wosch en mac mini chauffe wüll d Front USB ahschlüss nüme gö ? wie wärs mit kable wächsle bzw prüefe?

das isch in der tat sehr interessant

Ja, de PC nervt mi eifach, und er passt optischt nid in mis neue Konzept.

No e Frag. De Mac isch iz cho, date Transfer machi eigetlech über die externi HD, söd ja kei Problem si odr? Aber nützlech wär no ds wüsse wieme genau d Itunes Mediathek mit allne Bewertige (Sternli) übertreit, bzw. obme das überhaupt chan? Wennis google findi nur Iträg vom 2007....:typej:

Du hesch mehreri Möglichkeite. Am eifacschte gahts über en iPod /es iPhone. Klick
Die zweiti Möglichkeit isch da beschriebe: Klick

Drittens: machsches vo Hand und exportiersch d Biliothek under "Datei->Bibliothek->Exportieren". Denn kopiersch nu all sounddateie in "Musik" Ordner vom Mac OS und importiersch d Bibliothek.

Ah ja: lass iTunes ufm Mac sich selber verwalte. Sparsch viiel närfe. Zuegriife ufe Sound machsch denn ebefalls über iTunes und nüd über e Finder.
Nu öppis letschts: uf Mac OS gits no es paar ganz praktischi Skripts für iTunes: die beschte findsch da

Top Antwort, merci =)

Also verstani das richtig, dasi eifach min PC mit em Mac über es Netzwerkkabel verbinde und denn das Programm durelaufe chan lo? Will mis Iphone hed nur 16GB, und mini Muski Bibliothek fasch 100GB...^^

Sie müend eifach im gliiche Netzwerch sii: du muesch sie nüd unbedingt underenand verbinde, sondern es gaht au über en switch o.ä.