The(G)Forum

Gurgelhals hat geschrieben: wrote:
De Meier isch eine vo de Guete, er verdient en Antwort (...au wänn euse Admin offebar anderer Meinig isch).

So, entweder wird das Topic jetzt au gsperrt, oder de Meier chan uf mini Antwort igah... Mal abwarte...

zeromeier hat geschrieben:dasch nett

trotzdem no e bonusinfo für dich: ich bin au eine vo dene wo sich in erschter linie will guet underhalte. das isch bi film so, bi spiel, bi äigentli allem wo ich konsumierä, mache und tue. es isch mini ganz farking läbensistellig, us jedem momänt möglichscht s'beschte und underhaltendschte usesuechä. ich bin nöd de typ wo jede tag 2 stund dokus über problem idä wält luegt und 3 tagesziitigä liest zum all analyse vo jedem, au eus ersch no BEVORSTEHENDE problem zläse.

Bi Film isch das genau so. Grundsätzlich han ich gern en Film wo mich underhalted. idealerwiis gad mir nachher besser als vorher. ich han sälte bis nie Luscht uf en Film, wo mich asträngt oder mir nachher schlächter gad als vorher. Natürlich isch sautumms züüg wie s'A-Team mit 0-Ghalt au nöd mis Ding, aber da hed jede anderi Preferänze. Ich bin aber kein Fan vo super asträngendem züüg. film luegä = entspanne, susch chani au go schaffe oder irgendwo id gosse mich mit drogeabhängige underhalte, glich effekt, bringt aber wenigschtens öperem öpis.

genau so isches bi videospieli. es gid besseri videospieli und schlächteri. mängisch hed meh luscht uf gueti underhaltig. enslaved isches schöns biischpiel, super simpel im ufbau, hed mich aber super underhaltet und hey, s'Ändi dürfti sogar dir gfalle, isch unerwartet und regt evtl. sogar zum nahdänke a (sofern meh no nie en film gseh hed i dere richtig )

Was ich will säge: das grundsätzlich zvertüfle isch quatsch. ich säg au nöd es sind all tumm wo de erscht absatz vo dem text praktiziered. ICH gseh kein sinn dehinder, für mich. Wer das will, fair. wäg dem gad nöd d'Wält zgrund. Wichtig isch ZWÜSSÄ dass es no was anders gid. aber sich jede Tag demit beschäftige? ne.

so gsed das jede andersch. aber immer alles vertüüflä? ne. hangt übriegens au mit mim ziitvolumä zäme. mit 14i hani no ziit gha für 238402374023 stund superkomplexes civ, hani hüt nümä, will ich mir au nümä neh willi no ca. 2374892342379 anderi sachä machä. Du gsesch, es chund immer uf dLäbensumständ, d'Erwartige etc. a, es isch zeifach zsäge, nur wills "eifach" isch, isches schlächt. genau so wie es tumms wii-partyspiel für es paar lüüt super chan sii (und eifacher bzw. tümmer gads ja äigentli nümä).

blabalbalbablablalablla.

Chäller hat geschrieben:ah okay...es wird grad ALLES glöscht. Das da demfall au grad. schad.

zeromeier hat geschrieben:schad isch, und das mein ich ernschthaft so, dass ich da es Thema bringä wo offesichtlich kein Mänsch chan drüber rede. Wenns also mal über die simpelschte Sachä usegad will keine meh diskutierä, aber susch immer kritisierä es sig alles zsimpel?

lol.

Skeletor hat geschrieben: du bisch anschinend nöd fähig mini bemerkig wäg dine reviews z'verstah. du häsch das irgendwiä als persönliche agriff gseh. verstahni nöd.

thaeye hat geschrieben:ich han nah gern chli action

mr.raw hat geschrieben:Also, wott mi nid zfescht driimische...aber momentan isch es tatsächlich so, dass JEDE wo ich kenn nid diskutiere wott. Es zählt NUR SINI Meinig e basta (genau glichs gstürm hanni übrigens dehei)...IHRI Meinig isch richtig e basta....me zeigt kei verständnis...wott nid diskutiere...wott nid e kompromiss iigoh. Entwäder spurt me...oder me losts bliebe....
finds recht krass.

zeromeier hat geschrieben:
um das gads mir gar nöd. es gad mir drum dass einige da inä videospielgschmack abwälzed uf allgemeins "versimplifizierä" vo allem, was wiederum falsch isch i minä auge und dadezuä han ICH stellig gnah, alles andere interessiert mich null und nüd.

bevor ich id ferie gah, möcht ich eu no öppis wichtigs mitteile.

es bricht en neui ära ah, scho glii. (G)net 2.0.

neus portal, neus forum, grösser, schöner, aktueller.

de launch staht churz bevor.

es gitt was grosses. mit viel werbig. werbig i gameheftli wie maniac, werbig mit flyer, als bilage bi händler, etc etc.

zum wachse und grösser werde bruchts vor allem eis, neui user. und nur mit werbig und eme aktuelle portal wird das möglich.

was heisst das für eu: es werdet sich dänn sicher viel neui user im forum amälde. und jetzt chunts: ich will nöd, dass sich die alte hase da im forum wie chlini chind benähmet und mit ihrne sprüch jede einzelne uf forumstauglichkeit teschtet. Laughing

die ziite sind verbi und ich wirde da nüm zueluege.

es isch im interässi vom shadow, mier und de ganze (G)-crew, das mir mit eusem portal und em forum en neui grössi erreichet und mier bittet euch inständig, dass ihr eus da bitz understützed. zeiget eues know-how, hälfet de neuling, sind fründlich.

ich hamer sogar überleid, ob ich nöd wieder uf hochdütsch schriibe söll. eifach so, wills au usländer gitt bi eus, wo evtl. tolli type sind, gamer wo wänd mitrede. die sprachbarriere durs schwiizerdütsche isch nöd zunderschätze (es isch wie en filter lol) und es gäbt sicher meh user im (G), wenn jede würd hochdütsch schriibe. aber mir isch klar, dass mer das nach soviele jahr nöd chan duresetze. (eui meinig zu dem thema würd mi interessiere)

also, nur soviel zur info. mir sind ade fertigstellig vo (G)net 2.0.

es wird en neui ära und es wird sich einiges ändere.

so jetzt no viel spass ihr lölis. ich gah de mal id ferie und bi gspannt, was ich da ine läse. ha ja min ipad debi und wirde regelmässig ineluege...

mr.raw hat geschrieben:Also, wott mi nid zfescht driimische...aber momentan isch es tatsächlich so, dass JEDE wo ich kenn nid diskutiere wott. Es zählt NUR SINI Meinig e basta (genau glichs gstürm hanni übrigens dehei)...IHRI Meinig isch richtig e basta....me zeigt kei verständnis...wott nid diskutiere...wott nid e kompromiss iigoh. Entwäder spurt me...oder me losts bliebe....
finds recht krass.

Skeletor hat geschrieben:

zeromeier hat geschrieben:
um das gads mir gar nöd. es gad mir drum dass einige da inä videospielgschmack abwälzed uf allgemeins "versimplifizierä" vo allem, was wiederum falsch isch i minä auge und dadezuä han ICH stellig gnah, alles andere interessiert mich null und nüd.

das isch aber nöd d'diskussion vom gurgelhals gsi.

mr.raw hat geschrieben:jupppii...es lauft wieder :
Freude herscht
Optik gwöhnigsbedürftig...aber GEIL! Schön Modärn! guet hend ihrs gmacht!

zeromeier hat geschrieben:
das tönt jetzt eher usschlüsslich nach beziehigsstress als das es imenä diräkte zämehang mit dem da wür stah, sorry

kompromiss, mega wichtig, chönd mega viel lüt nöd, drum hebed beziehige au so "lang". alles egoistischi Arschlöcher, es bitz muss meh egoistisch sii, aber es nimmt überhand bi vielne, scho so.