Het anschinend no kes Topic oder i has eifach nid gfunge.
Ha die erschti Stung vo däm gspiut und irgendwie, meh. D Konsolefassige si e technischi Katastrophe, s Texturstreaming chunnt us der Höll. Alles ein Matsch und wenn churz wägluegsch und wider häre mueses scho wider e Sekunde lade bevor d Texture scharf wärde. Wennme de d PC-Version spiut gsehtme wie guet s Game eigentlech würd usgseh - isch super designet und het e tolli Atmosphäre. Aber irgendwie loht jetz die erschti Spilstung nid grad druf lo schliesse, dass da spilerisch viu derhinger steckt. Fahrzügpassage, abstige, Ballerpassage, Fahrzügpassage, etc. Rächt 08/15 und eigentlech nüt wome nid schomou gseh het
Es isch natürlech mal es Spiel wo, zmingscht ir PC-Version, überall Wärtige um 9.0 wird iihole. Aber äbe, das bedütet ja genau gar nüt und i ha mi eigentlech ou no druf gfröit bis is jetz mau gspiut ha. Mit bitz zrüggschrubte erwartige wirds aber sicher es guets "eifach zrugglehne und gnüüüüsssäää" spili.
Oder es wird denn würklech spilerisch no wäsentlech tüüfer und i hami tosche.
ich han tüfs vertraue in john carmack, gange aber defo us, dasses wie doom3 so im höche 80er bereich bewertet wird
en interesanti spielmechanik chamer wohl leider ned erwarte nachdem s'brillante doom3 durd bank so schlecht weg cho isch, sehr schad.
ich denke aber es wird en extrem polierte fetzige shooter wo alles stimmt.
Es mah nid wahnsinnig guet usgseh. Es mah nid zwingend d'Welt neu ds hinterfrage und Du wirsch bim Worshippe ir Freichile oberhalb vom Ichaufszenter in Bouige am sunntig meh Antowrte uf dini Frage erhalte als bi dem Spiel. Au i Dine Lieblingsfeuilletons wirds keh Erwähnig finde, wülls doch so arg simpel isch. Und imne Forum wird sich immer e selbsternannte Klugscheisser finde, wo dr 10 Pünkt cha ufzelle wieso das Game itz schlecht isch und wie ähnlichs itz mit GAME XY isch und das sowieso alles scho da isch gsi. Ja das isch allles eso.
Aber es *chönt* ebe allefalls diä puure Egoshooter Mechanisme einisch mal wieder so richtig lah uflebe und churzwilligi, gradlinigi 3D Shooter Action biete, wies ebe id Software ursprünglich erfunde hett. So immer voll auf diä Zwölf. Mit apokalyptischer Atmosphäre, (Distopischem Setting wuawua) fiese Mutante und übertriebe geile Waffe. Und mit geilem Industrial Soundtrack oder so und es paar Widerlechkeite. Halt eifach mit däm "Dräck" wo anderne Spieli fäut. Dem Dräck, wo meh mängisch zGfüehl hett, dass es itz schono guet isch, dass Videospiel nid schmöcke. Wüll wennsis würde, würd dini Wohnig 3 Wuche nach em Game immer no nach Verwäsig stinke.
Merksches? Ja, ig bi ne id-Fanboy. Logisch. Darum freui mi druf!
Of course I talk to myself... Sometimes I need a professional opinion...
emP hat geschrieben:Es mah nid wahnsinnig guet usgseh. Es mah nid zwingend d'Welt neu ds hinterfrage
Erwartet vo somene Spieli doch au niemer. Aber mau ehrlech, wär doch begrüessenswärt wenns näbscht solid, polished und toller pängpängaction ou no irgendöppis nöis würd biete. S chunnt mer haut gad bitz so vor aus hättemer StaubPoschtApokalypse i de letschte Johr es paarmou zviu gseh. Anyways, i luegemers de sicher nomau ah wenns dusse isch.
:typej: