The(G)Forum

Bin hüt mal wieder uf www.lohnrechner.ch verbi und ha mal gluegt was ich so verdiene "sött" luut dere statistik.

Und ich bin 300-1000.- drunder mit dem woni im momänt verdiene.
Bi mir hät sich au lohntechnisch sit knapp 2 Jahr nüt me veränderet.

Ich weis jetzt nöd obi mal sött bim HR verbi miteme usdruck.

Hät öpper erfahrig mit so öppisem, wie gaht mer da am beschte vor?

Isch halt immer ä heikli Sach, dräihs mal um und probier Dich mit dä Auge vo Dine Vorgsetzte z'gseh. Ab wänn würsch Du meh Lohn gäh?

D Froog isch was Du denn überhaupt verdiensch. Es au Brancheabhängig.
Verdiensch 50`000 ischs z wenig, ischs 150`000 ischs zviel

Under der Poll isch für d Füx. Es isch IMMER Ruum nach oobe möglich

Wieso is hr? Das isch sach vo dim chef

ich han mit bonus 75k pro jahr, 13. isch im Monatslohn dinne.

Bin jetzt 28i, 4 Jahr im Betrieb (UPC CC) und vu anno dazumal 6 persone sind mer jetzt no 2 wo die glich arbet machet (stress isch vill vill vill ufe).

36000 im Jahr

Vyse hat geschrieben:36000 im Jahr

aber nid für 100% ?

Scho nöd (60%), aber bi zmüed zum meh schaffe, me faht innerlich ah sterbe.

71500 wenn ich glück han kartoffel

Meh Lohn cha mer immer bruchä

sit 1. sept zfriede ja

nimme male a brutto oder?

Es chunnt nöd nur uf de Lohn drufa. Vill wichtiger sind anderi faktore. Au wenn wenig verdiensch chasch huere vill mache.

Vill wichtiger isch:

- Wie höch isch d Mieti?
- Zahlsch alimente?
- Gahsch vill is casino?
- Läbsch mit öperem zäme oder elei? Wenn ja, schafft dini Frau oder isch sie Husfrau?
- Wie höch isch d Stürbelaschtig i dim Kanton?


Lueg nur mal de Nerv a, er verdient au nöd wie en Weltmeischter aber chauft stuff wie en wahnsinnige. D iteilig vom geld isch au sehr wichtig

Spaghetti hat geschrieben:Meh Lohn cha mer immer bruchä

seit de advokat.

hmm... ich bin inere usgschlossnä Branche.

Ich verdien 30'000 im Johr. 50% schaffi im Moment allerdings eigentlich immer meh, also wird sich do wohl no öpis ändere. (wahrschindlich aber ehnder dasimer meh ushilf hol und nid alles sälber mach, dassi denn au mol cha Frei machä und so).
Einersits no komisch, will ich zimlich vil Verantwortig han, und sehr, sehr flexibel mues si.
Andersits aber au logisch, will ich kei Ahnig vo mim Bruef han, geschweige denn je e Usbildig oder so gmacht hetti.

Ich bin zfridä, will es macht mer Spass, isch interessant, und es langt zum relativ aständig über d Rundi z cho (und vor allem isches e masivi Steigerig zu dem Gäld woni no voreme Zitli zur Verfüegig gha han...bechum sogar no meh über alsi verlangt han). Wenn dennn mol Familiä chämti wirds denn mit dem aber wohl scho ehnder knapp, denn müestmer denn nomol über d Büecher. Bis denn hani aber villicht au scho es zweits standbei oder so... und irgendwiä schafftmers denn sowieso.

ah krass denn verdini ja rächt super

PS: es weiss scho jede das me de Lohn bruto a git?

im moment garnid, ich verdiene über 2k weniger / monat, als vorher.
aber es isch absehbar und kalkuliert, will ich uf d'erfahrig uus bin. und drum machi das es zytli (ich ha d'freiheit derzue).

übrigens isch das mitem lohnrechner und o dem vom bfs so e sach; bis jetz sind alli, wo ich dr link o scho gschickt ha (uus züri), grob drunder gsi.
i fragmi also mängisch scho bitz, woher die zahle chöme.

Sylvara hat geschrieben:im moment garnid, ich verdiene über 2k weniger / monat, als vorher.
aber es isch absehbar und kalkuliert, will ich uf d'erfahrig uus bin. und drum machi das es zytli (ich ha d'freiheit derzue).

was machsch du im moment weme frage dörf. bisch ja glaub en lehrer ustiiger, mini schwo isch ebe ihre ähnliche situation jetzt den gad fertig aber tod unglücklich mitem bruef und suecht alternative.

meo hat geschrieben:PS: es weiss scho jede das me de Lohn brute a git?

Ahso, nei, nöd gwüsst.

Asskicker hat geschrieben:Bin hüt mal wieder uf www.lohnrechner.ch verbi und ha mal gluegt was ich so verdiene "sött" luut dere statistik.

Und ich bin 300-1000.- drunder mit dem woni im momänt verdiene.
Bi mir hät sich au lohntechnisch sit knapp 2 Jahr nüt me veränderet.

Ich weis jetzt nöd obi mal sött bim HR verbi miteme usdruck.

Hät öpper erfahrig mit so öppisem, wie gaht mer da am beschte vor?

Nach dem Lohnrechner het i öpe 1600 zwenig
wie scho erwentworde isch chasch uf die ned wirkli gah. I denk male de lohnrechner vom bund chunt do warschienli no am nöchste at realität ane.

Ich weiss nid mol was min Lohn in Brutto isch...

s'Wichtigste isch, dassd mitm Chef redsch. Wänn nüüt seisch passiert selte irgendwas. i dere Beziehig bini eigentlich immer chli frech vorgange und bin guet demit gfahre.

i cha das ebe sehr schlecht lol, ich bin's aber am lerne

SinGinSmith hat geschrieben:Es chunnt nöd nur uf de Lohn drufa. Vill wichtiger sind anderi faktore. Au wenn wenig verdiensch chasch huere vill mache.

Vill wichtiger isch:

- Wie höch isch d Mieti?
- Zahlsch alimente?
- Gahsch vill is casino?
- Läbsch mit öperem zäme oder elei? Wenn ja, schafft dini Frau oder isch sie Husfrau?
- Wie höch isch d Stürbelaschtig i dim Kanton?


Lueg nur mal de Nerv a, er verdient au nöd wie en Weltmeischter aber chauft stuff wie en wahnsinnige. D iteilig vom geld isch au sehr wichtig

Naja, ich verzichte halt uf viles. Han z. B. keis Auto, tuen nid suffe und au nöd rauche, gange nie in d'Ferie und in Usgang sowieso nid.