Seite 1 von 3
Geburi fiire, wo?
Verfasst: 19 Sep 2011 13:56
von Vyse
'ellou,
Ich ha no nie miin eigene Geburi gfiired und ha dänkt, dassi uuf dä 29igscht uusnahmswiis einigi Lüüt iilade möcht, nur wohi?
Hätti e gnueg grossi Wohnig, würi eifach chli öppis zÄsse und zTrinke organisiere und scho wärs guet.
Hani aber nöd und so müessti dä Ahlass an en andere Ort verlegge, nur fallt mier nüüt ii, evtl. chönnt iehr mier hälfe.
sMeyers isch zchlii, vill anders känni nöd. (lol)
Evtl. no sBahnwägeli Nöchi Kalkbreiti?
(Paintball/Lasertag und süschtigs Gschmeus am Geburtstag spille isch für Nerds, chonnt also nöd in Frag)
Re: Geburi fiire, wo?
Verfasst: 19 Sep 2011 14:01
von turntablism
i wellere umgäbig sött das stattfinde ?
Re: Geburi fiire, wo?
Verfasst: 19 Sep 2011 14:01
von Overdose
cha der ned helfe. fiere selber ebefalls nie min geburi.
Re: Geburi fiire, wo?
Verfasst: 19 Sep 2011 14:02
von h4xX0r
Overdose hat geschrieben:cha der ned helfe. fiere selber ebefalls nie min geburi.
total guet zum wüsse
Re: Geburi fiire, wo?
Verfasst: 19 Sep 2011 14:03
von Vyse
turntablism hat geschrieben:i wellere umgäbig sött das stattfinde ?
Züri umenand wär scho guet
Re: Geburi fiire, wo?
Verfasst: 19 Sep 2011 14:04
von h4xX0r
Vyse hat geschrieben:'ellou,
Ich ha no nie miin eigene Geburi gfiired und ha dänkt, dassi uuf dä 29igscht uusnahmswiis einigi Lüüt iilade möcht, nur wohi?
Hätti e gnueg grossi Wohnig, würi eifach chli öppis zÄsse und zTrinke organisiere und scho wärs guet.
Hani aber nöd und so müessti dä Ahlass an en andere Ort verlegge, nur fallt mier nüüt ii, evtl. chönnt iehr mier hälfe.
sMeyers isch zschlii, vill anders känni nöd. (lol)
Evtl. no sBahnwägeli Nöchi Kalkbreiti?
(Paintball/Lasertag und süschtigs Gschmeus am Geburtstag spille isch für Nerds, chonnt also nöd in Frag)
gang da:
http://www.g27.ch/" onclick="window.open(this.href);return false;
isch super
Re: Geburi fiire, wo?
Verfasst: 19 Sep 2011 14:04
von turntablism
miet de dolder
wie wärs mit em gz heuried ?
oder di gammlig kaserne a de langstrass
Re: Geburi fiire, wo?
Verfasst: 19 Sep 2011 14:07
von Vyse
Hmm, finde Reschtaurantgehocke rächt erschöpfend... wär glaubs nöd so sRichtige.
Ha eher ahn e ahgnähmi Bar mit Tischli dänkt, lol, evtl. machi würkli im Meyers ab.
Re: Geburi fiire, wo?
Verfasst: 19 Sep 2011 14:08
von h4xX0r
ich schlaf scho bim gedanke dra ii
Re: Geburi fiire, wo?
Verfasst: 19 Sep 2011 14:12
von zwirrlibatz
http://www.raumsuche.ch/" onclick="window.open(this.href);return false;
Re: Geburi fiire, wo?
Verfasst: 19 Sep 2011 14:29
von Tatsujin
Lol, gasch daenk use mit ne noimes ga broettle.
Re: Geburi fiire, wo?
Verfasst: 19 Sep 2011 14:33
von turntablism
meyers bar kenni nöd, aber si hend e mega gueti homepage
Re: Geburi fiire, wo?
Verfasst: 19 Sep 2011 14:40
von Vyse
Raumsuche, nöd kännt. Isch rächt gäbig, ha grad uusgfunde, dassi en Viaduktboge miete chönnt.
Tatsujin hat geschrieben:Lol, gasch daenk use mit ne noimes ga broettle.
Das macht scho dä Kolleg alljährlich um dä 20 Dez zmitz im Wald, anstatt bröttle gits Fondue über eme Füür imne grosse Häxetopf.
Re: Geburi fiire, wo?
Verfasst: 19 Sep 2011 14:40
von Sylvara
chume nid nache, was du überhaupt suechsch. e ruum? es gmüetlichs restaurant? öppis mit aktivitäte?
ich gange amigs gern schön ga esse, in chliiner rundi. für das isch ds palme de beirut super (inkl. buuchtanz-iilag am FR/SA aabig).
Re: Geburi fiire, wo?
Verfasst: 19 Sep 2011 14:42
von Vyse
Scho eher so was Bar-ähnlichs, chli innehöckle, paar Bier trinke wieder heigah.
Zu überfüllt und zluut wär eifach chli müehsahm.
ds palme de beirut isch würkli super. Evtl. en Option,
wänn sich nöd allzu vill Lüüt mälde würed.
Re: Geburi fiire, wo?
Verfasst: 19 Sep 2011 14:53
von zwirrlibatz
Vyse hat geschrieben:en Viaduktboge
oh früsch, nöd gwüsst.
da gitts au rüüm, weiss aber nöd was fürtigi:
http://www.baeckeranlage.ch/info.htm" onclick="window.open(this.href);return false; aber d'bäcki isch ja nöd s'tümmscht. und eigetli chasch det au umelungere ohni was zmiete.
Re: Geburi fiire, wo?
Verfasst: 19 Sep 2011 15:00
von SinGinSmith
Am Kebabstand bim Josef, wo suscht?
Re: Geburi fiire, wo?
Verfasst: 19 Sep 2011 15:01
von Vyse
Es gaht mier eh weniger drum en Ruum zmiete, sondern scho drum mitenand en Ort mit Barbetrieb uufzsueche und sichs für es Wiili gmüetlich mache.
Bäckerahlag, bini imfall no nie gsi, tueni mal die Woche inneluege.
Re: Geburi fiire, wo?
Verfasst: 19 Sep 2011 15:02
von zwirrlibatz
dämfall bäckeralag, xenix oder de wage det obe am lette falls de um die jahresziit no offe hett. isch rächt hübsch im summer. oder de ziegel oh lac.
Re: Geburi fiire, wo?
Verfasst: 19 Sep 2011 15:24
von Vyse
Xenix wür guet passe, dä bim Bahnwage am Lette sowieso au aber ebbe, me dörf devo uusgah,
dass es um dä foift Okt. rächt früsch wird si.
ziegel oh lac.
Wäri jez nöd drufcho, das wirds glaubs werde
Re: Geburi fiire, wo?
Verfasst: 19 Sep 2011 15:44
von SinGinSmith
zwirrlibatz hat geschrieben:dämfall bäckeralag
Würd jetzt au vorschlah entweder Bäckeralag oder Lettä
Re: Geburi fiire, wo?
Verfasst: 19 Sep 2011 16:40
von Reinforced
eis bröötle
Re: Geburi fiire, wo?
Verfasst: 19 Sep 2011 18:26
von geosnow
wotsch alles selber zahle oder nöd?
xenix bar isch viel zschmal.
casablanca
longstreet
bar3000
talacker
sportsbar
revier
git vieles
Re: Geburi fiire, wo?
Verfasst: 19 Sep 2011 19:09
von stille_eugen
i de hafekneipe oder totalbar
Re: Geburi fiire, wo?
Verfasst: 20 Sep 2011 05:58
von ritschi
machsch gschider mit 30i es grosses fest.