The(G)Forum

Hät öppert scho mal en Liechtwecker usprobiert?

Vo Philips gits ja paar. En Liechtwecker weckt eim mit Liecht und seg weniger traumatisch als die klassisch Weckig durch Akkustik.
S'Biebpse vomene Schtandard-Elektrowecker empfindi nämli scho sit eh und je als sehr abrupt und unagnähm. Ich han s'Grüsch vo mim Hauptwecker nöd gern. Bim Handy chammer wenigschtens d'Melodei iischtelle, aber au det regt eim die usgwählti Melodie irgendwänn meh oder weniger uff bzw. me assoziert sii mit em Gweckt-Werde, au wänns numme Vogelgezwitscher.mp3 oder Bergfluss.mp3 oder Tannenrauschen.mp3 isch.

VERZELLED

BONUSFRAG: wer hät scho en schlafphasewecker versuecht? gits scho ab 200 CHF oder so. me sött ja idealerwiis numme nach inkremänt bzw multipel vo 90 minute schlaf ufwache, und de chan das oder so. anyone?

PS: Melodei hanni bim erschte Mal extra so gschriebe. bim zweite mal hanni Melodie gschribe.

En Liechtwecker hani no niä gha, würd wohl au ehnder weniger funktioniere bi mir, das müstmi denn scho grad bländä wiä Sau, und das wär wahrschindlich au nid grad untraumatisch.

Schlofphasäwecker hani mol gha. Han allerdings gmerkt dasses au nüt nüzt wenner imene Zitruum vo irgendwiä 30 oder 45 Min oder so (also 90 min. sind zimlich sicher nid) de bescht Zitpunkt will sueche, wenn du zu jedem vo denä möglichä Zitpünkt vill z wenig gschlofä hesch.

i ha sone philips liechtwecker sit paar jahr! chani nur empfähle! erwache zu 90% nur abem liecht, sprich: bevor dr ton (wahlwis radio oder versch. grüsch) losgeit!

radiowecker hani sit 100 jahre, bescht! jedesmal en halbe schock hani

schlafphasewecker funktioniert nöd. wie zur höll sökll en wecker zueverlässig merke i welere schlafphase du bisch...?

was dich guet weckt muesch du selber wüsse. minere ex hani dä philips liechtwecker mal gschänkt und si hät en guet guet gfunde (langsams hell werde) und hät aagnehmi grüsch gha.

alternativ chasch du dir aber au ä ziitschaltuhr chaufe (migros ca. 15.-) wo dä strom immer zunere bestimmte ziit aaschlatet. dänn chasch dä radio, 2893645809 liechter und dä kaffiautomat grad demit kopple

hanf hat geschrieben:schlafphasewecker funktioniert nöd. wie zur höll sökll en wecker zueverlässig merke i welere schlafphase du bisch...?

viele dank für dini experte meinig!

ich het jetzt au keis vertraue in en Schlafphasewecker.

wichtig isch mir en guet hörbare Beep mit Musig schlafi z.T. wiiter und meine ghört zum Traum. d Zyyt wenn möglich ad Wand ufe projeziert demit mer sich nid immer mues nach de Uhr dreie.

hanf hat geschrieben:alternativ chasch du dir aber au ä ziitschaltuhr chaufe (migros ca. 15.-) wo dä strom immer zunere bestimmte ziit aaschlatet. dänn chasch dä radio, 2893645809 liechter und dä kaffiautomat grad demit kopple

Das hani mal müese mache woni i dä stifti gsi bin, ha det ä ganzi Wuchi am Stuck jede Morge verpennt und bin immer später und später uftaucht.
Dänn hani mir sone Ziitschaltuhr kauft, en 500W Schiiwerfer im Do-it und no dä TV und d'Stereo-ahlag programmiert uf u huere Luut am Morge am 6i.

d'Invasion vo dä Normandie isch en Dräck degäge gsi. So will niemmert ufwache vorallem wänn dir 500W in Grind zündet, das hani voll underschätzt.

Und Schlafphasewecker sind dä grössti Bruch! ha mal eine gha, und nacher bini mir u huere verarscht vorcho...

min chef schwört uf sone schlafphaseuhr (wird aber o sicher z'türste kauft ha) und isch immer topfit.

mir bringts nüt, wöu i immer genau zu bestimmte ziite wot ufwache und nid so "ungfähr denn ufwache" lieber bis zur letschte minute.

Ambilightwecker

ig ha sitti 5 oder sechsi bi en digitalwecker wo mir min papi dennzumal zu Wiehnachte hett gschänkt. Das isch itz immerhin 28 Jahr her. Recht lang für sones Teil. Und er isch scho recht vielne Orte mit mir unterwegs gsi. Guet, itz o nüm so, itz gitts ja Handys. aber deheim weckt er mi jede Wuchetag.

Ig wett also nüt anders.

Mir erweicht das s'Herz, ich hett nöd dänkt dass Du sonen emotional tüüffühlende Mänsch bisch.

http://www.ichundminwecker.ch/emp.jpg

wenn musig zum wecke: unbedingt jede morge anders lied. wöu jedes lied wo di jede morge weckt närvt di vo denn a nur no, egal wo dass es wieder ghörsch

emP hat geschrieben:ig ha sitti 5 oder sechsi bi en digitalwecker wo mir min papi dennzumal zu Wiehnachte hett gschänkt. Das isch itz immerhin 28 Jahr her. Recht lang für sones Teil. Und er isch scho recht vielne Orte mit mir unterwegs gsi. Guet, itz o nüm so, itz gitts ja Handys. aber deheim weckt er mi jede Wuchetag.

Ig wett also nüt anders.

ich sicher zueverlässiger als jedes natel - wemä da a die iphone panne zrügg dänkt

Dä Schlafphasewecker nimmt mi au rächt Wunder, fühl mi wie meischtens am Morge völlig erschlage.
Funktionsprinzip macht mi aber bitz skeptisch, anschiinend hät dä Wecker en Bewegigssensor und reagiert uuf
typischi Bewegige, wome inere flache Schlafphase vollfüehrt.
Finde, so en Wecker müesst scho dHirnwälle mässe

liechtwecker, ich glaub das müessti mal probiere.

alles humbug. o die 'natur-geräusch-wecker' mit wellesound und pipapo, quark

wecker sind sowieso ds schlimmste ufem planet. ds einzige, wo so halbe geit isch e normale musigwecker mit lieblings-tunes, wo so bitzli d'stimmig hebet aagesichts dr tatsach dasses scheiss morge isch und uufstah us dr höll. isch ds einzige, wo ich verträge lol..
git nüt schlimmers als weckton oder e plappernde radio-moderator...no schimmer, irgend es scheiss hitparade lied - tod & verderbe.

wenn d'musig z'guet isch, bliibii äbe no gern im bett und lose dr musig zue.

wenns hingäge tag hell würd chönnti garantiert besser ufstah.

schlafphasewecker hani nie probiert. söu offebar bi schichtarbeitende eh nid funktioniere...
aber liecht/musig isch super!

schlafphasewecker? oi chame scho jede marketingbrunz atrülle.

ich han sit ca. 8 jahr de 24 CTU deliphon grüüsch und weckt mi jede tag super uuf.

@liechtwecker

würdi mi glaubs nöd in 300 jahr möge uufwecke.

Marco_in_motion hat geschrieben:d'Invasion vo dä Normandie isch en Dräck degäge gsi. So will niemmert ufwache vorallem wänn dir 500W in Grind zündet, das hani voll underschätzt.

Huere guet!

Edit: Het mol eine die Sleep Cycle App fürs iphone probiert? Taugt das öppis?

ja mol isch mega, fuehl mich amigs wie neu gebore siit ich de bruch jede morge.

und denn darfsch sogar ohni schlächts gwüsse z'iphone mit i z'bett bzw grad näb z'chopfchüssi näh.

thaeye hat geschrieben:ja mol isch mega, fuehl mich amigs wie neu gebore siit ich de bruch jede morge.