The(G)Forum

Säg mal welle isch guet. Allzuviel wirdine nid bruche, isch füre Beamer. Gitts öppis guets für ca. 300 Frengg?

sind eigentlich all guät für de priis. mit 3D und alles wos hützutags müänd ha. chunsch au mit weniger gäld guäti grät über.
luäg da audivision teschts:
http://audiovision.de/index.php?id=70&cat=br_1

im aktuelle audiovision händs gad nomal es paar teschtet (tests sind nonig online) und en übersicht mit 140 player

lulz, en rechte Zuefall, ha mi au hüt morge echli informiert. Leider biz müesse resigniere, da praktisch bi jedem Player t Erfahrigsbricht vo "wow, mega geil, top scharf und flüschterleise" bis "Tönt wiene Baustell, schaltet eifach ab und Ton totali scheissqualität" göhnd :typej:

Bisher het sich chli abzeichnet, dass t Philips no relativ gueti Bewertige bechömed, gfolgt vo Sony.
Mit 300 Frangg söttsch aber sowieso guet debi sii, denki, usser du bestahsch uf yamaha, onkyo oder denon.

Aber ebe, bin selber chli uf hilf aagwise

3D Bruchi nid /chani mit mit mim Beamer nid, wetti au nid.

3D chönd aber scho praktisch all player ab 150 stutz, vo dem her isch das eifach däbi.


au no en underschid isch sicher wiä lang dases gaht bis de player gstartet isch und vor allem au wiä lang dases gaht zum d'disc iläse. das isch zT. echt übel, vor allem bi Discs wo no vor em erschte menu uf BD-Live zuägriifed und wasweissichalles abeladed. neui trailer und so. nervt gwaltig


btw: kolleg hät am samstig en Phillips 7500 kauft (zäme mit eme 55" philips TV - de sack ...). rächt guät seger, und will de nachfolger gad usecho isch überall günschtig zha. dihei agschlosse, startet uf, LEDs lüchtet - aber macht kein wank. git keis bild use, machd d'schublade nid uf, nix. also am sunntig (per zuäfall isch gad sunntigsverchauf gsi z'winti) nomal in saturn go umtusche. jetzt lauft alles tiptop.

Philips BDP-7600

chauf und säg merci!!

mousch hat geschrieben:Philips BDP-7600

chauf und säg merci!!

lulz, de isch en halbe Meter breit. Sowieso, wiso sind die Sieche eigentlich all so breit?

Hesch di scho für eine entschide emP?

42cm isch standardbreiti für so grät sit öpä 350 jahr!

Schummelschumi hat geschrieben:42cm isch standardbreiti für so grät sit öpä 350 jahr!

Ich han nöd druf use welle öb die Breiti de Standard seg, sondern wiso dass grad de Shit de Standard isch. Und wiso farking nomal so wenig hersteller devo abwiched, obwohl sis chönted - und wennses düend, wi bim mousch, denn machedsen no länger :typej: Ich weiss, wennmer Standards hinderfrögt machtmer sich bines paarne Lüüt nöd beliebt, aber... :

eifacher (Mit Bildli):

Wiso so:


Und nöd so ,z.Bsp.?


Chan ja wohl nöd nur mit de Wärmeentwicklig begründet werde.

äbe wöus standard isch. gseht halt besser us wenn die verschidnige grät staplisch und alli gliich gross si.

Isch besser schtapelbar, wenn all Grät öpe glich gross sind, Wärmeentwicklig hesch sälber scho agschproche. Finds au nid sehr erregend, aber ich lueg ja de Film und nid s Grät a. Btw mach mer au Gedanke drüber. Da ich aber sowiso e PS3 mues chaufe (the last guardian), erübrigt sich die Frog.

edit: z langsam gsi

de Sönen hani gno:

http://www.digitec.ch/ProdukteDetails2. ... kel=217225" onclick="window.open(this.href);return false;

Wieso dass Blu-Gay Play0re itz skype müesse ha, dass weiss au genau kene

Isch eigentlech mittlerwile Region Code no es Thema oder sind Region Free Blaustrahlors gäbig erhäutlech?

So we ich informiert bin, muesch die meischte Player umbaue laa, damits alli Regione laufe lönd.
Daher han ich immer no min HTPC mit Bluray plus es nützlichs Programm.

I havorläufig eifach s Blu-Ray Loufwärch vom PC uf US/Japan gschalte und spile hiesigi Discs uf der PS3 ab.