The(G)Forum

es isch 23:26 und ich chan nöd schlafe, öppis zerbricht mer de chopf. nämli: es befründets ehepaar hät mi gfröged, ob ich götti vo ihre zuekünftige tochter werde will. und ich han nümme lang ziit, vor ändi monet wird d'geburt erwartet.

ich han schtarchi bedänke:
-ob ich riif gnueg bin (ich bin sehr chindisch. sogar meh als das, ich würd mi nämli sogar als ernschthaft wahnsinnig bezeichne).
-ob ich finanziell abgsichered bin (ich han ghöört, dass me im todesfall vo de eltere für d'erziehig vom chind verantwortlich wär).
-ich will en grossteil vo mim läbe mit reise, kunscht, musig verbringe. ab und zue exzäss. was isch wänni z.b. mal 8 jahr in oschtasie und sibirie verbringe will? wänni irgendwänn emal eifach reise, ohni gäld, vo de hand is muul. ich würd au gern 2-3 jahr im wald in alaska oder skandinavie läbe. channi das als götti? wänni mal is gfängnis chum? falls ich doch bisexuell bin und en maa hüürate tuen? (bin 30 und han no nie e beziehig gha).
-ich han angscht, dass ich als götti i de schwiiz gfesselt bin und verantwortig übernäh muen. muemmer das als götti?
-anderersiits isch es sicher öppis tolls. ich han gern chind. und eigentlich han ich mer vorgnoh, zu allem (fascht allem) im läbe "ja" z'säge. s'läbe isch so einzigartig und so churz! und me chan so viel tolli & neui sache erläbe. es isch's beschte mmorpg ever! en subquest i mim mmorpg isch z.b. jetzt götti z'werde hahaha. SÖLLI DE QUEST AANÄH? ISCH EN GRÖSSRE SUBQUEST. LOL.

wiener mir konkret hälfe chönd: folgendi frage beantworte (ich bin inere wahnsinnige familie ufgwachse, ich han k.a. was en götti isch).

Hauptfrag: WIE ISCH ES BI DIR GSI?
was macht en götti? schpaziergäng, usflüüg, babysiite, gschänkli, sackgäld, 1000 frenng @ reformation?
wie oft trifft me sich mitm göttichind? wie isch es bi dir gsi? 1x all zwei mönet en schpaziergang? s'chind hüete falls d'eltere mal en abig weg wännd?
choschtet das viel?
was isch, wänn ich mal 4-5 jahr uf sibirie will und mit de nomade zieh will? oder in skandinavie als eremit läbe will?
was isch, wänn ich in sibirie mini traumfrau kännelern? was passiert us mim göttichind? bin ich dänn en raabegötti? <-- alles ernschthafti frage (au das mit sibirie und so, also bitte mich nöd belächle, au wänns schwierig isch. :>)


ihr känned mi zwar nöd würkli, aber händ bitz en iidruck vo mir. ich wär trotzdem froh um eure input. :>
wie wüüred ihr persönlich reagiere uf sone aafrag?
wie wüüred ihr reagiere, wänn ihr sone person wie ich wäred?

bitte lakritz nöd schlüsse, schuscht wird ich hässig (srsly). :>

es isch wie i mim topic wonni gfrögt han, ob ich en hund halte söll. jetzt ischs eifach schtatt en hund es chind. LOL. de häxxor hät mi damals mit emene killerpost toll berate und ich han mich gäg d'haltig vomene hund entschiede. jetzt bruch ich wieder eui beratig.

scho churzi biiträg mit gedankeaaregige (z.b. "häsch scho bedänkt, dass als götti _______________?") würded mir wiiterhälfe.

help me gforum or suffer like g did!!

ps: anhand vo dem thread wirdi entscheide, ob ich götti wird.

ps: typing of the dead, mit dem üebi atm 10fingersyschtem. ich deklarier house/typing of the dead als zweitthema.

de thread isch also wie eini vo dene neue möngel-magic-charte: me chans dreie und es isch dänn e anderi charte.

isch en dual thread:

typing/house of the dead / sölli götti werde. EIN THREAT MIT ZWEI THEME, HAHAHA.

nei ok, numme schpass. mir mached es andermal en dual thread, yakusoku. de thread isch numme über götti werde n shit.

ps: threat hanni extra mit t gschribe. de moff weiss scho bscheid, ihr aber nöd, drum willis nomal säge.

OK JETZT ABER ENRSCHTHAFT. ONLY GÖTTI DISCUSSION!

Miini eigeni Antwort zu däre Frag wär: Machs nöd, aber ich bin au nöd uuf dä Suechi nach Sidequests.
Oder anderscht: evtl. muesch diini Wunschlischte, wo ahs Läbe gstelt häsch nomal uufrichtig prüefe und dänn häsch diini Antwort.

chind hat geschrieben:es befründets ehepaar hät mi gfröged, ob ich götti vo ihre zuekünftige tochter werde will.

Ig gseh es anders Problem. Was seit das über ihri Qualifikation als Eltere us? Sött me Sozialbehördene ischalte?

ich dörf gar nöd sägä, was ich dänkä.

ja nöd.

Skeletor hat geschrieben:ich dörf gar nöd sägä, was ich dänkä.

schad das wär e seltene Moment woni mi glaubs überne Kommentar vo dir amüsiere


BTW, was haltet ihr vom Tod vom John Frazier?

http://www.spiegel.de/sport/sonst/0,1518,796219,00.html" onclick="window.open(this.href);return false;

immerhin fasch e ganz grosse, oder?

theres nothing we could do!

chum skeletor, bring en

mach's nid.

natürlich machis nöd. ich bin die ruhe in person.

derinderinderinderin hat geschrieben:

chind hat geschrieben:es befründets ehepaar hät mi gfröged, ob ich götti vo ihre zuekünftige tochter werde will.

Ig gseh es anders Problem. Was seit das über ihri Qualifikation als Eltere us? Sött me Sozialbehördene ischalte?

Isch ou ds Erschte gsi, womer düre Chopf isch .
Aber i cha nid komplett usschliesse, dass dr Goof, auso i däm Fau ds Foremitglied, so e Chance berchunnt, imne halbwegs gschützte Rahme Sozialkompetenz, Verantwortigsbewusstsii & no meh z'gwinne. A dire Stell würdi aber ablehne, wöu du, rein rechtlech, imne Extremfall (Todesfall + ke Aaghörigi usw.) voll verantwortlech wärsch fürs Läbe vo däm Chind. So wie ds Patentum hie ghandhabt wird, isch das eher unwahrschiinlech, aber trotzdem. Gschider stellvertretende oder zwöite Götti wärde oder "Onkel" si whatever. Chasch ja ou so viu Zyt verbringe mit ihrem Sprössling.

Nei - Chind sind scheisse! Bhalt lieber ds'Gäld und d'Närve und chauf meh Animumödchen-Chüssi!

Bi mir isches so gsi :

A dem Tag wo mini Nichte uf d'Wält cho isch händ mich mini Schwöster und min Schwager gfräget ob ich dä Götti sii will. Grad am Abig woni Sie bin go bsueche.
Ich glaub so stolz bini scho lang nümm gsi, es chunnt ebe au druff ah wiä das befründete Päärli das ganze gseht. Sie händ Dich sichernöd uusgwählt will Du en vollkompetänte, völlig gfestigte und finanziell megamässige Typ bisch, villicht händs Di eifach gfräget will's Dich schätzed mit dem wo Du als Mänsch so mitbringsch und Sie findet dass das für Ihres Chind öppis wertvolls isch. Wänn Dich das Päärli guet kännt dänn nämeds au in Chauf dass Du evtl. mal es Paar Jahr weg bisch, diä chönd doch nöd erwarte dass Du Dich jetzt komplett änderisch.
Ich gseh mini Ufgab als Götti nöd i dem dasi Gschänkli mache und ständig Uusflüüg und Zeug mittere mache, sondern villmeh dasi en guete Fründ bin, dä wo Sie chan ahlüüte will Sie wider niemmert verstaht, dä wo Muet macht vor dä Schueluffüehrig und mit Ihre möngelet am Tisch wänn all findet Sie söll höre.
Wichtig isch eifach dass mer sich mit dem Chind usenander setzt, klar gahtmer mal in Zoo oder en Tag go lädele oder soöppis. Aber vill wichtiger isch wämmers z.bsp. an erste Schueltag begleitet oder mal mitem ane Fasnacht gaht.
irgendwiä wachst da jede ine, gsehs doch nöd als Ufgab sondern als riese Kompliment vo däm Päärli dass Sie Dich uusgwählt händ

Ich finde Du söllsches mache, verlüürsch nämmlich nix sondern chasch guet lerne

Mini Schwoscht hett au wölle, dass ich vo ihrne Goffe Götti wirde. Han mich wehement degäge gwehrt. Sither rede mir nüme zäme (isch öppe 3-5 Jahr her).

Da lueg, das wär din Götti!

Skeletor hat geschrieben:ich dörf gar nöd sägä, was ich dänkä.

wtf nerv, da lampet ja die ganze haar use. sauhund.

Wie wärs mit Gott werden?

merci für de input.

em vyse für e ganz rationali introspektive, es abwäge, es vergliiche vo where do i want to be und where am i going.

derinderinderinderin - wie du vermuetet häsch sind d'eltere au zimli schpezielli männsche.

schad, dass de skeletor nöd seit, was er dänkt. ich würd glaubs alles uushalte. und alles wo gschribe wird git mer natürli au z'dänke. "dänk bitte mal a s'fucking patechind und nöd in erschter linie anes accessoire called patechind! die eltere würdi grad em sozialamt mälde unds sorgerächt entzieh. unglaublich." gnau so bedänke hanni natürli au scho gha. und au welle ghöre, schuscht hetti de threat nöd gschribe.

de marco in motion, merci für de wertvolli erfahrigsbricht. e gmässigti, moderati uffassig & es eher moderns verschtändnis vo götti. ich gsehs ja eigentli au so wie du. en sichere hafe, en lüüchtturm im alltag. ich han eifach es bitz angscht, dass ich i wichtige situatione grad es schiff bin wo irgendwo i de siebe wältmeer am umenandtuckerle isch sii und nöd de wartendi hafe sii chan.

aschtroboy, voll. wänni en chnopf drucke chönd und d'eltere würded sich für en andere pate entscheide oder gar kein götti welle, ich wür de chnopf sofort drucke. si schiined aber no rächt viel wert z'legge uf die göttirolle.

und de nerv natürli au. er hät für sich sicher e gueti entscheidig troffe, au wänni mer sicher wär, de nerv wär en tolle götti. er chan ja au sehr normal sii (wie ich übrigens au, hahaha).

au en dank a all die wo säged "nei machs nöd". ihr schpräched au für en teil vo mir. au ich merk, ja, dass ich andersch tick unds patechind mitme andere götti womöglich besser bedient wär.

ich lüüt nachane grad mal em päärli aa und frög si nomal, was sie vomene götti erwartet.

ps: de siddu hät es sehr luschtigs post gschribe. einersiits en wiitere bezug zu house of the dead, anderersiits chönnd ihr würkli nüt mache, wänni mi defür entscheide. gnau wiener nüt mache chönd, wänn sich es 14j schlieremer meitli entscheidet, es chind uuszträge. white trash rtl2 hartz4proletarierfamilie 14y old teen mom und so. and there's nothing we could do. irgendwie truurig. peace nigglets.

@ tatsu, ich poste gern i mim eigete thread, aber ich han bewusst exposition welle (und u.a. au negativs feedback), will das thema isch ja öppis relativ wichtigs. en wichtige sidequest. just kidding, haha. isch gar nöd luschtig, aber trotzdem haha, ich lach gern.

@lakritz, merci dass de thread offe glah häsch. dank dir wird mini entscheidig es bitz reflektierter sii, will ich vorher no de input vo es paar andere männsche han chönne in betracht zieh. du häsch im hinderchopf also a s'wohl vo de tochter vom befründete päärli dänkt. was super isch. :>

ich gsehns so wie dä marco. super gschriebe!

...aber anhand vo dem was du da so zämeschriebsch es ganz klars NEIN!

nein, besser fürs chind

wämmer mal dähinder lueget was dä da so zämmeschriibt ischer ebe überhaupt nöd dä tümmst.
Dä macht sich ja Gedanke über jede huere shit und zwar penibel und realistisch. Chind isch dä besti Nick für Ihn willer mir eso inechnnt als betrachti er no alles mit Chinderauge. Findi wertvoll für eim sälber. Mich nimmt no Wunder was sis befründete Päärli däzue meint, also WARUM Sie Ihn usgwählt händ.