The(G)Forum

Mache jetz doch no es Topic uf wiui scho lang nümme so unentschlosse bi gsi. Bi sit guet 2 Wuche es Headset womer würd passe am sueche und ha jenschti Reviews gläse aber chami eifach nid entscheide. Einersits wärs für Bäddlefield, aber vil wichtiger: Ich sötts an Receiver chönne hänke zum Serie / Filme / Konsolespiel drüber chönne lose. Sött aso für beides aständige Sound ha (am beschte nid zu basslaschtig wie das bi Game-Headsets anschinend oft der Fall isch). Jaja, Eierlegendewollmilchsau und so. Ahja, gschlosseni Ohrmuschle, nix offnigs - darf ou noise-cancelling sii.

Am Scarface sis Gamecom 777 hani mal aprobiert, hetmi eigentlech no guet dünkt für dä Priis, wenn ou bitz basslaschtig - aber willi das Headset nachher wie gseit ou gärn für Filme etc. würd verwände und nöchschtens inen Wohnig zügle woni nümm guet cha lärme mache hani dänkt es dörft ou öppis liecht tüürers sii. D.h. so 150 Stutz isch de Rahme - also scho nid gad Sennheiser high-end-mässig.

S Medusa 5.1 NX und s Logitech G35 bini immer wider drüber gstolperet bi de Reviews, bi aber nid sicher wie sechs mit USB Headsets so verhaltet wennmese anen Receiver (bi mim per 6.3mm Klinke) wott aschliesse - isch das miteme USB zu Klinke Adapter ohni Problem möglech? De G35 het nur USB, s Medusa 5.1NX het glaub ou cinch stecker. Was für en Adapter nimmtme zum d Cinch-Stecker vomene Surround-Headset (ja, ololol, ich weiss) an Receiver z hänke? Eifach nur s "Front-Lutsprächer-Kabel" uf en 6.3mm Adapter?

Verwirrt bini, häufetmer - Empfählige, Erfahrige, Tipps? Merci!

Bis jetz bini übrigens so chli mit dene am Liebäugle:

Sennheiser PC 360: http://www.toppreise.ch/prod_153699.html" onclick="window.open(this.href);return false;

Logitech G35: http://www.toppreise.ch/prod_159773.html" onclick="window.open(this.href);return false;

Speedlink Medusa NX USB 5.1: http://www.toppreise.ch/prod_229840.html" onclick="window.open(this.href);return false;

Plantronics Gamecom 777: http://www.toppreise.ch/prod_160758.html" onclick="window.open(this.href);return false;

Aber ebe, bi froh um Vorschläg und Empfählige. Plus infos drüber wieme die USB-Headsets, wo mines Wüssens ja en integrierti Soundcharte hei, an Receiver bringt.

rolfe

Filicht hesches scho gse, aber der Sennheiser het en dopplete 3.5mm aaschluss. Wennd willsch uf dr Xbox dermit game brüüchtisch Adapter.
Was einigi Hardcore Type hend, isch e sones ASTRO - MIXAMP Ding. Mit dem hettisch denn sowohl Sound als au Xbox Chat -Dingens übers Headset am laufe.
Ich benutzt allerdings kei vo de gnannte System. Ich frag sust no chli umme, öbs öppis günschtigeres au wür tue.

Super, merci afemol füre Tipp - I bi nid unbedingt druf agwise ou chönne z chatte bi de Konsole - d.h. sound längtmer eigentlech füre Momänt und dä beziehni übere Receiver.