The(G)Forum

PC 1: Gaming & Desktop-PC, Win7 64 mit USB 2.0 & Ethernet (RJ45)
PC2: HTPC, Win7 64 mit USB3.0 & Ethernet (RJ45)

Beidi PCs stöh im gliiche Ruum. Dr Download vo de Date findet uf PC 1 statt, aber Abgspiut wärde d'Date uf PC2. Ize möchti, statt duurend mitere externe HD umezlatsche, das mitemne Kabel (bzw. eifach müglechst schnäu) erledige. Wie? Mitemne Ethernet-Kabel? Muess me da no uf d'Spezifikatione (Kategorie) achte? Oder gits was schnellers?

Ethernet isch am eifachschte. Wänn mit dene PCs ohnehin über Ethernet is Netz gahsch, hänksch eifach en Router dezwüsched, wänn'd Ethernet susch nöd bruchsch, gaht au e Punkt zu Punkt Verbindig. Kabel isch mit grosser Wahrschinlichkeit egal. Früehner hätt me für e Punkt zu Punkt-Verbindig amel no es speziells gkrützts Kabel brucht, inzwüsche chönd Ethernet-Adapter, wo nöd uralt sind, die Chrüzig wänn nötig automatisch intern vornäh. Und für Gigabit-Ethernet-Verbindige brucht's mind. es Kategorie 5-Kabel.

Super Sach, danke viu mau. Dämfau bsteui mr es 5+Ethernetkabel 7.5m und due eifach die beide PCs direkt verbinde. Chly dumm wägm Kabelsalat aber henu. Mit was für Daterate chame da rächne?

Was der Ceiser seit:
Es Gigabit LAN isch verdammt schnäll, machsch es am beschte über das.

PC1----Ethernetkabel-----|
######################| Router -----(Modem?)--- INTERNET OMG.
PC2----Ethernetkabel-----|

En Switch würdi sust au lange, aber da muesch, je nach OS, d IP etc. bide beide Rächner vo Hand iigeee.


edit: ds Forum hasst wohl mis grenzgeniale ASCII Art

Gigabit LAN isch tatsächlich

Uriel hat geschrieben:
edit: ds Forum hasst wohl mis grenzgeniale ASCII Art

mousch ebe code mahen.

Holy ... Code Tags vergesse.
FAIL.

Es rockt! Shit, geit huere ab, mega. Merci für d'Hiuf