The(G)Forum

Hoi

Tee isch scho was schöns.
Sigs am Morge zum ufstah en starke Schwarztee mit viel Zitrone, ame chalte Winterabig nachem spörtlere uf de Piste en fine Grünetee, eventuell mid chli Honig oder eifach en Wiss tee für zwüschedure. Ich trinke "relativ" hüfig Tee, bin aber kein Känner oder gar en Tee-Gourmed.

Ganz gärn hani die verschiedene Sencha Grüentees (z.B. Sencha-Fuji), de wissi Oolong, en guet änglische Schwarztee und sit neustem bini uf Matcha gstosse. Für mich isch Matcha gschmacklich nomal en ganz anderi Ebeni. Was wahrschindli drah lit, dass mer s ganze Teeblatt in Pulverform amacht. Somit trinkt mer s ganez Teeblatt und dueds nid eifach is Wasser dünkle, lah zieh und wieder usenäh. Han zwei verschiedeni Sorte Matcha probiert und bin hin und wäg.

Da ich de Tee so bombastisch finde, möcht ich de Konsum au chli zelebriere und wird mir entsprächendi utensilie aschaffe. Sone Gusskanne gseht halt schono très chik us! Vorallem chan mer dete au gad en Liter inejage und de blibt schön lang warm und wenn das nid langed, eifach es Röschocherzli une anestelle.

Trinke au sehr gärn Kaffi, aber de hed i dem Fred inne nüt verlore .

Was für Tee muess mer umbedingt probiert ha? Chli öppis speziells wie z.B. de Oolong oder Matcha wür mi no interessiere oder kennt öpper sogar es spezial "Tee-Rezäpt". Ich haue gärn en Löffel Honig ine wells en feini Süessi isch und gschmacklich es Träumli.


Sobald mini Matcha Lieferig chunnd, wird ich mini Idrück, Gschmackserläbnis etc. kund tue.


Grunz
Pirat

was ich sehr gern mit de Teebläter zum Ziä dezuä gib (eigentlich egal öb Wissä, Rotä, Grüanä oder Oolong (bi Schwarztee sicher au guet, aber das weissi nid, willi eigenlich keinä Trink) isch es rächts Stück Ingwer... verschnittä natürlich.

Ah ja stimmt! Hed mir en Kolleg mal verzehlt. Muess i umbedingt probiere. Gid sicher en schöni schärfi ine. Söll au sust scharf mache. das?

Voll Hipsterig aber relativ fein isch es Matcha Latte zmache. En TL Matcha ines Latte Macchiato glas und mit ganz wenig warmem Wasser afemol verbäsele (am beschte miteme Milchschüümer). Denn heissi gschüümti Milch drüber zum uffülle und vermische. Huereguet Eifach nid vergässe en Echarpe azlegge bim trinke.

Was du evtl. söttsch probiere isch eini vo dene Mischige wo zum Bispil Sencha oder Kukicha drinne isch und derzue no bitz Matcha pulver. Rächt super isches. Momentan hani gad e Kukicha-Matcha (vo Uji) usem Länggass-Teelade. Empfählenswärt.

Buccaneer hat geschrieben:Ah ja stimmt! Hed mir en Kolleg mal verzehlt. Muess i umbedingt probiere. Gid sicher en schöni schärfi ine. Söll au sust scharf mache. das?

Also bi denä churzä Zitä womer de Tee ziä loht, bringts nid würklich e Schärfi (ussert mer tuets sepert dri leggä, chamer natürlich au, und machiau öpä diä. Wenn würklich viel Schärfi willsch, wärs Beschtä de Ingwer im Wasser ufchochä, im Prinzip chöntmer denn jo mit dem Wasser de Tee machä.Ich würd jetzt allerdings sägä das wär denn vilicht doch chli zu intensiv).

Ingwer wird scho nohgseit es sigi au Liebesfördernd, und dos unter anderem Arregend uf de Körper söll würkä, isch das sicherlich nid ganz falsch, allerdings isches wohl wiä bi villnä vo denä Sachä, wenn soviel zu der neh würsch, dass diä Würkig tatsächlich dütlich spürbar isch, hesch wahrschindlich no ganz anderi Problem (z.B. will diä Stoff wo für das Verantwortlich sind ebä z.B. au sehr Vedauensfördernd sind).

Ich Verträg allerdings unmängä devo relativ ohni Problem. (woni letschti im November zimlich agschlagä gsi bin hanimer immer Ingwer jenschtes Lang und denn no mit Lavendel ufkocht, und diä hochkonzentrierti Brühä denn zum Schaffä mitgno.. de Ingwer hedmi duräputzt bis fascht is Hirni und de Lavendel hed denn scho fascht chli e schibä geh... diä erschtä paar Schlück sind aber amigs no krass gsi.)

Im Tee isches aber eifach au e gschmacklichi Bericherig. Harmoniert miner Meinig no absolut super.

en löffelschpitz vo dem



in e tasse schwarztee mit müuch => sOpr.

zruglehne und tee gnüüüsse?

umbedingt.

ingwertee gäge vrchöutige/gripp/fieber zügs. und zwar würkli e true ingwerchnolle abraschple und is heisse wasser ine. s'schnüffle dranne tuet dr nase eh grad au no guet.

ingwer-tee (selber ufgosse uf paar schnitz frischem ingwer) mit zitrone und honig = best wo hets gits.

Ir letschti bim Schribe ou immer e Channe Schwarztee denäbe - trinkene aber eifach mit wenig Zucker und Milch Chindheitserinnerige.

Schwarztee und Milch isch doch fein, oder gilts als Frevel...? who cares.

Eine vo miine Lieblingstee isch Lindeblüete-Tee, öppis vom subtilschte im Gschmack und vo sich uus scho bitz süesslich.

So wiä ich das Abschätz isch de Buccaneer echli en Tee-Nazi, und finded nur Tee wo würklich us de Blätter vo de Teepflanzä gmacht isch, dörf Tee gnännt werdä. Oder chamer do au über anders Züg Redä wo mir Umgangssprochlich als Tee bezeichned?

Ich bin würklich chli en Tee-Nazi. :typej: Alles ander isch für mich auf "Infusion" oder Ufguss. Ich tränne das immer sehr strikt i mim Wortschatz. Chriesi-"Tee", Öpfel-"Tee", Chrüter-"Tee" gids nid. Das isch Chreisi-Ufguss oder sust was...

Aber das isch hie nid so relevant. Vorallem da ich kein Ifluss chan uf Umgangsprach näh. Sust würded Wörter wie Swag, swagarrific, wulffen, gutenbergen etc. sofort verbannt wärde.

Und isch scho guet wenn sich hie en gwüssi Diversität zeigt. De Ingwer-Tipp findi ganz guet. Sigs jetzt mit Tee oder ohni. Wirde garantiert de Tipp vo de Slyvara Teschte. Ingwer mit chli Honig hmmm.

Ah jetzt mag mi erinnere was mir de Kolleg mal empfohle hed. Er choched de Ingwer es wili, lahts abchüele und stellts denn in Cheühlschrank. Nur de Ingwer, glaubs mit chli Zitrone oder so. Ingwer-Is-"Tee".

Buccaneer hat geschrieben:Ich bin würklich chli en Tee-Nazi. :typej:

gang uf china. bzw die lached eus us wie mir da irgendwelche tee irgendswie trinke also wayne.

R LF

du tatsuijn häsch gwüsst dass es das z'japan au gitt? das händs voll vo de chinese klaut die cheibe.

don't tatsle the jin

zwirrlibatz hat geschrieben:du tatsuijn häsch gwüsst dass es das z'japan au gitt? das händs voll vo de chinese klaut die cheibe.

Weisch was en interessanteri Gschicht vo japanischem Kulturdiebschtau isch? D Entfüehrig vo dütsche Braumeischter us China

Und hüt trinktme Asahi und Sapporo

Imperialismus ... oder so.

evo hat geschrieben:don't tatsle the jin

Sephi hat geschrieben:

zwirrlibatz hat geschrieben:du tatsuijn häsch gwüsst dass es das z'japan au gitt? das händs voll vo de chinese klaut die cheibe.

Weisch was en interessanteri Gschicht vo japanischem Kulturdiebschtau isch? D Entfüehrig vo dütsche Braumeischter us China

Und hüt trinktme Asahi und Sapporo

Imperialismus ... oder so.

nid jede uf de Welt hett kapiert wos ds beschte bier uf de welt herchunt. d Japse und Chinese aber offesichtlich scho.

Gester isch mine Matcha cho!

Leider en typische Afängerfähler gmacht obwohl is ja eignetlich gwüsst han. Gad müesse probiere. Drü Tassli gsoffe und denn heds halt mitem schlafen id so wele klappe.

Utensilie sind au ufem Wäg. Bäse, Mässlöffel und de Grümpel... Jetzt muess nur no en schmucki Teekanne ane. So guet, jetzt chani immer am morge im Büro en Liter Matcha inejage.

Bin überus zfriede mitem Produkt. Super Gschmack und fühl mi wohl nachdem ne gsoffe han.


Matsu no Midori
Dieser sehr hochwertige Matcha wird häufig in der japanischen Teezeremonie (Cha no yu) verwendet. Sein Name "Matsu no midori" spielt auf das Grün von edlen Kiefern an.
Die Sorte gehört zu den klassischen Matchas von dünnerer Konsistenz, die sich von den starken Tees (Koicha) unterscheiden. Er enthält viele Antioxidantien und ist bei unseren Kunden wegen seiner intensiven Farbe und seinem angenehm blumigen Geschmack sehr beliebt.

emP hat geschrieben:

Sephi hat geschrieben:

zwirrlibatz hat geschrieben:du tatsuijn häsch gwüsst dass es das z'japan au gitt? das händs voll vo de chinese klaut die cheibe.

Weisch was en interessanteri Gschicht vo japanischem Kulturdiebschtau isch? D Entfüehrig vo dütsche Braumeischter us China

Und hüt trinktme Asahi und Sapporo

Imperialismus ... oder so.

nid jede uf de Welt hett kapiert wos ds beschte bier uf de welt herchunt. d Japse und Chinese aber offesichtlich scho.

Belgie? Schwiiz?
Dütschland chas nid umbedingt si. Die Dütsch hend würklich es paar extrem geili Bier wo es Rating vo AAA+ verdient hend. Aber die breit Masse isch Pisswasser...
Tingtao isch ja ursprünglich Dütsches Bier. Bi Sapporo und Asahi weiss i gar nid.

Wie schmöckt denn de matcha? nimmt mi scho na wunder. ich trinke sehr gern schwarztee. findi extrem super... grüentee, naja s gaht so. findi nöd soo super.

evo hat geschrieben:don't tatsle the jin

rolf sehr super.