The(G)Forum

Geschter hedsmi grad uf mehrere Ebene grusig verarscht.

Han dänkt will de Mac nüm so guet gloffä isch, tueni mol s System neu ufsetzä. Natürlich zerscht es Back Up machä, hani dänkt. Also hani mini Extern agschlossä, woni es Time Machine Update druf han (allerdings nur es unregelmässig erstellts, will ich nid ein USB Port nur mitere TM Feschtplattä han chönä zuägstöpslet ha (au weni jetzt dänk, dass das hetti müese Vorrang ha)), und also Time Machine aktiviert und welä en Backup Durchgang startä loh. Wos denn allerdings hed welä Afangä, heds nid agfangä und de Compi isch hängä blibä.

Isch es Zitli gangä bisis Usägfundä han, aber um eu diä Gschicht z ersparä -> Es hed mer entgültig öpis i dä Festplattä glüpft (S.M.A.R.T. Fehler... allerdings uf Hardware Ebeni... "Sichern sie so viele Daten wie möglich blabla my Ass, und ersetzen sie das Medium oder so"). Will allerdings i dem Moment es Back Up hetti sölä erstellt werdä, hedsmer d Back Up Plattä au no grad unbruchbar gmacht (Mitlerwilä hani Befürchtig dasses diä au uf Hardware ebeni verbrucht hed, vorher hed allerdings gheissä mer müess sie eifach neu Formatiere).

So oder ähnlich mueses uf jedä Fall gloffä si. (Erkenntnis: Eis Back Up isch tatsächlich dütlich zwenig, will es nützt eim nid grad vil wenn Quällä und Back Up grad währendem Back Up Vorgang beschlüssed gmeinsam zur Höll zfahrä )

Resultat isch logisch: Ich han jetzt also weder s Original, no s Back Up, und bin dementsprechend am Arsch.

Ich chan de Computer zwar no ufstartä, aber nochher isch denn schnell mol Fertig und de Computer hängt Fescht (so hani aber immerhin scho mol de Stundäraport woni ufem Desktop gha han chönä uf e Externi retä, immerhin eis Problem weniger.)

Ich hans au scho mitem Bootä vo de DVD und denn Fesplattendienstprogramm probiert, chan aber weder öpis repariere, no funktionierts e Kopie zmachä. S Glichä weni versuech d Datä automatisch uf min Laptop züberträgä. Ich hans jetzt au scho versuecht, dasmer de I Mac als Ext. Festplattä ufem Laptop azeigt, und manuell d Datä überäziet, ebäfalls Fehlanzeige, mehr chund nid wit i d Struktur, eimol hani zwar no es Bild chönä azeigä, und au echli i de Ordner umäwühälä, mitlerwilä ladeds oft aber sälbscht im Finder gar nüt meh.

Ich han also au s Gfühl es wird schlimmer bzw. d Feschtplattä god meh kabut.

Jetzt isches aber so dass ich zwar nur es bitz öpis druf han, wos würklich absolut ober verschissä isch, wenis nüm chan rettä (Mails, es paar Grafik Sachä, suscht do oder det öpis), aber immerhin ä rächti Mängi wos ordentlich verschissä isch (scho verarbeiteti Phöteli (D Original hani zum Glück usglageret), I-Tunes Datäbank etc).

Chönti druf hoffä, dass nid D Feschtplattä ansich, sondern nur öpis mit de Stürig oder so kaput isch (wenn d Feschtplattä abgraucht wär, chöntis doch gar nüt me devo ladä oder?)? Chöntmer das (bzw. chönti das e Fachmaa) repariere? Was gäptis für Möglichkeitä? Wär irgendes Datarescue Tool e Möglichkeit?




Und denn für d Zuäkunft:
Gits scho fäng externi Ghüs mit mehrere Feschtplattä (s Ziel wär glaub Raid 5), und Thunderbolt (han zwar no kein a mim I Mac, aber in Zuekunft wirdi das jo ha, und do diä Teils Tür sind, willi nid imene Johr zwei wieder e neus chaufä).

Und was wär de Vorteil vo somene NAS, und bruch ich das (das eintä Synology mit 5 Feschtplattä gseht super us, und isch au erwiterbar mit witere Modul... leider aber türer als en Computer sälber).

Gits öpis wo au grad als Synchro Station zwüsched zwei Computer brucht werdä chan?

i han es synology, zwar nur mit 2 platte aber mis time machine lauft dert 1 mal pro wuche drüber!
logischerwies hani heikli date wie mails und phöteli au na ufere externe hdd

evtl no es online backup für ganz wichtigs züügs in betracht zieh. i verwände dropbox, git aber glaub bessers/sicherers

Mit Kabel/Dockingstatione chasch die usbouti Festplatte amne PC aaschliesse und via "Testdisk" (gloub das isches gsi, woni damals mau bruucht ha) alles ufne funktionierendi Platte exportiere - hett ömu bi mir klappet, obwohl dPlatte relativ beängstigend tönt hett und nüm im Normalbetrieb funktioniert hett.

das wür mer den stinke.

TypeJ hat geschrieben:i han es synology, zwar nur mit 2 platte aber mis time machine lauft dert 1 mal pro wuche drüber!
logischerwies hani heikli date wie mails und phöteli au na ufere externe hdd

Ja, ich glaub das isch de Weg woni mues go (bzw. öbs jetzt Synology mues si, isch e anderi Frog, aber so öpis i derä Art). Raid 5, und denn nomol uf externi (woni jo jetzt scho han (obwohl, diä müsstet z.T. de Sicherheit zlieb wohl au mol usgwächslet werdä...)).

So öpis gsehd au nid so übel us: http://www.brack.ch/tabid/294/Default.aspx?ID=176343" onclick="window.open(this.href);return false;

ritschi hat geschrieben:evtl no es online backup für ganz wichtigs züügs in betracht zieh. i verwände dropbox, git aber glaub bessers/sicherers

Wär super, hani au scho dänkt. Sobalds aber über Textdateiä usägohd, ischs de Speicherplatz halt denn zimlich schnell mol nid nur es bizli zwenig (also bi DropBox Gratis sowieso, aber au bis serigä womer Cholä zahlt (z.B. Swisscom hed jetzt au so öpis im Agebot). Mol abgseh devo dasses natürlich au no chli lang würd go das ganzä ufäzladä.

Drum hani vo dem denn wieder abgseh.

Astroboy hat geschrieben:Mit Kabel/Dockingstatione chasch die usbouti Festplatte amne PC aaschliesse und via "Testdisk" (gloub das isches gsi, woni damals mau bruucht ha) alles ufne funktionierendi Platte exportiere - hett ömu bi mir klappet, obwohl dPlatte relativ beängstigend tönt hett und nüm im Normalbetrieb funktioniert hett.

Merci für de Tip. Miteme Programm namens Disk Drill hanis scho probiert. De zeigt d Feschtplattä au als Defekt a, und en Copy hed nid klapt (hed zwar gseit sig usgfüehrt, aber nach sehr viel z chruzer Zit, und d Kopie isch nid z findä gsie).

Testdisk gits schins au für Mac... meinsch du mit PC d Windows Version?
Und isches en Unterschied öb ich d Feschtplattä eifach über de FireWire im I Mac als Externi verwänd (also bim Ufstart T druk (ich glaub es isch T)), oder ob ich sie Usbau und tatsächlich als Externi ahänk?

Es Ghüs bzw. Kabel zumsi als Externi azschlüssä hetti zwar, aber diä IMacs sind mitlerwilä jo so das Sugnäpf und weiss ich was alles bruchsch zumsi ufzmachä. Also wenns uf das druf a chunt, müssti mitem Chaschtä eh zumene Profi.

Wasi halt echli Angscht han bim witere Umäprobiärä isch, dassi plötzlich no ganz ablieht, und en Profi wo jetzt evtl. no öpis chönt machä denn au usgliferet isch.