Stoker (jetz mit Trailer)
Verfasst: 31 Mär 2012 02:42
Ok, i mache jetz mou es Topic uf obwou me noni wahnsinnig viu weiss vom Fium unds no ke Trailer git. Aber är chunnt no 2012 is Chino. Stoker basiert ufeme Script vom Wentworth Miller (ja genau, dä, lulz) wo 2010 uf der Hollywood Blacklist für die beschte no unverfilmte Screenplays glandet isch. Directle tuet de Park und als Cast het er sich u.a. d Mia Wasikowska, d Nicole Kidman, de Dermot Mulroney und de Matthew Goode gholt.
Der Fium wird interessant will quasi en Zerriissprob füre Park Chan-Wook. Är isch definitiv eine vo de 5 Top-Regisseure in Asie und womöglech eine vo de beschte vor Wäut - het ke einzige schlächte Fium gmacht und isch eigentlech (jetz mit däm Projekt als Usnahm) en waschächte Auteur. Und me weiss ja wie das cha usecho wenn nid-amerikanischi Regisseure der Sprung nach Hollywood mache. Bi ihm hani do aber es guets Gfüehl.
Ahjo, produziere düe der Ridley und de Tony! Keni schlächte Grundvorussetzige. Und d Musig chunnt vom Philip Glass (http://www.youtube.com/watch?v=jOEDsZbR6jE" onclick="window.open(this.href);return false;).
Quelle
Der Fium wird interessant will quasi en Zerriissprob füre Park Chan-Wook. Är isch definitiv eine vo de 5 Top-Regisseure in Asie und womöglech eine vo de beschte vor Wäut - het ke einzige schlächte Fium gmacht und isch eigentlech (jetz mit däm Projekt als Usnahm) en waschächte Auteur. Und me weiss ja wie das cha usecho wenn nid-amerikanischi Regisseure der Sprung nach Hollywood mache. Bi ihm hani do aber es guets Gfüehl.
Ahjo, produziere düe der Ridley und de Tony! Keni schlächte Grundvorussetzige. Und d Musig chunnt vom Philip Glass (http://www.youtube.com/watch?v=jOEDsZbR6jE" onclick="window.open(this.href);return false;).
Quelle