Seite 1 von 1
Take Shelter (mitem Michael Shannon)
Verfasst: 08 Apr 2012 17:52
von Sephi
Git ja no gar kes Topic. Sehr guete Fium, lohnt sech absolut dä is Chino go z luege solang är no louft. Und der Michael Shannon isch brilliant. Momentan eine vo mine Lieblingsschouspiler (in Boardwalk Empire ischer ou fantastisch). Am beschte luegt me übrigens gar ke Trailer u nix sondern loht sech eifach unwüssend ufe Fium ih.
Nur s Ändi isch bitz lahm.
Regie und gschribe vom Jeff Nichols. Mitem Michael Shannon, der Jessica Chastain und em Shea Whigham.
Re: Take Shelter (mitem Michael Shannon)
Verfasst: 08 Apr 2012 19:09
von O_O
luegi mal
Re: Take Shelter (mitem Michael Shannon)
Verfasst: 08 Apr 2012 20:00
von h4xX0r
hä? s'end isch mega!
Re: Take Shelter (mitem Michael Shannon)
Verfasst: 08 Apr 2012 20:11
von Sephi
h4xX0r hat geschrieben:hä? s'end isch mega!
Chunnt wohl ou bitz drufah wieme s Ändi interpretiert. Chaschmer ja mal dini Interpretation devo gäh, vilech hilftsmer. Gsehsch du s Ändi als effektivi, reali Bewohrheitig vo sine Befürchtige/Prophezeiige oder als witere Usdruck vo sire Chrankheit? I has bitz schad gfunge, dass der Fium nach der eigentlech extrem bodeständige zwöite Höufti am Schluss doch no zmingscht d Möglechkeit offe loht, dass da doch bitz meh aus e psychischi Chrankheit im Spiel isch. Aber ebe, vilech überleggenimer mini Meinig ou nomou.
Finges übrigens no luschtig, dass das innerhaub vo ca. 2 Johr mindeschtens der dritt Fium isch, wos um die mönschlechi Psyche geit und s Ändi denn uf mehreri Arte dütbar isch. Shutter Island und Inception hei dört düre jo rächt ähnlech funktioniert.
Re: Take Shelter (mitem Michael Shannon)
Verfasst: 08 Apr 2012 21:26
von kraut
hane vor ca. 2 wuche gseh und bir rächt beidruckt gsi. super fium.
wägem ändi:
i has weder aus reali bewahrheitig vo sire befürchtige gseh, no aus usdruck vo sire chrankheit. i gloube zwar ou, dass der sturm real isch, aber nid so wie i sine tröim. mi hets dünkt, i heig im usdruck vo sire frou so öppis wie e art bestätigung gseh. also, dass sie itz weiss und verschteit, vo was är so angscht het gha. het si ihm nid no am schluss ganz liecht zuegnickt?
Re: Take Shelter (mitem Michael Shannon)
Verfasst: 08 Apr 2012 22:29
von O_O
doch aber i ha das meh verstande als "isch de sturm ächt?" und si nickt.
Re: Take Shelter (mitem Michael Shannon)
Verfasst: 08 Apr 2012 23:10
von Sephi
O_O hat geschrieben:leschpoil.
So hanis ou gseh, bzw. für mi het die Szene dä Idruck erweckt - und drum hani ou s Gfüehl gha der Sturm sig ächt. Die bestimmti Art vo Räge woner i sine Visione gseht chunt jo denn ou vor am Schluss, nid? Will also viles druf hiidütet dass die letschti Szene nid Ibildig/Paranoia isch, hani se bitz als abschwächig vom extrem schwirige Prozäss verstande, wo sini Frou und är düremache. Also d Idee vomene "är liidet doch nid unger ere psychische Chrankheit" Ändi findi rächt lahm. Zum Glück isches ja bitz mehrdütiger als das.
Re: Take Shelter (mitem Michael Shannon)
Verfasst: 09 Apr 2012 00:50
von h4xX0r
kraut hat geschrieben:hane vor ca. 2 wuche gseh und bir rächt beidruckt gsi. super fium.
wägem ändi:
i has weder aus reali bewahrheitig vo sire befürchtige gseh, no aus usdruck vo sire chrankheit. i gloube zwar ou, dass der sturm real isch, aber nid so wie i sine tröim. mi hets dünkt, i heig im usdruck vo sire frou so öppis wie e art bestätigung gseh. also, dass sie itz weiss und verschteit, vo was är so angscht het gha. het si ihm nid no am schluss ganz liecht zuegnickt?
genau so hanis au gseh. de riise Tsunami hani gseh als "Gächi sach wo uf sie zuechunnt" aber sie sind zäme uf de gliiche siite. Viellicht au zwiit hergholt aber ich chan mer fascht nöd vorstelle, dass de film suscht so en banale schluss gha hät.
im gegesatz wo zu inception isch mer de schluss nöd uufgsetzt vorcho und shutter island hät irgend wie kei interpretationsmöglichkeit gha oder?
Re: Take Shelter (mitem Michael Shannon)
Verfasst: 09 Apr 2012 13:10
von Sephi
h4xX0r hat geschrieben:kraut hat geschrieben:hane vor ca. 2 wuche gseh und bir rächt beidruckt gsi. super fium.
wägem ändi:
i has weder aus reali bewahrheitig vo sire befürchtige gseh, no aus usdruck vo sire chrankheit. i gloube zwar ou, dass der sturm real isch, aber nid so wie i sine tröim. mi hets dünkt, i heig im usdruck vo sire frou so öppis wie e art bestätigung gseh. also, dass sie itz weiss und verschteit, vo was är so angscht het gha. het si ihm nid no am schluss ganz liecht zuegnickt?
genau so hanis au gseh. de riise Tsunami hani gseh als "Gächi sach wo uf sie zuechunnt" aber sie sind zäme uf de gliiche siite. Viellicht au zwiit hergholt aber ich chan mer fascht nöd vorstelle, dass de film suscht so en banale schluss gha hät.
im gegesatz wo zu inception isch mer de schluss nöd uufgsetzt vorcho und shutter island hät irgend wie kei interpretationsmöglichkeit gha oder?
Ebe wennme der Mega-Sturm als metaphorisch für die herte Zite wo jetz chöme und e Zämehalt vom Ehepaar aluegt fingi das okay. Aber der Film machts eim rächt schwär, s Ändi nid als Bewohrheitig vo sine Tröim zgseh. Es wird am Schluss ja äbe grad en asolute Riesesturm mit mehrere Windhose zeigt und die dickflüssigi Art vo Räge woner i sine Tröim gseh het chunnt ou no derzue. Drum hani vermuetet, dass der Sturm am Schluss evtl gliich d Bewahrheitig vo sine "Visione" chönnt darstelle.
Wäg Shutter Island: Wahr, wennme genau ufpasst het, denn isch der Schluss zu 99% vorgäh gsi, obwohl immerno en ganz chlini Chance bestande hät, dass si der Houptcharakter dür gschickti Tricks hinder s Liecht gfüehrt hei. Aber dervo ganz unabhängig tuet er natürlech nur so aus ob är immer no unger Gedächtnisverluscht liidet, willer wott dass si ihn düend lobotomizle. Auerdings het das luschtigerwiis e grosse Teil vo de Zueschouer nid begriffe und agnoh är sig evtl. würklech immerno chrank.
Re: Take Shelter (mitem Michael Shannon)
Verfasst: 10 Apr 2012 09:19
von Uriel
Was miner Aasicht nach dr Schluss vom Film rächt schwabbelig macht: ds Meitli füehrt d Gebärdezeiche für «Sturm» uus, am Schluss. Während em Film isch mr drbii, wo sie das Zeiche vom Mami lernt. Dr Michael Shannon fählt i dere Szene. Ergo chan er das Zeiche nüd känne. Also chann dr Schluss nüd träumt si, sondern isch real. Wenn der Schluss allerdings real isch, isch dr Film ke zimli gueti Darstellig vom ne gstörte Mänsch, sondern plumpi Science Fiction.
Ich han d Tankszene dermasse grandios gfunde. Au, dass er als Geischteschranke zwar weiss, das öppis mit ihm nüd stimmt, er das allerdings am falsche Ort feschtmacht und deshalb sis Hilfe Sueche nüd funktioniert.
Wo er mal verzellt, dass sini Mueter in ällei im Auto laa hät, wo sie dureknallt isch, det verzellt er eigentlich, was sini Neurose isch: er seit det, dass er sini Familie nie ällei laa will. Wo er also zum Psychiater ufbricht, und er uf d Tanksüüle luegt und gseht, we tüür dass ds Benzin isch, wird suggeriert, dass er nüd zum Psychiater gaht, will er dz wenig Gäld für Benzin hät. Das isch natürlich reine Blödsinn: er realisiert, we wiit äwäg er vo sinere Familie isch und will vermuetli deshalb nüd zum Psychiater. Jedefalls wür das perfekt zunere Neurose passe, dass dr Erchrankti «Usrede» oder «Verschiebige» benutzt, um dr unbewussti Grund für sis handle ds kaschiere. Das isch gradezu 1:1 psychoanalytisch und eigentlich zimli guet dargstellt, wenn der elendi Schluss nüd währ.
Re: Take Shelter (mitem Michael Shannon)
Verfasst: 10 Apr 2012 11:28
von Sephi
Uriel hat geschrieben:Was miner Aasicht nach dr Schluss vom Film rächt schwabbelig macht: ds Meitli füehrt d Gebärdezeiche für «Sturm» uus, am Schluss. Während em Film isch mr drbii, wo sie das Zeiche vom Mami lernt. Dr Michael Shannon fählt i dere Szene. Ergo chan er das Zeiche nüd känne. Also chann dr Schluss nüd träumt si, sondern isch real. Wenn der Schluss allerdings real isch, isch dr Film ke zimli gueti Darstellig vom ne gstörte Mänsch, sondern plumpi Science Fiction.
Ouch! Gsehsch jetz, das mitem "Sturm"-Handzeiche hani nid gmerkt - wär aber dämfall en Bestätigung vo mine Befürchtige. Wie du gseit hesch: Wenn der Schluss absolut real isch, denn wird die ganzi im Film rächt sorgfältig ufbauti und eigentlech sehr ärnschti Problematik und der müehsam Wäg zur Besserig quasi der Bach ab gspüelt. Drum würdi s Ändi eigentlech no ganz gärn als en vom Film völlig separati Episode gseh, wo eifach metaphorisch füre gmeinsam z beschtriitendi wäg stoht.
Re: Take Shelter (mitem Michael Shannon)
Verfasst: 10 Apr 2012 13:11
von emP
Er spielt in Boardwalk e fromme sich selber widersprechende zerfahrende hölzerne Möngel.
Ig glaube nid, dassi ihn je guet wirde finde. Einmal Idiot immer Idiot.
Re: Take Shelter (mitem Michael Shannon)
Verfasst: 10 Apr 2012 13:47
von Sephi
emP hat geschrieben:Er spielt in Boardwalk e fromme sich selber widersprechende zerfahrende hölzerne Möngel.
Ig glaube nid, dassi ihn je guet wirde finde. Einmal Idiot immer Idiot.
Sini Rolle in Boardwalk isch unger Umständ die beschti ir ganze Serie. Der schier Wahnsinn! D
Toufi in Staffle 1
Unfassbar guet. Und sini Gsichtsusdrück si ou der Wahnsinn - widerspiegle uf ei Blick alles wome über dä Charakter mues wüsse.
