The(G)Forum

wenn e pcb hesch wo nöd macht was si sött chasch das problem da zeige, vilicht chan ja öpper helfe...

zu miner 1943 pcb: han si günschtig im ebay kauft, im beschrieb isch gstande "working"
hehhe, ja, si lauft würklich ...aber wie ! mer gseht im untere bildschirm so blödi pixeli und wenn grossi flugis (gägner) chömed, gseht mer mehreri chlini flugis anstell vomene fette flüger, au d icons wommer chan sammle sind irgendswie nöd suuber,isch schwirig z beschribä.... luegsch mal s video woni unte han...
pcb schiint mer original zsii, es isch jedoch au scho dra umeglötet/baschtlet worde (luegsch föteli)
ich han das teil scho x-mal usenand gno und putzt und gümmelet mit em radiergummi, eproms usegno und wider ine taa und so weiter....het alls nüt gnützt lätsch,han si wintschig dreit und boogä, no meh büüüge will ich si nümm, han angscht si zerbricht mer








Quelle

am liebschte würdi welle chöne pcbs repariere
:spit:

Was meinsch was passiert wänn dä Bastel weglötisch? Villicht häsch dänn kei Freeplay meh oder irgend es anders Game lol..

viellicht gits denn eifach es 1942 drus.

die bastels sind normal und zu 99.9% original. dis probelm chan ganz viel uursache ha. irgendwos en leitig beschädigt (adress oder date bus), eprom git nüme richtig kontakt im sockel oder het sälber korrupti (kabott gangeni) date, sucht en wackel wos.

probier d platine mal chli ds büüge im betrieb und lueg obs problem derbi temporär weg gaht, oder nimmsch chältespray und tuesch chli lokal a allne stelle es paar sekunde chüele (durch das tue sich d platine zäme zieh und mer chan so wackelkontäkt oder fragmentierti leiterbahne eruiere). wenns problem verschwind, weisch in ca. wo was nöd I.O. isch und chasch di dert druuf konzentriere. chaufsch am beschte na en monokel lupe.

au na guet, mal alli eproms entferne (ubass wo welles gsi isch), und uf korosione a de beinli prüefe, wenn möglich reinige und wieder iisetze. chauf en eprom (IC) extraktor zange

ah, de chältespray fehlt mer no im baschtelruum, super idee

So wie sech dä Fähler uswirkt, mit grosser Wahrschindlechkeit es RAM Problem oder es Logikproblem im RAM Bereich.
Met enere Logikprobe chonsch em Fähler evtl. uf d'Spur...muesch aber chli TTL Knowhow ha!

mastercello hat geschrieben:So wie sech dä Fähler uswirkt, mit grosser Wahrschindlechkeit es RAM Problem oder es Logikproblem im RAM Bereich.
Met enere Logikprobe chonsch em Fähler evtl. uf d'Spur...muesch aber chli TTL Knowhow ha!

ok, das isch den scho eher nüme 1st level, und muesch nämli na so einigi elektronik und uC känntnisse mitbringe

dass das problem etz nur vom oder ums RAM verursacht wird, würi i somene früehe stadium au nanig grad unterschriibe.

han mal 2 links gfunde zu reparatur büecher, bin dilettant und mues mi zersch chli informiere...
http://arcarc.xmission.com/PDF_Arcade_A ... e_Book.pdf" onclick="window.open(this.href);return false;
http://www.andysarcade.de/data/electron ... efduat.pdf" onclick="window.open(this.href);return false;

ah frisch. isch chli rächt oldskool (wege equipment). aber das sind d PCBs ja au

wird aber ohni elo etc. grundkenntnis au keis liechts unterfange si, da mizcho, aber luegsch mal. känne scho einigi hobby flicker wo bi absolut 0 aagfange hend und hüt mit logic probes und KOs schongliere.

Empfehle au no s'Wiki vo AO -> http://wiki.arcadeotaku.com/w/Main_Page" onclick="window.open(this.href);return false;

Repairlogs vo andere Lüüt send au sehr hilfrich zum sech i die Richtig z'verbessere!

@Tatsu - han gseid mit grosser wahrschindlechkeit gods i die Richtig...chan au unterbrocheni Leiterbahn si oder wie du scho gseid hesch EPROM/ROM Problem.

TTL und uC, kei chance hetti da aber intressiere tuets mi gliich, und dä mitem Chältespray isch no rächt geil

Mi dünkt de Fähler isch zimlich begränzt. Es paar Sprites wo falsch dargstellt wärde. Ich würde darum glaubs zerscht bi de Grafik ROMS luege, ob eins eventuell nüm vollständig Kontakt het.

Wenn di mit Retro beschäftigsch muesch di irgendwenn mit au mit dem handwerkliche Zügs usenandsetze. Frisch.

das hani au scho gmerkt. und ich hasse handwerk

hanf hat geschrieben:das hani au scho gmerkt. und ich hasse handwerk

Echt? däbii isches so uhuere super!

Baschtle isch mega, aber es mues debi au was useluege (und wenns nur vom lerneffekt isch)

mit em dip switch block A dip 1 on bini jetzt im test-mode, folgendes chani uswähle:
-ram sound input test
-output test
-color test
-dot cross hatch

was ich nöd chan awähle im test menue isch folgendes:
-vram character code
-vram color code
-object test
-scroll test
-service test

ich weiss mit mene trick chasch au i die letschtere tests aber ich weiss nümm wie...het grad wer en tip ?

isch normal. hani im 1943 in MAME au gseh dass mer nid alli chan awähle. überhaupt isch MAME no es guets Tool um Züüg uszprobiere. Verwänd i no oft.

turntablism hat geschrieben:ich weiss mit mene trick chasch au i die letschtere tests aber ich weiss nümm wie...het grad wer en tip ?

has gschafft...muesch no de servicebutton drucke bim ischalte, denn chasch fascht alli uswähle. nur leider in service test chumi nöd ine