The(G)Forum

I chönnt ev. ou ines entsprächends Forum, aber hett gnue Kompetenti hie inne für das.

* Gehäuse: Antec Fusion Black V2 (430W)
* Prozessor: AM2 - Athlon X2 BE-2400 2,3 GHz , 45 Watt
* Motherboard: ASUS M2N-VM DH
* Grafikkarte: Geforce 8500GT
* Festplatte: 3 x Samsung Spinpoint HD501LJ je 500GB
* Memory: 2 GB PC2-6400 CL4 240 Pin DIMM
* Luefter: 3 x Noctua NF-S12-1200

1. S'hett mr mau d'Sicherige usgehoue und sither duet dr gross Lüfter permanent uf Maximaldrehzahl dräie und macht uhuere lärm,
isch ize aber übernes Jahr sehr sehr liislig gloffe - chas niene aberegle und s'regt uuf - was chame da mache? Softwaresitig chani nüt mache, ou im Bios nid.
Ha dr PC mau ufta, entstaubt und so, aber ha ke manuelle Drehzahlregler gfunge.

2. Möcht dr PC ufrüschte.

Paar Frage:

• USB 3.0 - macht scho Sinn? Hätt gärn es USB 3.0 MoBo plus HDMI-Usgang.
  
  Prozessor: Gits iProzessore, wo sech fürne HTPC-Betrieb eigne?
  Mi Amd-Dualcore hett glängt für chly ffdshow-Tweaking mit 720p, dört möchti eigentlech ou ungfähr blibe. Aber gärn chly Perfomance-Steigerig wär no fätzig.
  
  Und was fürne GK bruuchts, bzw. was macht Priis/Leistigsmässig Sinn hützutags?

Im Prinzip möchti eifach e maximale Gschwindigkeitsgwinn was Datetransfer aageit und no chly meh Performance,
aber ohni dass mi Silent PC lüter wird. Mis Hauptproblem isch, dass miner HD-Fiumene ewig hei zum überekopiere und entpacke usw. - da möchti vorauem zuelegge.

Danke!

Check mal d cpu temp. De lüftet glaub nid 4 teh lulz.

Knapp 34 Grad. (GK wird nidmau 60 zu Spitzezyte Grad warm, meistens so 50 Grad)

Was meinsch genau mit "dr gross Lüfter"?

Me sött im BIOS chönne so Sache we AMD Cool 'n Quiet iischalte, das wird hälfe, wenn der CPU Lüfter ds Problem sött sii.
Alternativ chasch mal Speedfan uusprobiere. Mit dem Tool söttisch chönne d Lüfterdrehzahle verändere.

Zum Uufrüschte: ich han mer letschi en HTPC zämegstellt, allerdings hani alles vo AMD verwändet:

Der Vorteil bi AMD isch im Moment, dass sie erschtens CPUs im Niedrigpriissegment (unter 100 Stutz) händ, und zweitens nüd we Intel der Grafikchern im Prozessor integriert händ und a de Mainboardhersteller nüd verbüütet, en Grafikchip ufs Mainboard ds tue.

Als Motherboard eis vo Gigabyte, woni jetzt aber leider bi Digitec nüd gfunde han, es isch aber rächt ähnlich zu dem da: Gigabyte GA-880GA-UD3H. Da häsch 2xUSB3 und e Radeon Grafikchip. Dörfsch natürlich kei Wunder erwarte, aber für en HTPC findi d Leischtig mee als Usreichend (es langet z.b. für Dragonage uf "Niedrig")

Als CPU nimsch irgend en Athlon II X2. Das langet locker.

We kopiersch d Date uf din HTPC? (Netzwerch, USB2?)

Das isch uf die schnelli alles, was mer in Sinn chunnt. Wenns usfüerlicher willsch: ich het hüt aabig numal Ziit.

Uriel hat geschrieben:Zum Uufrüschte: ich han mer letschi en HTPC zämegstellt

Zwüschefrog: Weles OS/weli Software für de HTPC?

Äbe: Softwaresitig chani nüt mache.
Weder im Bios no mit Speedfan no schüschtwie,
aui Lüfter loufe eifach mit Maximalvolt, chan nüt regle, nix.

Ev. isch ou irgend es Kabeli bim Kurzschluss dürebrönnt oder so?

@Avenger: Isch kompliziert. I ha dr Media Player Classic i dr Home Cinema Edition vom Shark007,
und dr Zoom Player fingi ou no guet, hauptsach ffdshow louft mit. Ja nid dr VLC, dä isch crap. Und vo de CCCP-Codec-Pack chame eigentlech ou abrate.

Ufem Netbook hani zB 720p mit DXVA beschleuniget, da machis mitm MPC:HC, aber ufm HTPC hani immer no dr Zoomplayer, besseri Bedienig imho.

Avenger hat geschrieben: Zwüschefrog: Weles OS/weli Software für de HTPC?

Zerscht hani welle e Linux Chischte mache, aber denn ischmer ufgfalle, dass sit Ubuntu uf Pulseaudio gwächslet hät, me nüm eifach so chan es Audiosignal unbearbeitet an Verstärcher wiiterleite. Konsequenz: ke DTS oder Dolby Digital.
Deshalb hani uf Win7 umgschwänkt und mer grad nu es Bluray Drive gönnt.

Als Software setz ich XBMC ii, mit der Aeon Oberflächi. Als Scraper der Ember, er isch eifach der Hammer und gseht mi Aeon eifach nur super uus: du hesch Filminfos, alles wird richtig beschriftet, zu Jedem Film wird under Aeon ds Plakat aazeigt etc. etc.
Es git FullHD Rips, wo im XBMC ruckled. Für das han ich aber e chliini Config gschriebe, wo verursacht, dass die Rips nüd im XBMC gstartet wärdet, sondern XBMC sich minimiert und der Mediaplayer HC gstartet wird. Funktioniert fantastisch!

Ds XBMC, frisch! Das Ding isch würklich guet worde. Schad hei sie d Entwicklig uf der alte Xbox igstellt.

Astroboy hat geschrieben:@Avenger: Isch kompliziert. I ha dr Media Player Classic i dr Home Cinema Edition vom Shark007,
und dr Zoom Player fingi ou no guet, hauptsach ffdshow louft mit. Ja nid dr VLC, dä isch crap. Und vo de CCCP-Codec-Pack chame eigentlech ou abrate.

Chan ig bestätige, VLC funktioniert bi mir au nid richtig. MPC mit em K-Lite Codec Pack lauft defür ohni Problem.

S'hett mr gloub z'Netzteil gschlisse - cha das si?
Dr Lüfter vo däm dräht uf Maximal, und regle chani wie gseit grad gar nüt.
Isch gloub irgend sones Antec EarthWatts-Netzteil, 430 Watt.

Uriel, söu no es sterchers nä, oder längt das: http://www.toppreise.ch/prod_190738.html?

Bzw: Was gits no für Lösigsaasätz? Wie gseit, die rästleche Komponente wärde überhoupt nid warm.

Astroboy hat geschrieben:S'hett mr gloub z'Netzteil gschlisse - cha das si?
Dr Lüfter vo däm dräht uf Maximal, und regle chani wie gseit grad gar nüt.
Isch gloub irgend sones Antec EarthWatts-Netzteil, 430 Watt.

Uriel, söu no es sterchers nä, oder längt das: http://www.toppreise.ch/prod_190738.html?

Bzw: Was gits no für Lösigsaasätz? Wie gseit, die rästleche Komponente wärde überhoupt nid warm.

Das mitem Netzteil chan sehr guet sii, wenn das der gross Lüfter isch, wot am aafang gmeint häsch. Mir isch nachemene "Sicherigeusehaue" au scho es Netzteil abgläge.

Das 430W Ding sötti eigentlich für en HTPC lange.
Ah ja: ich han jetzt mal mini USB2 Performance teschtet, und ich chratze a de 30Mb/sec. Ich glaub würklich, dass du dir d USB3 Feschtplatte chasch spare.

Bevor öppis bschtellsch: tue doch d Specs da ine. Sorry, ich han hüt und morn sehr wenig ziit für besseri antworte, han grad z viel ds tue.

http://www.digitec.ch/?wk=ry11rVpOdjw&view=product

Plus:
http://www.toppreise.ch/prod_190738.html?
Und dr AMD Athlon II X2 250, 3.0GHz, AM3, Dual-Core vom Uriel.

Fair, oder? Ufne externi USB 3.0 hani mau verzichtet, aber chani ja speter immer no choufe.

mir hets au s ganze mainboard gschlisse will ich unfähig bi gsi es neus Netzteil richtig azschliesse lol... jetzt isch wohl mainboard, cpu und s netzteil hinüber wills en churze gäh het.

weles sind lisligi Netzteil ? Be Quiet! sind glaubs no guet oder ? Die beweg sich so bi 10db ume bi 300W verbruch....

Ich han momentan bi mim PC es e quiet! Straight Power E7-700W 80plus Bronze verbaut.
Unglaublich liislig für die Leischtig wos het.

Für HTPCs tuets aber es 400-450W Netzteil. Ich han amigs Corsair verwendet, Antec isch aber au guet.

wie isch das mit motherboard wächsle und Windows 7 ? Han ghört bim 7i chönnt das ev. gah ohni en Neu installation. Es würdi eifach die neue Triiber sälber lade. Gaht das nur bi gliiche Chipsets oder liegt sogar en CPU Hersteller Wächsel drin ?

was giits uf Intel Siite verglichsbars mitem X2 ? Alles was höcher isch gaht wohl nüme under Silent PC was?