The(G)Forum

Isch mer grad in Sinn cho wegem "I spit on your grave".

Ich finde alli Slasher us de 70er und früeh 80er e Katastrophe (mit paar wenige uusnahme z.B. "New York Ripper"). Wie händ ihrs so mit dem?

Grad bi Slasher, bi de typischä us de 70er und 80er sowieso, isches halt so dass sie oft usschliesslich dur d Erwartig und Provokation, im Beschtäfall no chli dur Spannig oder Überraschig, läbäd... Und vor allem diä erschtä beidä Sachä sind halt sehr vom Kontext abhängig us dem diä Film dänn gluegt werded... und de Kontext us dem mer sie hüt luegt, isch halt ganz en anderä als de us dem sie entstandä sind und damals au gluegt wordä sind.
Aber au Spannig und Überraschig sind nach es paar bereits gluegte Slasher ebä au nur no schwierig z erreichä. Ich find drum au neui Slasher eigentlich zu sicher 90% nid lohnenswert zum Luege (mues ehrlicherwiis aber sägä dasi irgendwiä scho lang gar keini meh gseh han).

I de 70er und 80er heds ber natürlich au e sehr sehr grossi Trash Kultur geh, und es sind eifach au unmängä a miesä Film usäghauä wordä, und zwar zu jedem Filmkonzept wo eimol nur irgendwiä es bitzeli Erfolg gha hed, also nid nur zu de Slasher. Dementsprechend gits denn halt au viel miesi Bispiel. Öb diä damals als so viel besser wahrgno wordä sind als hüt, wagi z bezwiflä.

New York Ripper hed halt im Gägäsatz zu de amerikanischä Verträtter (lueg mol so öpis wiä Last Slumber Party oder Terror at Tenkiller :typej: das isch Trash jensits vo jeglichem Charme) ebä eigentlich en Giallo (au wenn einä vo denä womer ehnder richtig Slasher iteilä chan) und do lieged d Schwerpünkt halt oft scho no chli amene anderä Ort (au wenns tatsächlich au sehr viel übli Giallos gid), drum sind diä teilwies au chli Zitloser.
Persöndlich findi am New York Ripper aber eigentlich au nur würklich erwähnenswert dass de Killer i de dt. Synchro wiä de Donald Duck reded.

Isch zwar scho lang her sitisi gluegt han (weis nid wiäni si hüt wür gseh), aber was a typischä Slasher (also jetzt nid sehrig wo ehnder i ä "Kunscht" Spartä ghöred wiä z.B. The Driller Killer oder so), würi sägä dass am ehnschtä no diä vom William Lustig (Maniac, Maniac Cop, Uncle Sam) au Hüt no luegbar sii chöntet.

wemme über 70er jahr slasher film möcht urteile, hilfts no ziemli zersch die doku zluege: http://www.youtube.com/watch?v=xLcbgz1oJJs" onclick="window.open(this.href);return false;

vo wäge konteggscht.

die guete.

recht eifach und recht richtig.

wie isch Rosemaries Baby? cha mä guät luege, hüt zu tags?

ich ha dä (jaja wiä sovieles andere) na niä gseh.

zwirrlibatz hat geschrieben:wemme über 70er jahr slasher film möcht urteile, hilfts no ziemli zersch die doku zluege: http://www.youtube.com/watch?v=xLcbgz1oJJs" onclick="window.open(this.href);return false;

vo wäge konteggscht.

ja das hani scho gseh.
ich han früehner au alli die sasher gluegt und super gfunde. han grad letschti de antropophagus wieder "gseh". au wenn de film es stuck filmgschicht isch, das chasch bim beschte wille nüme luege.
zu dere ziit sind d'lüüt chotzend usem kino grennt, aber hüt vehebt das nüme.
sicher chan mer die hüt no luege wegem charme, aber die händ nüme die würkig wäge dere sie ursprünglich gmacht worde sind.

ah de cannibal holocaust isch aber z.B. au hüt immer no huere krass.

Skeletor hat geschrieben:wie isch Rosemaries Baby? cha mä guät luege, hüt zu tags?

ich ha dä (jaja wiä sovieles andere) na niä gseh.

de chasch au hüt no guet luege.

Planet of the Apes isch fantastisch galteret, mad max au. alles andere nöd.

es gitt huere viel guet galtereti. ha grad wölle lischte mache aber si ds viel.

emP hat geschrieben:es gitt huere viel guet galtereti. ha grad wölle lischte mache aber si ds viel.

d'frag isch, welli film altered guet. nöd welli sind guet g'altered.

h4xX0r hat geschrieben:d'frag isch, welli film altered guet.

das wo Du da schribsch isch 2 mal ds gliche. Frag doch eifach: Was macht en Film zitlos?

Ebe, effizient kommuniziere isch nid eso dis, gäll.

zeromeier hat geschrieben: alles andere nöd.

emP hat geschrieben:

h4xX0r hat geschrieben:d'frag isch, welli film altered guet.

das wo Du da schribsch isch 2 mal ds gliche. Frag doch eifach: Was macht en Film zitlos?

Ebe, effizient kommuniziere isch nid eso dis, gäll.

mitdenke langed au

Skeletor hat geschrieben:wie isch Rosemaries Baby? cha mä guät luege, hüt zu tags?

ja. isch super. de "don't look back" isch au so e perle us dere ziit. es gitt horrorfilms us dere ziit wo en ganz bestimmte vibe händ, wo die moderne nöd herebringed will sie zviel uf shock! und krass! mached und de horror an sich, sprich stimmung und pacing mitem turbo überfahret. mich langwiilet drum die.

h4xX0r hat geschrieben:

zwirrlibatz hat geschrieben:wemme über 70er jahr slasher film möcht urteile, hilfts no ziemli zersch die doku zluege: http://www.youtube.com/watch?v=xLcbgz1oJJs" onclick="window.open(this.href);return false;

vo wäge konteggscht.

ja das hani scho gseh.
ich han früehner au alli die sasher gluegt und super gfunde. han grad letschti de antropophagus wieder "gseh". au wenn de film es stuck filmgschicht isch, das chasch bim beschte wille nüme luege.
zu dere ziit sind d'lüüt chotzend usem kino grennt, aber hüt vehebt das nüme.
sicher chan mer die hüt no luege wegem charme, aber die händ nüme die würkig wäge dere sie ursprünglich gmacht worde sind.

ah de cannibal holocaust isch aber z.B. au hüt immer no huere krass.

das meini obe grad. du urteilsch offebar nur nach woawoakrassheit. de gore vo zbsp night of the living dead isch natürli pipifax gäge hüt. er isch trotzdem viel stimmiger als neui zombiefilms dur sin karge "realismus". schonume die erschte 15 minute sind sowas vo schauderlich fantastisch und sowas traut sich hüt gar niemert meh zmache wills eso nüme als beängstigend gilt. voll dumm. aber leider au wahr will sich vieli tatsächli dur gwohnheit langwiiled wenns nöd chlöpft und tätscht und darum nüme für de meischterlich gmachti horror empfänglich sind und das aber nöd will de inzwische öppe verbessert worde wäri wie einigi wohl drus use falsch schlüssed.

zwirrlibatz hat geschrieben:

Skeletor hat geschrieben:wie
ja. isch super. de "don't look back" isch au so e perle us dere ziit.

horror meinsch oder? als de don't look now denfall?

Isch halt schwierig ds säge. Mol sicher Filme wo es neus Thema behandle und asprechend si ufbereitet worde. Nimm z.B. der Airport us em 1970i. Damals e geile und beängstigende Katastrophefilm, aber hüt isch das nid meh als e Seifeopere mit Flugis. Die si guet galteret, während trashigi Filme halt uf ihrem Trash-Niveu au guet chöi altere. Die bruche aber nebst belustigende Spezialeffekte au belustigendi Modeerschiinige us der damalige Zit (alles in orange, karierti Kleider, Blondies mit Löwemähne, Schulterpolster und de no Zombies im Shoppingcenter).

d uusag dass alli 70/80er films schlächt galtered hend, isch gnau so tumm wie ds behaupte, dass es hüt kei gueti filme meh git.

O_O hat geschrieben:die guete.

Wahr!
Aber die wükli guete, nöd die womer im Kino ok gfunde und nach zwei Täg trotzdem wieder vergesse hett.

Tatsujin hat geschrieben:

zwirrlibatz hat geschrieben:

Skeletor hat geschrieben:wie
ja. isch super. de "don't look back" isch au so e perle us dere ziit.

horror meinsch oder? als de don't look now denfall?

last house on the left, the hills have eyes, friday 13th, halloween... all die craven/hooper/carpenters/cronenbergs etc händ nöd nur super galteret, sie sind au unerreicht und zwar vo de grüslige remakes bis hii zu de originale neue slasherhorrorwasimmerfilm. will die kei aspruch händ, sind nur wegwerfteeniekram wo's i de 50er scho gäh hett und sich niemert dra erinneret. uf das niveau isch es wieder zrugg. de erscht saw isch no früsch gsi will früschi idee und scream will moderne klassiker. aber susch de teenie slasher kram hüt. auweia. luegsch gschiider grad d'scary movies. die sind würkli no glatt.

a-movies wie ebe de rosemarie, alien (ok, de isch a-e-halb dank em bütsche) und de don't look now sind sowieso indiskutabel.

zwirrlibatz hat geschrieben:friday 13th, halloween.

grad ersch alli gluegt. weiss nid wie das früecher gsi isch, aber hüt isch es meh comedy.

das liit aber ebe nöd a de felms.

de roeg het so super sache gmacht. nüme normal isch.

de erscht evil dead isch au no super.
aber bi de meischte andere släsher händs halt d'lüüt vo de strass weg anezoge. dementsprechend isch au performance. -> lächerlich. dezue chömmed no die dumme frisure und die dumme chleider.