The(G)Forum

Ich möchti eu da gern mis Mini Arcade Cabinet vorstelle. Isch zwar nanig ganz fertig, aber doch scho relativ nöch am endi. Au wän mer d Afängerfehler gseht (vor allem bim Löte und Holz verarbeite) bini recht stolz druf.


Baue isches useme MD2 mit 6-Button Controller und em PSOne LCD Screen (RGB und Stereo Sound).
D Motivation dezue findet mer relativ liecht dezue im Netz. Zudem hani als Bürogummi eifach bock gah mal wider was z baschtle!

Da es paar hilfrichi Links dezue:
http://www.elotrolado.net/hilo_pocket-d ... ho_1088965
http://www.gamesx.com/avpinouts/genesisav.htm
http://www.retroleum.co.uk/electronics- ... -lcd-info/
http://moddedbybacteria.wordpress.com/m ... d-modding/



Als erschts hani de Monitor demontiert. Isch na relativ tricky gsi will d Schrube zum Teil under de Abdeckige vo de Lutsprecher versteckt sind



De het natürlich en erschte Test müese gmacht werde zum luege obi überhaupt söll afange



Für s Control Panel hani Seimitsu PS-14-DN Buttons und en LS-32-01 Seimitsu brucht. Da hani d Grössi uf mene Karton Panel usprobiert



Holzbau



S Control Panel nimmt Forme a




Verkablig am MD2. De Eifachheitshalber hani de Stecker nöd abglötet, sondern d Kabel direkt a di vorstehende Pins une dra glötet und de mit Holzlim grosszügig abdeckt



Alli Holzteili hani schwarz gsprützt



Und de mitem zämebau agfange




D Lutsprecher hend längeri Kabel brucht und hani de überem Control Panel iboue




Aschlüssend isch de LCD dri cho. S vordere Ghüs vom Monitor hani ebefalls schwarz gsprützt, de aber glich na es schwarzes Inlay gmacht und en Staubschutz



De MD2 isch uf de innesite vo de Rückwand, wo glichzit en Türe isch, gschrubet. Montiert ischer mit Platinefüessli vo Arcade PCBs.



Türe selber isch mit Scharnier agmacht und wird ine vomene Magnet zue ghebet. Zum öffne hets en chline Griff brucht



Wie scho gseit bini nöd grad en Experte im Löte, aber solangs funktioniert....



En erschte Testlauf vom Mini Cab



Das sind es paar Forme und Schemas womer ufzeichnet han





Die offene Pünkt sind jetzt na:
- Strom
- Schibe (Staubschutz) ersetze. Mer gseht sehr schlecht dure wän das hinde dra en gwüsse Abstand dezue het.
- Ev. Regler für Lutstärchi und Bildschirm Helligkeit
- Es het na es brumme uf de Lutsprecher
- Artwork (wobi ob das de jemals wird Stand cho...) inkl. Marquee

yeah! bisch voll kreativ wiiters so

Gseht doch guet us Manuel...!

Was au no fehlt esch en Marquee Belüchtig.
Plus dunkt mi das Marquee chli z'gross resp. hani s'Gfühl es schränkt de Blickwinkel vo obe rächt i.
Me muess met de Händ grad vorem Gsicht spiele...oder tüüsch ech mech do?

mastercello hat geschrieben:Gseht doch guet us Manual...!

Was au no fehlt esch en Marquee Belüchtig.
Plus dunkt mi das Marquee chli z'gross resp. hani s'Gfühl es schränkt de Blickwinkel vo obe rächt i.
Me muess met de Händ grad vorem Gsicht spiele...oder tüüsch ech mech do?

Bi de marquee belüchtig isches wie mit artwork: Wäri eigentlich super aber ich weiss nanig so recht wie

S marquee selber isch chli gross grate, aber mich störts bim spile nöd. Lüt wo grösser sind hend aber sicher ihri müe. Mues na luege wieni das am eifachschte chan behebe oder obi am beschte es neus Ghüs baue. D händ störed gar nöd

hammergeil!
sowas will ich in gross baue, für en Mame-PC!

Master(G) hat geschrieben:hammergeil!
sowas will ich in gross baue, für en Mame-PC!

da gits doch scho fertigi kits. en Candy isch aber geiler.

ich will nöd sones grosses möbel.
ich verbau en led-screen.
de neu mame hett scanline support, mit 16 verschiedne scanlines... chasch so istelle, dass es wie ufeme röhre usgseht. mega im fall! hätti nie dänkt!

geosnow hat geschrieben:

Master(G) hat geschrieben:hammergeil!
sowas will ich in gross baue, für en Mame-PC!

da gits doch scho fertigi kits. en Candy isch aber geiler.

und weli kits gits denn so?

http://www.mameroom.com/Products_kits.asp" onclick="window.open(this.href);return false;

eine vo villne.

http://www.gremlinsolutions.co.uk/cocktailcabkits.php" onclick="window.open(this.href);return false;

finds au frisch aber da mini thought:

lol, werum grad en MD?
de moni sitz chli ztüüf hinde, zfescht abdeckt irgendwie, muesch so ines loch hindere luege. wenn schrääg obenabe gamisch gsehsch ja nüt.
han au scho lang malso was vor, aber eventuell miteme saturn (mini outrun cab) oder PCE

meyerli, hesch dis aerocity no? hesch mal restauriert ?

Tatsujin hat geschrieben:finds au frisch aber da mini thought:

lol, werum grad en MD?
de moni sitz chli ztüüf hinde, zfescht abdeckt irgendwie, muesch so ines loch hindere luege. wenn schrääg obenabe gamisch gsehsch ja nüt.
han au scho lang malso was vor, aber eventuell miteme saturn (mini outrun cab) oder PCE

Willi na en hufe md spil dehei han und isch mer zum ma probiere was baschtle grad recht cho. Bim monitor woti scho nachli was ändere, bin mer nur na unschlüssig wie am beschte.

turntablism hat geschrieben:meyerli, hesch dis aerocity no? hesch mal restauriert ?

Ja, hani natürlich na

Restauriert bisher nöd, eifach aständig useputzt und es neus cp mit mene credit button druf ta.

s geile ade aeros isch, dasses in japan no viel panels däfür git. a mim candy bini ewigs am baschtle. de 2K-chläber hät denn nöd ghebed. jetzt hanni s panel und d halterplatte nomal müese abschliife. irgendwiä gail, aber chli nervend.

geosnow hat geschrieben:s geile ade aeros isch, dasses in japan no viel panels däfür git. a mim candy bini ewigs am baschtle. de 2K-chläber hät denn nöd ghebed. jetzt hanni s panel und d halterplatte nomal müese abschliife. irgendwiä gail, aber chli nervend.

jap, a cabs baschtle isch eifach super. es chan immer wider abgheie, aber mer chan amene candy cab eifach nöd bös si

Huere Super isches

drum chunsch au nöd zum spiele. muesch immer meche.

geosnow hat geschrieben:drum chunsch au nöd zum spiele. muesch immer meche.

Es macht aber au gnau so spass

ja EH.

geosnow hat geschrieben:ja EH.

:ha:

Ich finds rächt super das sovill Bastelbegeistereti i Eusem Arcadefoeum hocked

Megageil. Congrats. Wuerdi au gern mal mache doch mir fehlt eifach ziit fuer so es projekt.

Würd aber definitiv es candy cab mache

Marco_in_motion hat geschrieben:

geosnow hat geschrieben:ja EH.

:ha:

Ich finds rächt super das sovill Bastelbegeistereti i Eusem Arcadefoeum hocked

Ich au super!

danke


kennt sich öper mit lutsprecher us? bringe das brumme nöd weg, aber es isch nur de rechti lutsprecher devo betroffe

so hani tested:
- lutsprecher underenand ustuscht -> isch immer na de rechts betroffe, sprich es lit nöd am lutsprecher selber
- alli kabel abghenkt und psone aghenkt -> iwandfreie ton ohni brumme
- alles neu verlötet -> brumme ufem rechte lutsprecher
- kabel für audio rechts vom md trennt -> kei veränderig vom brumme
- kabel für audio rechts vom psone lcd trennt -> immer na brumme ufem rechte lutsprecher

woher chönti das na cho??
hans bisher nöd de md am tv tested willi nur es standardkabel mit mono han, und das weti eigentlich nöd so am mini cab ahenke.

kanäl R/L switche, dänn häsch s'brumme links?

sorry, kei ahnig hani hehe

Shadow hat geschrieben:kanäl R/L switche, dänn häsch s'brumme links?

sorry, kei ahnig hani hehe

nei, de isches immer na rechts