The(G)Forum

s'beschte wo ich sit langem über euses hobby gläse han:

http://www.edge-online.com/opinion/dumb ... rock-music" onclick="window.open(this.href);return false;

:spieli müend erwachse werde:
:dasch nöd dumms buebenerdzüg sondern die neu konscht im 21. jahrhundert:
:peng peng spieli lehred eus strategischs dänke:

da namal öppis guets:

http://www.gamespot.com/features/gamepl ... y-6380559/" onclick="window.open(this.href);return false;

dummi spieli, nöd grad wenig giz.

http://www.escapistmagazine.com/videos/ ... nder-Games" onclick="window.open(this.href);return false;

ds einte oder andere darf sich also durchuus verbessere
Und als kunst würdi ds meiste sicher nid bezeichne.

à propos dummi games, dr Braid-macher findet dass die meiste games dumm sind: http://www.theatlantic.com/magazine/arc ... amer/8928/" onclick="window.open(this.href);return false;

e spezielle kerli. het aber o nid mit allem unrecht.

Sylvara hat geschrieben:e spezielle kerli. het aber o nid mit allem unrecht.

Er schlaht eifach i die glichi Kerbe wie de David Cage:
a) Gross go klage, dass fascht alli Videospieli debil sind...
b) ...sich sälber dänn als de grossi "Auteur"-Pionier produziere, wo Aspruch, Intellektualität und Kunscht i s'Medium Videospieli bringt...
c) ...tummerwiis da dra scheitere, dass de eigeni "intellektuelli" Gägeentwurf nöd über Poesiealbumniveau usechunt...
...und d) das in ere für so Fäll typische totale Sälbstverbländig natürlich überhaupt nöd wahrnäh (was dur die Hype-afälligi Präss, wo konsequenterwiis so Hagiographie wie die uf em Link verfasst, natürlich nume no gförderet wird - also eigentlich nüt anders als die Vorgäng, wo me im Kunstmärt scho sitt Ewigkeite kännt).

Fallt churz gseit i d'Kategorie artsy-fartsy. Oder Neudüütsch: Hippiekacke.

Das heisst natürlich nöd, dass s'andere Extrem - die hirnverbrännte Michael Bay-Spieli - die besseri Alternative darstelled, aber das isch halt immer s'Problem vo dene viel z'eifache schwarz/wiis-Darstellige. Die ganz Gschicht sött me nöd eifach als e Wahl zwüsched Michael Bay oder pseudokünstlerischer Hippiekacke à la Braid und Heavy Rain aluege. Das wird ja nume scho dur d'Tatsach beleit, dass beidi Asätz i.d.R. Spieli produziered, wo uf ihri eigeni Art unriif sind.

S'Ideal sind ja ebe dänn doch die Entwickler, wo en Art Spagat schaffed: Spieldesigner, wo einersiits i dem Sinn "erwachse" sind, dass sie mit eme höche Aspruch a ihren Job anegönd, dass sie ihres Handwerk meischterhaft beherrsched und das au mit eme gwüsse Stolz usüebed, anderersiits sich aber glich nöd z'ernst nähmed, es Bewusstsii für d'Absurdität vo dem wo sie mached bhaltet und nach wie vor en usgeprägte, gsunde Sinn für "teh LULZ" händ. Das isch wahri Meischterschaft. Und da landet me dänn halt eifach wieder bim Shigeru Miyamoto, wo de Typ Spieldesigner eifach besser als alli andere personifiziert. Also effektiv alles Schnee vo Geschter.

eifach chli fönn ha

UNREAL

Gurgelhals hat geschrieben: S'Ideal sind ja ebe dänn doch die Entwickler, wo en Art Spagat schaffed: Spieldesigner, wo einersiits i dem Sinn "erwachse" sind, dass sie mit eme höche Aspruch a ihren Job anegönd, dass sie ihres Handwerk meischterhaft beherrsched und das au mit eme gwüsse Stolz usüebed, anderersiits sich aber glich nöd z'ernst nähmed, es Bewusstsii für d'Absurdität vo dem wo sie mached bhaltet und nach wie vor en usgeprägte, gsunde Sinn für "teh LULZ" händ. Das isch wahri Meischterschaft. Und da landet me dänn halt eifach wieder bim Shigeru Miyamoto, wo de Typ Spieldesigner eifach besser als alli andere personifiziert. Also effektiv alles Schnee vo Geschter.

etz hani gad welä säge dasses so entwickler ja gar nöd git... aber bim shiggy no am eheste...

wobi er wohl au nöd so viel usmacht. also zelda majoras mask isch ohni ihn produziert worde und keis bitzeli schlechter als di andere mit ihm. (stimmt das?)

da gahts wohl eher umd philosophie vom unternehme. und nintendo sind halt di einzige wo nonig vergesse händ dasses bi spiel eigentlich ums "spiele" gaht und nöd um irgendwelchi ego-kompensatione.

so isches, es sind immer no spieli: keis passivs medium.

Gurgelhals hat geschrieben:a) b) c)

das isch eso. ich bin eh garkei Braid fan, ich ha die ganze text und dr main character extrem nervig gfunde.
er macht aber dert, wo er allgemeins aaspricht, ebe o gueti pünkt;
- zb. die grundsätzlichi fraag nach narrative und story-driven gaming
- ds in fraag stelle vo triviale lever-revard konzept
- ds problem vo developer kreativität vs. big business und aktionäre

er isch e recht unsympathischi figur, aber was er sozäge im alleigang gschafft het spricht gliich vo viel hingaab und konsequenz.

De Shiggy isch au meh eifach die Person, wo das Prinzip sehr aschaulich uf de Punkt bringt. Er isch einersiits en spinnige Willie Wonka - de luschtigi Videospielonkel, wo sich so grotesks Züügs wie Mario und Pikmin usdänkt. Aber glichziitig weiss me vo ihm ja au, dass er sehr en stränge Scheff isch, wo ganz klari Vorstellige vo guetem Gamedesign hätt und die au konsequent und mit ere grosse Ernsthaftigkeit verfolgt. Siehe das da:



Aber es gitt sicher en ganze Huufe vo dene (so wie's ja au jensiits vom Shiggy und vo Nintendo meh als gnueg Spieli gitt, wo de Spagat schaffed). Nume kännt me die wohl nöd eso guet. Sind wahrschinlich mehrheitlich au nöd eso Profilneurotiker. "Ego-Kompensation" trifft's ja da no guet. Will det träffed sich schliesslich d'Dudebro- und d'Hippiekacke-Fraktion

Sylvara hat geschrieben:das isch eso. ich bin eh garkei Braid fan, ich ha die ganze text und dr main character extrem nervig gfunde.
er macht aber dert, wo er allgemeins aaspricht, ebe o gueti pünkt;
- zb. die grundsätzlichi fraag nach narrative und story-driven gaming
- ds in fraag stelle vo triviale lever-revard konzept
- ds problem vo developer kreativität vs. big business und aktionäre

er isch e recht unsympathischi figur, aber was er sozäge im alleigang gschafft het spricht gliich vo viel hingaab und konsequenz.

So gsehn ich's eigentlich au. Ich find Braid durchuus es interessants Spieli - jedefalls was s'Gameplay betrifft. Da gitt's einigi gueti Asätz, wo anderi Spieldesigner au chönnted devo lärne.

Aber de ganzi Bullshit drumume - im Spiel sälber mit de Poesiealbum-Prosa und um s'Spiel ume mit em Blow und sim ganze "je suis un artiste"-Getue und de Präss, wo ihn zum Retter vor de Dudebro-Shooter-Monokultur ufestilisiert - schliift extrem a de Eier.

MAX PAYNE 3

was hänslein nicht lernt, lernt hans nimmermehr