The(G)Forum

Abtrugg since 1999
https://www.thegforum.ch/

Fine Dining, Gault Millau, Guide Michelin, Redzepi

https://www.thegforum.ch/viewtopic.php?t=4916

Seite 1 von 1

Fine Dining, Gault Millau, Guide Michelin, Redzepi

Verfasst: 08 Mai 2012 23:59
von Sephi
So, Zit fürnes unger Umständ kontroverses Topic, will total elitär, artsy fartsy, high-brow, schischi und überhaupt sehr snobbish. Hie inne gohts um kulinarischi Uszeichnige, die agäblech "beschte" Chöch vor Wäut, experimentelli und Molekularchuchi, fine dining, etc. etc.

Zwöi Arte vo Kommentär si i somene Topic bsungers längwilig drum düemerse grad am Afang usem Wäg ruume:

1. Omg, wie dumm, 200 Stutz für Ässe usgäh :typej: / für 20 Stutz chani fett und huere fein go frässe, wieso auso meh usgä.

2. Lulz, lieber öppis aständigs ässe als paar äschtli und zweige ufem Täller zumene übertüürete Priis.

So, jetz womer das usem Wäg gruumt hei chas losgoh. Weles si die höchscht uszeichnete Restaurants wo dir bsuecht heit und sisi e Bsuech/ihri Stärne wärt? Oder si kulinarischi Uszeichnige sowieso völlig überbewärtet und willkürlech? Gits Chöch wo dir für ihri Originalität/Vision bewunderet?

Für mi isch Ässe eine vo de wenige Beriiche wos mi nid röit ou mau bitz meh Stutz uszgäh. Logisch eigentlech - wieso 99 Stutz fürnes Videoschpiu usgäh und denn bi feinem Ässe spare. Derbii isch klar dass fantastisches ässe ou ganz einfach und unprätentiös cha si - aber bi fine dining gohts jo meischtens ou bitz um d Experience.

Re: Fine Dining, Gault Millau, Guide Michelin, Redzepi

Verfasst: 09 Mai 2012 00:00
von Sephi
Da mau der René Redzepi bir Arbeit - Noma, definitiv eis vo mine Ziel mau döt go z ässe.

http://www.youtube.com/watch?v=wqDaZsgR5zg" onclick="window.open(this.href);return false;

Re: Fine Dining, Gault Millau, Guide Michelin, Redzepi

Verfasst: 09 Mai 2012 00:02
von Sephi
Da no der Anthony Bourdain z'bsuech bim Godfather vor Molekularchuchi, em Ferran Adrià (El Bulli, ehemals s agäblech beschte Restaurant vor Wält).

http://www.youtube.com/watch?v=Kjy74M84A5o" onclick="window.open(this.href);return false;

Isch nur der dritt Teil, wärs Interessiert sött unbedingt die ganzi Foug luege. Es isch scho nur spassig am Ferran Adrià zuezluege wiener vor Fröid a sine eigete Gricht fasch explodiert. :-D

Da no en älteri Doku vom Bourdain zu El Bulli:

http://www.youtube.com/watch?v=fO5LH7zGaMw" onclick="window.open(this.href);return false;

Re: Fine Dining, Gault Millau, Guide Michelin, Redzepi

Verfasst: 09 Mai 2012 00:28
von Sylvara
i bi öfters bi stefs.ch in züri gsi, allerdings will die beide kollege sind.
er het 13 oder 14 GM stern und isch 'billig' für das....chasch mit 120-. locker 4 gäng und ds trinke ha (nid alk).

i ha nach paarmal denn aber o müesse säge, dassi mir sowas nid regelmässig cha oder wott leiste. einisch im jahr okay, aber süsch chochi selber eifach zu gern und o zu guet. :-D selber früsch choche isch herrlich und ds beste isch simpel. das seit dr Stef allerdings selber o , er isch aber als choch o herrlich unprätentiös obschon so guet.

Re: Fine Dining, Gault Millau, Guide Michelin, Redzepi

Verfasst: 09 Mai 2012 01:16
von Sephi
Sylvara hat geschrieben: i ha nach paarmal denn aber o müesse säge, dassi mir sowas nid regelmässig cha oder wott leiste. einisch im jahr okay, aber süsch chochi selber eifach zu gern und o zu guet. :-D selber früsch choche isch herrlich und ds beste isch simpel. das seit dr Stef allerdings selber o , er isch aber als choch o herrlich unprätentiös obschon so guet.
"Früsch" und "simpel" findi allgemein sehr e gueti Richtlinie was alli Arte vo Ässe abelangt. Und trotzdäm findi d Chuchi vomene Noma oder El Bulli, jetz wonimi bitz igläse/gluegt ha, lang nümme so prätentiös wienimer das ahand vo de komplizierte und experimentelle Zuebereitigsarte vorgstellt ha. Ich han meh s Gfüehl dass bimene René Redzepi es durchuus ehrlechs Besträbe vorhande isch, usem Eigegschmack vo de Zuetate s allerbeschte usezhole und z ungerstriche. Die komplexe Technike und Präsentatione diene nur däm Ziel. Also bitz komplizierteri Konzept und unprätentiöses Ässe schliesse sech für mi mittlerwile nümme uus. Wenns mit Fröid zuebereitet isch und gschmacklech ufgoht, wieso ou nid.

Ir schwiz würdi gärn mau zum Wiesner go ässe (http://www.stefanwiesner.ch/index.html" onclick="window.open(this.href);return false;)
Schloss Schauenstein nimmtmi bitz weniger wunder, aber würd gärn wüsse obs de vile Priise wos becho het grächt wird.

Re: Fine Dining, Gault Millau, Guide Michelin, Redzepi

Verfasst: 09 Mai 2012 07:58
von emP
Omg, wie dumm, 200 Stutz für Ässe usgäh, lieber öppis aständigs ässe als paar äschtli und zweige ufem Täller zumene übertüürete Priis.

:vortex:


In der Tat hani tatsächlich nid unigschränkt Freud a so züüg. Emmel wennis selber muess zahle. Aber lah liade tueni mi natürlich scho gern. :mrgreen: und ebe, mi müessti (chönne) differenziere. Isch sehr viel (mängisch sogar offesichtlichi) schuumschlägerei derbi. Allerdings fehlt mer d'Erfahrig (maximal 3 Mal so Esse im Jahr längt da vermuetlich nid) um e würklich sinnvolle Bitrag zu dem Topic ds leischte.

Zum Bumann möchti mal. Ig finde ihn e recht geile Siech

http://www.chesapirani.ch/" onclick="window.open(this.href);return false;

Re: Fine Dining, Gault Millau, Guide Michelin, Redzepi

Verfasst: 09 Mai 2012 08:14
von derinderinderinderin
Mir chönnte ja zäme irgendwo fein go esse und denn bewerte.

Re: Fine Dining, Gault Millau, Guide Michelin, Redzepi

Verfasst: 09 Mai 2012 08:15
von emP
derinderinderinderin hat geschrieben:Mir chönnte ja zäme irgendwo fein go esse und denn bewerte.

en sushler sötte dr sephen und ig mal gah ässe. für e lachs/thon tescht.

Re: Fine Dining, Gault Millau, Guide Michelin, Redzepi

Verfasst: 09 Mai 2012 08:16
von emP
Momentan ist BUMANNS CHESA PIRANI mit 18 GaultMillau Punkten sowie 2 Sternen im Guide Rouge Michelin bewertet.

Re: Fine Dining, Gault Millau, Guide Michelin, Redzepi

Verfasst: 09 Mai 2012 08:27
von derinderinderinderin
emP hat geschrieben:
derinderinderinderin hat geschrieben:Mir chönnte ja zäme irgendwo fein go esse und denn bewerte.

en sushler sötte dr sephen und ig mal gah ässe. für e lachs/thon tescht.
ig chäm gern mit go lulzle

Re: Fine Dining, Gault Millau, Guide Michelin, Redzepi

Verfasst: 09 Mai 2012 08:33
von emP
mir chönte mal über mittag. im Mai hani no zyt. Chli am uspendle bini ir momentane Stell... Ig wür Markthalle vorschlah.

Re: Fine Dining, Gault Millau, Guide Michelin, Redzepi

Verfasst: 09 Mai 2012 09:29
von Tatsujin
emP hat geschrieben: für e lachs/thon tescht.
was etz, öb mer bim blindtescht nun en unterschied merkt oder nöd? :groel:

Re: Fine Dining, Gault Millau, Guide Michelin, Redzepi

Verfasst: 09 Mai 2012 09:43
von emP
genau

Re: Fine Dining, Gault Millau, Guide Michelin, Redzepi

Verfasst: 09 Mai 2012 10:00
von evo
s tüürscht ässe woni je gha ha isch glaub 90.- füre fondue chinoise in zermatt gsi. a discretion mit locker 10 verschidene fleisch und fisch sorte, 500 saucene und jegli erdänklich biilag. wär mir sälber türli nie in sinn gho aber isch e geburtstag gsi vomne madame. s eint oder ander wiehnachts ässe mim gschäft könnt no tüürer gsi sih, aber das hani jo nit sälber zahlt.

Re: Fine Dining, Gault Millau, Guide Michelin, Redzepi

Verfasst: 09 Mai 2012 10:49
von h4xX0r
ich bin mit em frendler da gsi:
http://www.wiget-adelboden.ch/" onclick="window.open(this.href);return false;

18 GM, 2 MS

isch recht super gsi, nöd nur s'esse sondern de ganz style. ich han sogar fisch g'esse dete, wo ich suscht chotze devo.
4.5 Stund hämmer gässe, 225 frengg pro person (ohni wii)

müsst jetzt nöd jedi wuche gah, aber so 1x pro jahr wär scho no super.

ui e neui page händs. und priis e au aapasst. isch chli billiger jetzt

Re: Fine Dining, Gault Millau, Guide Michelin, Redzepi

Verfasst: 09 Mai 2012 11:47
von zwirrlibatz
http://www.restaurantpflug.com/" onclick="window.open(this.href);return false;

Re: Fine Dining, Gault Millau, Guide Michelin, Redzepi

Verfasst: 09 Mai 2012 14:14
von der_blubb
http://www.hotel-hasenberg.ch/start.html" onclick="window.open(this.href);return false;

mis tüürschte ässe woni je gha ha (ca. 300.- eier pro person). e 10 gänger mit wagyu beef. die händ döt e japanische choch wo d kaiseki (kaiserlichi) chochkunscht beherrscht (vo dene git's schins nid so vill uf de wält wo das dörfe mache). sau fein gsi! kei ahnig ob und wievill pünkt das gha het

Re: Fine Dining, Gault Millau, Guide Michelin, Redzepi

Verfasst: 09 Mai 2012 17:12
von O_O
der_blubb hat geschrieben:http://www.hotel-hasenberg.ch/start.htmlkei ahnig ob und wievill pünkt das gha het
so öppis würde si natürlich nid uf de website poste. isch gehobene standard, weisch bescheideheit und so.

Re: Fine Dining, Gault Millau, Guide Michelin, Redzepi

Verfasst: 09 Mai 2012 22:00
von Sephi
emP hat geschrieben:mir chönte mal über mittag. im Mai hani no zyt. Chli am uspendle bini ir momentane Stell... Ig wür Markthalle vorschlah.
Sofort debii, ab is Kabuki, allerdings ersch abem 26. Mai. Lachs vs Thun isch aber würklech en Witz, merksch sofort e Ungerschied- müesstisch wennschon vermüesle/es Tartar drus mache, damit d Textur wäg bechunnsch.

Ah es witers Troumziel vo mir: "Sala of Tokyo" in Züri. Isch ja glaubs mit Abstand de bescht Japaner ir Schwiz und evtl. eine vo de bessere in Europa. 16 Gault Millau.

Wär übrigens ou mou bimene Fore-Usflug süsch nöime häre debii - Gourmet-Usflüg immer gärn :sabber: .

Re: Fine Dining, Gault Millau, Guide Michelin, Redzepi

Verfasst: 09 Mai 2012 22:09
von Sephi
der_blubb hat geschrieben:wo d kaiseki (kaiserlichi) chochkunscht beherrscht (vo dene git's schins nid so vill uf de wält wo das dörfe mache).
Het weniger mit dörfe als mit chönne ztüe :-D Und isch halt eifach e Usbildig wos glaub nur in Japan git. Im Sala of Tokyo z Züri chasch ou Kaiseki ässle. Machemer Forums-Usflug?

http://www.sala-of-tokyo.ch/" onclick="window.open(this.href);return false;

S nöchschtmol weni z Japan bi wotti zum Narisawa - ganz e kaputte Typ, isch ou immer i der Top 50 vo de beschte Restaurants Wältwit drinne:

Koordinierts Chaos ufem Täller: http://www.youtube.com/watch?v=2wYMITewZMk" onclick="window.open(this.href);return false;

Re: Fine Dining, Gault Millau, Guide Michelin, Redzepi

Verfasst: 10 Mai 2012 07:00
von emP
Sephi hat geschrieben: Lachs vs Thun isch aber würklech en Witz, merksch sofort e Ungerschied- müesstisch wennschon vermüesle/es Tartar drus mache, damit d Textur wäg bechunnsch.
dasch ebe genau problem! Wahr.

Re: Fine Dining, Gault Millau, Guide Michelin, Redzepi

Verfasst: 10 Mai 2012 09:17
von Tatsujin
Und au denn sinds no vonenand enrfernt wie en oepfel zunere birre. Mindischtens.

Re: Fine Dining, Gault Millau, Guide Michelin, Redzepi

Verfasst: 10 Mai 2012 09:30
von ritschi
fine dine

Re: Fine Dining, Gault Millau, Guide Michelin, Redzepi

Verfasst: 10 Mai 2012 15:18
von Sephi
Tatsujin hat geschrieben:Und au denn sinds no vonenand enrfernt wie en oepfel zunere birre. Mindischtens.
Hani ou s Gfüehl, chamer ou nid vorstöue dass der s Hirni da en Streich cha spile wenn viu Lachs/Thun gässe hesch. Egal, ou ohni Gschmacksnärve-Test mau ins Kabuken. Chunnsch ou Tatsel?

Re: Fine Dining, Gault Millau, Guide Michelin, Redzepi

Verfasst: 12 Mai 2012 23:31
von Sephi
Der Jordi Roca, irgendwie macht är mir angscht :lol:


Quelle
Alle Zeiten sind UTC
Seite 1 von 1

Powered by phpBB® Forum Software © phpBB Limited

Deutsche Übersetzung durch phpBB.de