The(G)Forum

In Amerika gits momentan en riese Hype um vo Uftragskünschtler designti Poster (Isch sogar e Fium zum Thema usecho).

Mondo befinde sech meh oder weniger am Chopf vo dere Entwicklig und bringe unfassbar tolli Poster use, wonimer am liebschte jedes einzelne würd gauffe (S Ghibli Poster vo Olly Moss isch ou vo Mondo veröffentlecht worde). Problem ar Sach: Meischtens si d Uflage brutal limitiert, der Server isch überlaschtet sobald es tolls Poster usechunnt und me cha sech nur mit gwaltigem Glück eis sichere.

Bsungers hässig machtsmi dass hüt nach 1 Minute das dohie zu 13 Assassins usverchouft isch gsi (und d Tatsach dass, während ig die Wort schribe, dusse e Guggemusig afoht spile):



Hät extrem gärn eis gha. Jetz blibt nur Ebay zu übertüürete priise (heisech sofort verdrüüfacht wenigi Minute nach Release). Oder d Hoffnig ufne Highres-Variante füre Eigedruck. Schad. Da no es tolls vom Olly Moss zur Black Widow (Avengers):



Und hie s ganze Mondo Archiv vo de Poster wosi verchouft hei:

http://www.mondoarchive.com/" onclick="window.open(this.href);return false;

Weisch grad, wie das mer an High Res Versione vo de Star Wars Plakat vom Moss härechunnt?

Nope sorry, leider kei Ahnig, bzw. nid vil Hoffnig. Sorry, ha der denn im andere Topic gar nid uf das gantwortet.
Dass s Ghibli irgendwie in höcher Uflösig sin Wäg is Netz gfunge het isch glaub reine Zuefall gsi. Vom Moss findeni beschtefalls das do:

http://shaunalexandersims.files.wordpre ... rwarsf.jpg" onclick="window.open(this.href);return false;

Würd evtl. länge wenns diräkt so als Drüfach-Miniposter wosch lo drucke, aber nid meh

die rückt er ja logischerwiis nid use.

O_O hat geschrieben:die rückt er ja logischerwiis nid use.

I verstoh d Besorgnis dass fakes i Umlouf brocht wärde und Lüt Stutz demit mache - aber für d Fans wo sowieso ke Chance me hei sech eis uf offiziellem Wäg z choufe wärs äbe scho toll. Und bi de Ghibli Posters isch das ja us irgendeme Grund effektiv der Fall gsi.

ja aber das stiigeret de wärt ja no meh. machts exklusiv.

Mondo isch sehr sehr geil, ja!

sammlisch au?

YESSSS! Doch no eis vo 120 Exemplar becho



*fröid*

i kondoliere

O_O hat geschrieben:i kondoliere

O_O hat geschrieben:i kondoliere

Niemer seit das! NIEMER!

Sephi hat geschrieben:

O_O hat geschrieben:i kondoliere

Niemer seit das! NIEMER!

Ich han das au scho gseit.. Wie tuesches Du denn uustrückä
Es tuet mir sehr leid das din Vater/Sepp/Namä vom Verstoribngä gestorbä isch.. - klar au en möglichkeit.. Nur ische so, das denn allefalls Wort/Namä vor verstorbnä fallt, dAghörigä grad in Tränä uusbräched!!! Darum, ich kondolierä isch no moderat und en gueti Wahl....

agestuffer

kei ahnig was mr seit. mis bileid?

Ich find "kondoliere" isch so bitz en leeri Worthülse - höchschtens bi Lüt wod nur um 7 Egge kännsch, und au denn findi "miis Biileid" oder vo mir us "miis tüüfe Mitgfühl" oder sowas besser. Aber anschinend gits würklech Lüt wo eifach nur "kondoliere". Au okay und sicher en easy way out - i ha zum Bispiu immer huere Müeh uf Beärdigunge passendi Wort z finge. Bitte es Truurfiire/Beerdigunge/Kondolenz-Subforum uftue.

Sephi hat geschrieben:Ich find "kondoliere" isch so bitz en leeri Worthülse - höchschtens bi Lüt wod nur um 7 Egge kännsch, und au denn findi "miis Biileid" oder vo mir us "miis tüüfe Mitgfühl" oder sowas besser. Aber anschinend gits würklech Lüt wo eifach nur "kondoliere". Au okay und sicher en easy way out - i ha zum Bispiu immer huere Müeh uf Beärdigunge passendi Wort z finge. Bitte es Truurfiire/Beerdigunge/Kondolenz-Subforum uftue.

Ich weiss nüd, öb das die aagmesseni Gangart isch; ich bin sehr beidruckt gsi, vo de Truurreed vom Max Frisch an Peter Noll. Leider han sie grad Online niene gfunde, isch aber e zimli beidruckendi Sach.

Uriel hat geschrieben: Ich weiss nüd, öb das die aagmesseni Gangart isch;

Was jetz?

Sephi hat geschrieben:

Uriel hat geschrieben: Ich weiss nüd, öb das die aagmesseni Gangart isch;

Was jetz?

Da fählt en Teilsatz:
«öb das die aagmesseni Gangart isch; sich an bereits bestehendi Truurredene aadslehne.»

Achso! Ja dänn machts Sinn. Hättmi jetz auno Wunder gnoh die Max Frisch Red, aber has uf ahieb ou nid gfunge.

Da au nomol:

Verchaufe es original "Better Caul Saul" Poster us der breakinggifs Kampagne! Nur 300 Stück si produziert worde und dervo nur 200 verchauft - isch relativ bald usverchauft gsi. Hie inne zum Originalpriis wenns eine wott, nix profit. D.h. ca. 50 Dollar + 20 oder 30 Porto (chan der genau priis säge sobalds acho isch). Öpper Inträsse? Verchaufe nur will ich nachem Chauf unerwartet no s 13 Assassins Poster becho ha.

wosch nid, tats?

nei danke, mis gfallt mer besser

I gumpe usem Fäischter. Uf der San Diego Comic Con verchouft worde: Mononoke vom Olly Moss.





Wott das Gad instantly für 500 Dollar uf Ebay...

De Totoro isch besser und hängt jetzt bi mir

Aber de Samurai