Ich han leider im Moment grad ke Ziit, Dir en PC zäme ds stelle, aber nur 1,2 Aamerkige:
Sit es paar Jahre gits Schnittstelle, wo ermögliched, dass Programm d Recheleischtig vo Diner Grafikcharte ebefalls nutzed. Unter Mac OS übernimmt die Uusnutzig ds Betriebssystem sälber (genauer gseid
OpenCL). Achntung, das isch nüd das gliich we Open
GL
Unter Windows gsehts leider anderscht uuus und wil Microsoft nüüt gmacht het, händ d Grafikchartehersteller eifach sälber öppis implementiert. Bi NVIDIA heisst die Technologie
CUDA.
Warum verzell ich dir das Ganzi?
After Effects CS 5 und CS 6 unter Windows isch an CUDA aabunde
(Klick).
Das neuschte After Effects CS 6 isch nur unter Mac OS an OpenCL aabunde.
Klick
Lass di nüd dur so komischi Infografike verwirre, wo dir vorgauklet, dass jetzt au Radeon Grafikcharte vo After Effects uusgnutzt wärded, um d Sache schnäller ds rendere. Es stimmt nämli nüd.
Achtung, es chunnt no besser: Adobe understützt nur e chliini Gruppe vo NVIDIA Grafikcharte überhaupt mit CUDA
obwohl die Charte CUDA understützed.
Du muesch After Effects dur en Superhack überlischte, wenn dini Grafikcharte nüd i dere Lischte isch, denn lauft CUDA trotzdem
klick. Dr «Hack» isch sowas vo unglaublich: eifach ine Textdatei dr Name vo diner Grafikcharte schriibe.
Derzue chunnt, dass neueri NVIDIA Chips (so wed d GTX 680) künschtlich beschnitte worde sind, damit NVIDIA ires Quattro Segment chan am Läbe erhalte
Klick
->> die ganz Sach isch e chli e «Mess».
Was aber unglaublich isch, isch die Dreistigkeit vo Adobe: es git
ken Grund, e Lischte ds Implementiere, wo NVIDIA Grafikcharte usgränzt,
obwohl sie CUDA understützed.
Bi sertige Sache chasch nur hoffe, dass d Adobe Manager sich bald chänd en neue Job sueche.
Fazit: Dr PC vom Link het e AMD Grafikcharte, was schu mal schlächter isch als e NVIDIA, für Dini Zwäck.
Je nach dem, we Ernscht dir die ganz Sach isch (resp. under welem Ziitdruck dass liide wirsch), lohnt sich d Aaschaffig vonere professionelle NVIDIA Quattro Grafikcharte.
Mit e chli Glück, chasch e X beliebigi NVIDIA Grafikcharte nee und dr Name vo de Charte i die CUDA Lischte ine schriibe, um d Performance vo de Grafikcharte ds übercho.
