The(G)Forum

hesch im jugendliche liechtsinn sicher au einiges a seich gmacht....verzell dini story

Ou jesses... Mal ame Schuelsilvester hämmer eusem alte Nachber (Gott habe Ihn seelig) all Euse Frust für sini terroristischi Art Nachber z'si, useglah. bzw. a sim Briefchaste.
Somit hämmer Eus alle Chatzegaggi und sustigi Huustierexkrement wo available gsi isch mit Robidogsäckli gsammlet und sin Briefchaste vo inne neu uuskleidet.
Das isch Eus dänn zwenig Action gsi und so hämmer dä Briefchaste no i d'Luft gsprängt. Dä Polizist hät es paar Täg später mine (und dä anderne ihre) Eltere gseit dases uf Video ufgnoh isch. d'Versicherig hät natürlich nöd zahlt, mir sind huere drah cho etc...

lol? uf video uufzeichnet vor 20+ jahr? kain schaiss?

min kolleg markus het immer gseit er isch am wuchenend mit em auto vo sim vatter go umäfahre, schlüssel klaut und ab uf d strass…ich han em immer gseit er segi en huere tubel sonen seich go mache, ohni prüefig fahrt mer nöd !
er isch sicher 5 – 10 mal go fahre und het immer glück gha. eines abends simmer im reschtaurant am vodka orange suufe gsi, (17 jaht alt) ich, de autofahr kolleg und au no en andere, de ander isch andersch bsoffe gsi…denn plötzlich seit de markus „chumm mer holed de schlüssel vo mim vatter“ ich tubel bin voll druff i gange. Also 01:00 uhr sunntig morgä, 3 jungi schnösel voll blau em vatter sin autoschlüssel gschtolle, und abgfahre vo regensdorf nach adlikon. De markus isch natürlich gfahre (audi a8) ich uf em biifahrersitz und de claudio isch voll bsoffe hine drin ghocket (er het vor de fahrt scho müese breche).
Durch rägi het sich’s no guet fahre lah. Aber de markus het sich in adlikon denn so stark id kurve gleit dass es chli quiiietscht het – weisch, so wie im film. er het de charre grad in parkplatz vor em claudio sinere wohnig inegschlüderet. perfekt het er parkiert !
Plötzlich sind denn automatisch eusi autotüre ufgange, und 3 nase lueged eus ah…“uswiis bitte“
Es isch voll super gsi ! die 3 polizischte sind privat (nöd im dienscht) mitenand go znachtesse und um di glich ziit heichoo wie mir euse kolleg claudio heigfahre hend.
Tralli tralla de charre stah lah…..diä polizischtä hend eus netterwiis gfrögt ob mir das eusne eltere selber wend verzelle oder obs das grad selber mached wenn’s eus heigfahre hend. Mir natürlich… „nein nei, mir säged das am mami und papi denn morn am zmorgrtisch“
Polizei het eus denn würklich no heigfahre und de schlüssel hemmer müese ischperre im auto und s auto in adlikon stah la.

Chuum zrugg bim markus dihei hemmer de 2ti schlüssel mitgno und sind wider mit em töffli an tatort gfahre….und denn nomal mit em charre vo züri uf bärn und retour.

Es zweits mal hends eus zum glück nöd verwütscht aber ich säg mer hüt „verdammt glück gha mir vollidiotte“

de markus het de lehrfahruswiis erscht 6 mönet verspötet chöne überchoo und er isch glaub uf en buurehof go schaffe. Ich bin nach de jugendanwaltschaft denn in spital en morge go öpfel schäle (es het öpfelmues gäh als dessert)

hüt würdi sonen mischt nümm mache !

i de schuel hämmer doch kochuntericht gha...was mer kocht hend und nöd selber gässe, isch is lehrerzimmer gange, damit diä au chönd esse
eimal hemmer guetzli bachät und denn mit em "furz-spray" in sack inegschprützt, plötzlich hend schüeler kei hunger meh gha

Tatsujin hat geschrieben:lol? uf video uufzeichnet vor 20+ jahr? kain schaiss?

det bini 12i gsi, vor 18 Jahr und jep er hät Cameras gha, mer händ dänn wiiteri Aktione siiglah... sind gnueg drah cho vo dä Eltere und natürlich hät dänn min Vater dä stoltzi Entschluss gfasst das mir tumme Buebe eus müend go entschuldige gah. Gschämmt hanimi wiä Sau... und nöd wenig lang hätter eus zämmegschisse.

Turny : Daser nacher no Züri-Bern gmacht händ isch ja wohl en Klassiker und woni gläse han das häsch müese go Öpfel schäle hät's mi fast vom Stüehli grüehrt vor lache xD

Marco_in_motion hat geschrieben:sind gnueg drah cho vo dä Eltere und natürlich hät dänn min Vater dä stoltzi Entschluss gfasst das mir tumme Buebe eus müend go entschuldige gah. Gschämmt hanimi wiä Sau... und nöd wenig lang hätter eus zämmegschisse.

immerhin hesch no gueti eltere gha

I dem moment hanen verfluecht aber hüt ischer best Dad on Planet.

Und Du? bisch immer en brave Bueb gsi?

dä mit züri-bern isch im fall kei seich,
ich han paranoia übercho das ich die gschicht mues de eltere verzelle..denn hani em markus gseit "chum mer haued ab nach spanie und chömed nie meh zrugg" abfahrt richtig basel hani welle aber de mäke isch gradus richtig bern...denn simmer halt uf bern go cheerä

eltere sind scho schtreng gsi, mag mi no dra erinnere dasi glaubs 2x mit em teppichchlopfer de arsch versollt berchoo han. ja, das sind no ziite gsi, hüt lönd sich goofä dass nümm gfalle oder es isch halt nümm erlaubt sis chind so z erzieh.

fallt mer no eine ii.....
em schuelkolleg sini mueter het immer graucht....hemmer amigs ihri zigis halbe usdreit und denn en frauefurz mit kürzte zündschnuer drinine verbaschtlet "booom" isch no glatt gsi wie die mueter umägäusset het wos explodiert sind. si het denn würklich es ziitli nümm graucht

Härte scheiss mitm Auto!

So zweit Primarklass:
Kumpel und ich händ dä gliich Heiwäg gha, wo eus anere Sammelstell und grössere Parkplatz verbiigfüehrt hät.
dAutos sind näbedenandgreiht, frontal zumne Zuun gstande. Mier sind uuf die glorriich Idee cho, dass mier es paar Schnüer
go sueche gönd, und demit jewiils dAbschlepphake vo dä Autos mit em Zuun verchnotet.
Am nächschte Tag, womer ah däm Ort verbii sind, isch dä Zuun flach glägge...

Liege flach!

mi sind ehner so chli d'pyros gsi.
immer mit fürwärk und benzin gspillt.

am schuelsilväschter:
- innere fremde siedlig briefkäschte gsprängt,
- mit benzin gfüllti bierfläschli mittem tönder gsprängt (d'glas splitter ade deckig gspürt ufschlah)
- nöd abgschlossnigs velo gschnappt, reife mit bezin begosse, azündt und umegfahre
- tönder is abgsägte metallrohr gsteckt und gäg huusfassade gschosse
- tennisbäll mit benzin tränkt, azündt und üetlibergstrass aberolle lah / umetschuttet
- spöter am morge und susch amig im volle bus dä buttersüri attack

susch:
- mit frauefürz so zimli jede gaggi und anderi sache 'gsprängt'
- mittem migrowage voms migros in brunaupark abegfahre
- mittem migrowage autotütschis (ein sitzt drin und eine schiebt)
- telifonterror: irgendöpperem aglütte und seich gflüschtered (eimal hät mini muetter wahlwiederholig gmacht und min vater verdächtigt. da hät min vater, woni heicho bin, en riesechräbel im gsicht gha )
- ide ferie am strand d'lüüt ide schiissi iigspärrt, wo so blöd gsi sin, dä schlüssel dusse hange z'lah

...muess go dusch un go schaffe. würd aber no gärn wiiterufzähle.

fürio fürio !
kennet ihr folgendes ?
mer nimmt en ping-pong-bölle, mer wicklet aluminiumfolie drumherum, mer probiert de igwickleti pingpongbölle mit füürzüüg azünde, plötzlich rüüchts und stinkts = rauch bombä

briefkäste spränge het glaubs jede mal gmacht mir sind amel go di chline füürwerchs-rakeeteli go chaufe, denn hemmer die usenand gno und s`schwarzpulver gsammlet, nachher simmer uf de schüssplatz go leeri patronehülse sueche, hend die leere patronehülse mit schwarzpilver gfüllt, zündschnuer ine gschteckt und denn mit ere zange zuegmacht = perfekti bömbeli
diä briefkäste sind denn i tuusig teili versprützt

NICHT SELBER MACHEN !!!!! ILLEGAL !!!!

Marco_in_motion hat geschrieben:Ou jesses... Mal ame Schuelsilvester hämmer eusem alte Nachber (Gott habe Ihn seelig) all Euse Frust für sini terroristischi Art Nachber z'si, useglah. bzw. a sim Briefchaste.
Somit hämmer Eus alle Chatzegaggi und sustigi Huustierexkrement wo available gsi isch mit Robidogsäckli gsammlet und sin Briefchaste vo inne neu uuskleidet.
Das isch Eus dänn zwenig Action gsi und so hämmer dä Briefchaste no i d'Luft gsprängt.

du bisch eifach en guete mensch.

rolf

im gymi en namitaglange schuelstreik azettlet wills absänzerlaubnis für es defilée aber nöd für e teilnahm a de "gägedemo" gäh hett. bis zur grundsatzdiskussion i de turnhalle (pult und mikro) und de rekter isch vo dihei cho und hett au mitgredet, eis huerezüüg hetts gäh. die halb schuel isch det gsi und die ander brav helfti hett i de zimmer gwartet ohni plan.

oh ja, mit führwerch hani au immer gern gspillt.

was mer grad in sinn chunt sind rauchbombene.

1) nachdem ich vom lift i dä underirdische tramstation ue cho bin eini zünd. leider chli zfrüeh, isch scho s pärli parat gstande um in lift zgah- grad id schuel gsecklet.
2) denn i dä schuel eini is wc ine. bin den au verdächtigt worde aber nie konsequenze gspührt.
3) nomal im hort eis is wc vorm hei gah. die ganz schüssle seg schiens blau worde und dä kolleg häts müesse putze will er mir zuegluegt hät und no sowieso länger bliebe isch.

ich han das immer so cool gfunde wies blubberet.

Mastler(P) hat geschrieben:oh ja, mit führwerch hani au immer gern gspillt.

was mer grad in sinn chunt sind rauchbombene.

1) nachdem ich vom lift i dä underirdische tramstation ue cho bin eini zünd. leider chli zfrüeh, isch scho s pärli parat gstande um in lift zgah- grad id schuel gsecklet.
2) denn i dä schuel eini is wc ine. bin den au verdächtigt worde aber nie konsequenze gspührt.
3) nomal im hort eis is wc vorm hei gah. die ganz schüssle seg schiens blau worde und dä kolleg häts müesse putze will er mir zuegluegt hät und no sowieso länger bliebe isch.

ich han das immer so cool gfunde wies blubberet.

sind das diä kaufte gsi? glaubs so 5 stück im ne säckli, grössi ca. 3-4 cm durchmesser, gitts in verschidene farbe mit zündschnuer obedrin...

diä sind super gsi, gitts diä no ?

ja die.
wahrschinli scho. han aber au scho sitt villne jahre kei führwerch meh kauft. scho gnueg i dä jugend abglah.

min brüeder het mi mal mit sim kolleg in nachbarsweiher inegrüert
wart du nur....hani mir denkt, dir brenni scho no eine ine...
han denn es pack rissnägel gholt und in sim zimmer uf em bode verteilt ebbefalls hani under s`liintuech vom bett au no es paari inegleit
woner denn is zimmer gange isch, isch er druff gschtande und glägge ätsch pätsch
hüt verträged mir eus aber beschtens

ich han mal ines OT forum topic en huere geili gspreizti fotze mit riese-titte posted.

wer scrollt, isch e dumpfbagge.

du schlawiner du