The(G)Forum

Würd gärn vo mim Notebook uf mi Desktop daheime zuegriife. Bi de Eutere und Kollege machi das mit Teamviewer, aber es isch viu zwenig performant und es sött nid jedesmau e nöiie Schlüssel generiere.

Was gits für Variante? RealVNC?
Es sött vor allem sicher si und schnell. Chly was choste darfs ou, solang's d'Vorteil gägenüber ere Freeware-Variante rächtfertige.

Ich mache en vpn tunnel zu minere firewall uf und de remote desktop ohni drittsoftware, eifach de windows rdp. Wobi perfomanter als teamviewer isches glaubs chum, aber defür en eifachi lösig (di meischte firewalls oder router unterstützed ja glaubs vpn vo hus us).

D windows remote hilfe dingens isch nid gnue?

Windows remote mit smarthost / vpn lauft wie wenni devor hocke. Was bessers gits noed

Gloub das geit nid vo win7 home premium zu win7 home premium, oder?
Und: Was isch smarthost, bzw. wie muess ig das aagattige, um uf mi PC chönne zuezgriife?
Und bitte erwähnet nüt vo wäge Portfreigab@Router, schüsch machi e Schrube
I chume mit däm Züg leider überhoupt nid z'schlag, schitere scho nur dranne, mis NAS übere Swisscom Router vo usse zuegänglech z'mache.

Home premium unterstützt rdp eigentlich nöd, aber schinbar gits en weg zums aktiviere:
http://www.mce-community.de/forum/index ... inrichten/" onclick="window.open(this.href);return false;

Smarthost: http://www.usenet-abc.de/wiki/Team/Smarthost" onclick="window.open(this.href);return false;

was hesch füren router?

Motorola Netopia 7347, berchume aube fasch Krise weni da öppis wott konfiguriere.

Das mitm Smarthost schnaui immer no nid so ganz - was hett das mitm Remote z'tüe?

Smarthost kenni nur us de welt vo de mail sever. Wases mit rdp z tue het überfrögt mi grad

din router unterstützt nur vpn pass through, das heisst du müestisch di ganz ameldig am pc selber mache. Mues mi au mal go schlau mache wie mers ufem win7 irichtet, aber gegeüber dem findi teamviewer de doch na en gueti alternative