The(G)Forum

I hans vor...bald. Personal Training vor Ort und au Online.

Sicher nid eifach wirds am Afang...verzell mol mit was me so rächne muess, bzw. wie dini Idrück gsi sind wo di selbständig gmacht hesch.

Pros / Contras??

Ev. Empfählige wome gueti Kürs chönt bsueche zu dem Thema?

selbschtständig het de vorteil bisch selbschtständig, bisch de tubel selber wenn was falsch lauft, chasch niemertem d schuld id schueh schiebe

mini erfahrig:
d'idee kein chef meh zha, isch sehr verlocked. dumm isch, dass denn anstatt ein Chef soviel cheffe häsch, wie d'chunde besitzisch.

Selbständig nur no, wenn nöd vo anderne Produktionspartner abhängig bisch (Lieferante, Zwüschehändler)

Du muesch gern welle schaffe, und guet chönne abstelle. muesch e partnerin ha, wo dich drin unterstützt und öpper wo dich chasch über business-problem/idee uustusche.

de nachteil: du schaffsch viel meh, 40% vo de zit verbringsch mit so luschtige sache wie, rächnigswäse, buechhaltig, organisation vo verschiedne sache.... Adminischtrativs halt, statt dini Arbeit.
de vorteil: Wennds nit mega verchert machsch verdiensch viel meh und bisch äbe die eigend scheff.

und akquise muesch geil finde

GmbH oder AG gründe damit ja nöd mitem Privatvermöge haftisch! Und viel schaffe, wükli viel...

Für Firmägründigä und Beurkundungen chasch Di gern bi mir meldä. I bi ab äm Oktober au selbständigä.

bi mal gsi, würds nüm mache. zviel stress, zwenig freiziit.
jetzt fühl mi pudelwohl.

han au mal en personal trainer känne glernt. geile siech gsi.
dä hät denn gmeint er spart rächt stühre, will er nöd all chunde ahgitt. wie wönds em nahwiese wievill er heggi?

aha en stüüürhinterzieher! aha da haemers! grad en cd brenne

jaja d'lüt meinet amigs es sig so eifach.

ja guet en firma gründet isch nah schnell, aber demit au geld verdiene isch d schwierigkeit.

han en noi businessidee, gib geld!

ich han gmeint gha wägm gwüssi erträg nöd ageh.

du hinterziehsch doch au

jede hinterziehleret was er hinterziehlere cha

sech

thaeye hat geschrieben:du hinterziehsch doch au

lüt wo im kanton schwyz wäg dä stüüre motzet händ härt en egge ab.

i wohn im kanton basu stadt und mir isches vollkomme gliich wieviel stüre ich zahle. bekumi jez dr friedensnobällpriis?

wenns der so glich isch zahl mini. ich gib der schono es prisli.

ja werum bisch denn au so viel go schaffe wenn jez nit zahle magsch? weis mer ja nit erscht sit vorgescht dass mer do all jahr no was :abtrugge: muess

wer seid das ich vill schaffe?
du jedoch seisch das es dir vollkomme glich isch wievill dasd zahlsch. wieso aso nöd em forumskolleg mit es baar frängg ushälfe? :yess:

ok, wenni wähle könnt obis zahl oder nit würdi druf verzichte. aber ich jomere nit umme und es tuet mer au nit weh das z'zahle, mer weis ja uf was me sich iloht.

jä heschs denn nötig? kader scho chli hälfe

ech bleb steft!

evo hat geschrieben:mer weis ja uf was me sich iloht.

ob ich hilf bruch weiss ich nonig, aber chämt susch gern druff zruck.

So, es god vora. WebPage isch im Ufbau...wird mi ca. 1500.- choschte. Bin mol gspannt was ihr denn dezue meined.

Next Step, wär mau uf Bern en Einzelunternehmig ga ds gründe. Ig gse dr Sinn für en GmbH zurziit no nid, da ig bis uf WebPage praktisch 0 Eigekapital i dem "Unternäme" han, und daher nid gse, wie ig jetz für was Hafte chönnt, bzw. wie ig mi verschulde söd. Chamer do öber dezue no was genauers säge? Usserdem choschtet GmbH gründe ja ordentlech Asche => Notar. Einzelunternehmig choschtet sowiit ig weiss es chlini Verwaltigsgebühr.

Kolleg hed no gmeint, ig söll mer nachdemi alles gmacht han, gad no es Firme-Konto ufmache, demit ner alli Usgabe/Inahme grad über das Konto loufe, erspart mer glaub no zimmlech vil Arbeit bir Buechhaltig ner.

Süsch no paar Sache woni muess wüsse?