The(G)Forum

Weles und/oder was für en Art vo Spieli wird das vo teh Dekade 10-20 sii?

Was wird me überhaupt z'Spiele brcho?

Nach welne Kriterie wirsch zruggluegend de persönlich Favorit wähle?

de helm! logisch!

ja hardwaregrümpel wirds bis zum mond und zrugg gäh, aber was wird me spiele?

Hoffentlech hend bis denn ganz vil meh Entwickler usegfunge wieme d Interaktivität vom Medium
zum Verzöue vonere Gschicht cha isetze. Will logischerwiis wirdme de gliich fark wie immer spile,
das muesme gar nid diskutiere. Aber vilech würklech BESSER, u nid nur uf optischer Äbeni.

mir wär en gueti verzellti gschicht äbe au wichtig... emotione wecke... mit de bessere technische möglichkeite (stichwort uncanny valley) werdets das das au bestimmt mache...

Master(G) hat geschrieben:mir wär en gueti verzellti gschicht äbe au wichtig...

darum spielsch so gern call of duty?

wenns so witergoht wird mi interässe für aktuelli games no mehr schwinde als es onehin scho tuet. immer weniger games kömme wo mi gschmack träffe

kei cutscenes, kei dialög, kei text.

merci.

akumajou dracula x
gate of thunder
r-type
super mario world
daimakaimura
etc.

in abetracht vo de "gschichte" wo bis itz so in Videospiel verzellt si worde hett ds Pony 200% recht. Gschichte verzelle my Ass. Lueg en film, wenn en Gschicht wosch verzellt ha. ig wott öppis erläbe. selber d Gschicht mache

PIMMEL!! hat geschrieben:kei cutscenes, kei dialög, kei text.
merci.

Tuusigmal meh Emotione als jede Big Budget-Milliardeseller mit megaufwändige Hollywood-Blockbuster-Cutscenes, komplizierte Stories mit hunderttuusig Twists und em Patrick Stewart und em Liam Neeson als Voice Actor. Mängsmal isch es ebe würklich viel eifacher, als me gemeinhin meint

Gurgelhals hat geschrieben:Mängsmal isch es ebe würklich viel eifacher, als me gemeinhin meint

eigentlich isch das schier immer de fall.

zimbabwe banana

Viel ändere als besseri Hardware wird sich nöd. Die einzige wö öppis verändered, neus gschafft händ, sind Nintendo.
Und die andere tönds dänn kopiere.

emP hat geschrieben:in abetracht vo de "gschichte" wo bis itz so in Videospiel verzellt si worde hett ds Pony 200% recht. Gschichte verzelle my Ass. Lueg en film, wenn en Gschicht wosch verzellt ha. ig wott öppis erläbe. selber d Gschicht mache

Ebe, du muesch eifach Gschicht umdefiniere. Shadow of the Colossus verzellt en interessanteri Gschicht als irgend en Mafia 2 fark, und das miteme Minimum a Zwüschesequänze. Unger Isatz vo däm wo Videospieli eigentlech uszeichnet - Interaktivität. Schwörem. Gschicht mues nid heisse dass es huere Gschnorr im gang isch, ou wenn das viu Entwickler aktuelle so interpretiere.

S Gameplay mues d Story mache und das hend e paar Entwickler scho begriffe - jetz sötts eifach no konsequänter umgsetzt wärde.

Türli bruucht es guets Spiel kei Story. Bzw gueti Gschicht > kei Gschicht > schlächti Gschicht. E gueti Story mit dänkwürdige Charaktere guet verzellt zum Mitspiele isch aber halt e gueti Story mit dänkwürdige Charaktere guet verzellt zum Mitspiele. Findi immer läss. Vampire Bloodlines! Es hett aber würkli nüt mit Cutscenes und Promisprächer und 96874650876108765 verschiedene Gsichtsanimatione ztue.

So chli diskussionslos hiignoh wird, dass statt usschweifend grossem Tennis, was me anhand vo de Hardwareentwicklige sött annäh dörfe und ich gar nüt 'gäge hätti, Spieli ehner knapper werded, will me de Chund inere konstante Nachfrag bhalte will. Früehner hesch dich chöne 70h für en dumpfe Turok 2 dureballere, hüt undänkbar. Und das no ohni DLC. Rolf. Die aktuell total tüüfgründigvielschichtigi Filmriifspieli chnöpflidruggsch fängs i 6h dure und das gilt scho als lang. Drfür hetts geile Cliffhänger. Hui Hollywood ubass!

Ich erhoff galoppierendi Fortschritt i de KI, meh Muet sprich Diversität im Game- und Grafikdesign und meh Aspruch bi Spieler und Reviewer. En Urknall i alli mögliche Richtige. Drfür abfahre mit bescheuerte Nivellierstandards wäge "hützutags". Siehe MasterG vs s'neue Goldeneye.

Sephi hat geschrieben:Shadow of the Colossus verzellt en interessanteri Gschicht als irgend en Mafia 2 fark, und das miteme Minimum a Zwüschesequänze. Unger Isatz vo däm wo Videospieli eigentlech uszeichnet - Interaktivität. Schwörem. Gschicht mues nid heisse dass es huere Gschnorr im gang isch, ou wenn das viu Entwickler aktuelle so interpretiere.

falsch bzw öpfu u bire. grad vo wäge bescheuerter nivellierig. SOTC verzellt kei gschicht sondern en zuestand, es vakuum, en balance akt. bi dem spiel cha sich jede e anderi vor- und nachgschicht usdänke. das zwüschine spielsch. und das isch scho wieder e ganz eigeti spielform und drum super.

Goran hat geschrieben:Viel ändere als besseri Hardware wird sich nöd. Die einzige wö öppis verändered, neus gschafft händ, sind Nintendo.
Und die andere tönds dänn kopiere.

d videospielinduschtrie isch am änd. jezt chunt ja scho 90% abfall use.

zwirrlibatz hat geschrieben:

Sephi hat geschrieben:Shadow of the Colossus verzellt en interessanteri Gschicht als irgend en Mafia 2 fark, und das miteme Minimum a Zwüschesequänze. Unger Isatz vo däm wo Videospieli eigentlech uszeichnet - Interaktivität. Schwörem. Gschicht mues nid heisse dass es huere Gschnorr im gang isch, ou wenn das viu Entwickler aktuelle so interpretiere.

falsch bzw öpfu u bire. grad vo wäge bescheuerter nivellierig. SOTC verzellt kei gschicht sondern en zuestand, es vakuum, en balance akt. bi dem spiel cha sich jede e anderi vor- und nachgschicht usdänke. das zwüschine spielsch. und das isch scho wieder e ganz eigeti spielform und drum super.

Falscher bzw. öpfel und falsch - ischmer e z'ängi Definition vo "Gschicht"! Bzw. das wo du Zuestand nennsch isch ganz eifach en Gschicht! So wie es Bild e Gschicht cha verzöue. Rez verzöut uf ähnlechi Art e Gschicht - oder haut e Zuestand, wenn unbedingt wosch.

zwirrlibatz hat geschrieben:Türli bruucht es guets Spiel kei Story.

I würd sogar säge die meischte guete Spil hend en gueti Story! Und mit guet meini passend. Und mit Story meinsch du Zuestang Beschts Bispil de Mario: "The Princess is in another Castle" --> En Story wo vom Gameplay meh als ungerstriche wird.

Sephi hat geschrieben:Und mit Story meinsch du Zuestang

was isch da luschtig?

zwirrlibatz hat geschrieben:

Sephi hat geschrieben:Und mit Story meinsch du Zuestang

was isch da luschtig?

Dasses hie nur no um Begrifflechkeite goht isch bitz luschtig. Aber eigentlech völlig ok. Das wo du Zuestand
nennsch isch für mi halt ebefalls Gschicht. Zuestand passt aber au.

Dänn spiel ich wahrschiinlich FIFA 2021.
Ich hoff, es spillt sich dänn immer no gliich wie hüt.