The(G)Forum

immer machets problem.

stürzet ab oder chömet nöd i all zimmer.

abstürze tüends amel nöd grad jede tag aber so all paar mönet chunts also scho vor. bi allne WLAN router woni bisher gha han... sit ca. 10 jahr isch das so... und han scho es paar grät und wohnige gha. es isch immer dä gliich scheiss. ich nimm etz dänn nur no kabel über stromadapter...

hät irgendöpper vo oi en WLAN router wo eifach immer funktioniert über monate oder jahre?

ich han keine, wielis dumm find.

wegems strahle?

Nach mine Erfahrige isch bi dene Sache d'Firmware wichtiger als d'Hardware. Sprich: Me nimmt am beschte es Modell, wo me dänn sälber chan irgend e Open Source-Firmware druflade. Mach ich jetzt scho sitt über 5 Jahr eso und mini Router laufed und laufed und laufed....

Aktuell han ich en Netgear-Router mit de TomatoUSB-Firmware. Luegsch mal da, mit wellne Router d'Firmware kompaitbel isch: http://tomatousb.org/" onclick="window.open(this.href);return false;

Gitt au no anderi Open Source-Firmware (DD-WRT, OpenWRT, etc.), aber die gönd für min Level z'fescht in Profi-Bereich. Tomato und die verschiedene Abkömmling devo händ es übersichtlichers Interface.

also mit tomato stürzt er denn nie me ab.

aber die zimmer mit empfangsproblem werdet denn wohl immer no empfangsproblem ha, nimmi aa?

Reinforced hat geschrieben:wegems strahle?

ja, sie sind eifach ds schwach.

Los uf de Gargamel. Tomato-Firmware isch super. Mi WRT54GL lauft sit Johre ohni Problem. Aber nimm e neuere Router, g isch ziemlich lahm hützutags.

gar nid gwüsst, dass meh alternativi firmware cha/sött installiere...
bringt das evtl o meh speed? oder nur besseri stabilität wenn meh problem het?
ha sit guet 2 jahr e netgear wnr2000 mit oem firmware u dä louft nonstop ohni problem!

es git glaubs ca. 10x meh speed.

ich han eine, aber dä pc im näbezimmer hani gwired. HILTI! loch dur d'wand. guet isch.
dä woni jetzt han lauft jetzt scho länger stabil.

Alternativi Firmware isch ok, numme isches anscheinend au scho Homöpathie gxi. Bim WRTG54 blabla z.B. isch d Sendeleischtig nid ufe, au wenn mes hett chönne reguliere. Aber so gnau weissi das nüm.

Ig ha en Netgearrouter it ca. 4 Jahr und dä isch super. Orischinal Firmware. Isch aber nid be billigscht gsi. macht wohl au was us.

han au son netgear. ca. 120 frengg. han aber dd-wrt drufftah. und wlan lauft nur tagsüber.

Tatsujin hat geschrieben:es git glaubs ca. 10x meh speed.

höhö
uf dr PCE viellech!

emP hat geschrieben:Alternativi Firmware isch ok, numme isches anscheinend au scho Homöpathie gxi. Bim WRTG54 blabla z.B. isch d Sendeleischtig nid ufe, au wenn mes hett chönne reguliere. Aber so gnau weissi das nüm.

Ig ha en Netgearrouter it ca. 4 Jahr und dä isch super. Orischinal Firmware. Isch aber nid be billigscht gsi. macht wohl au was us.

glaubs nöd. ich han au 150 stutz zahlt und gseit ich weli dä wo am zueverlässigste isch...

Jones hat geschrieben:

Tatsujin hat geschrieben:es git glaubs ca. 10x meh speed.

höhö
uf dr PCE viellech!

isch dert aber absolut irrelevant.

Bezüglich Third Party Firmware + Signalstärchi glaub ich au nöd, dass das würklich viel nützt, da spieled d'Hardware (u.A. d'Antänne) und externi Faktore (Wohnigslayout, usw.) dänn doch die grösser Rolle. Me chan mit ere Third Party Firmware und de zuesätzliche Konfigurationsmöglichkeite, wo sie freischaltet, sicher bestehendi Verbindige optimiere, aber eini wo sowieso scho meh schlächt als rächt bzw. gar nöd gaht (z.B. wäge z'grosser Distanz oder z'viel Wänd dezwüschet) laht sich sicher nöd mit eme Magic Firmware Update richte.

Third Party Firmwares bringed in erschter Linie Stabilität (vom Router an sich, nöd vo de WLAN-Verbindige - also dass er dir nöd permanent abschmiert wänn'd 4985793485793485 Torrent-Verbindige drüber laufe lahsch) und meh Software-Features (dass de Router z.B. über de USB-Port au Print Server-Funktione büütet). Für das lohnt sich's. Aber susch giltet das, was de Fisch scho gseit hätt: Es Kabel zieh isch dänn doch bald mal eifacher und vor allem die besseri Lösig. WLAN isch Spilzüüg. Richtigi Manne händ Gigabit-Ethernet!

Gurgelhals hat geschrieben:Es Kabel zieh isch dänn doch bald mal eifacher und vor allem die besseri Lösig. WLAN isch Spilzüüg. Richtigi Manne händ Gigabit-Ethernet!

Ah ja genau, das gani scho immer vermuetet. Jetzt weiss ichs, danke...

machsch pringles ufd antenne.

fuer de fisch natuerli nur de kabeljau.

Tatsujin hat geschrieben:

Reinforced hat geschrieben:wegems strahle?

ja, sie sind eifach ds schwach.

eifach kei usstrahlig händs meh.