The(G)Forum

Isch irgendwie no unterhaltsam, all die verschiedene kampfstil im ernstkampf zgseh. Chammer das au noimets live luege i de schwiiz?

pay per view

gits kein möngisender wo das eifach so bringe. ich mach prinzipiell kei payper view...

hanf hat geschrieben:Isch irgendwie no unterhaltsam, all die verschiedene kampfstil im ernstkampf zgseh. Chammer das au noimets live luege i de schwiiz?

thats not how it works

wär mir neu, wänn hüt no 'verschiedeni kampfstil' bide ufc aträtte würded.
die erschte 5 - 10 sind no so gsi und drum au zimli interessant diesi verschiedene kampfstil gägenand aträtte z'gseh.
aber irgendwänn märkt dä kumfu-fritz, dass er kei chance hät und dänkt um.

ah, das han mer fast no dänkt...

muesi i dem fall di alte kämpf go google...

Wenn am googlä bisch, chasch au no grad chli Videos vo anderne Verastalter luege (z.B. währed diä bedütendere Pride (wos leider nüm gid will vo Zuffa (UFC) ufkauft), Dream (nochfolger) (do ischmer Froh mer luegts nid Live... mit all dem Züg dezwüssched gönd diä Events en halbi Ewigkeit) oder Strikeforce (wos leider waharschindlich au bald nüm gid will vo Zuffa ufkauft))


Wägem Live luege... han nid mol gwüsst dassmer i de Schwiz au PPV chan machä. Aber immer öfters ischs jo eh au so, dass diä Events nid grad zunere Zit stattfinded, wos no lässig isch 3h vorem Fernseh z hockä.

Zudem sind d Events es Zitli lang würklich ehnder weniger Spektakulär gsi... i de letschtä Zit hed das allerdings wieder zimlich besseret, und hed s eint oder ander sehr guete ge.

Hüt isch jo au wider.

Acid hat geschrieben:Wenn am googlä bisch, chasch au no grad chli Videos vo anderne Verastalter luege (z.B. währed diä bedütendere Pride (wos leider nüm gid will vo Zuffa (UFC) ufkauft), Dream (nochfolger) (do ischmer Froh mer luegts nid Live... mit all dem Züg dezwüssched gönd diä Events en halbi Ewigkeit) oder Strikeforce (wos leider waharschindlich au bald nüm gid will vo Zuffa ufkauft))


Wägem Live luege... han nid mol gwüsst dassmer i de Schwiz au PPV chan machä. Aber immer öfters ischs jo eh au so, dass diä Events nid grad zunere Zit stattfinded, wos no lässig isch 3h vorem Fernseh z hockä.

Zudem sind d Events es Zitli lang würklich ehnder weniger Spektakulär gsi... i de letschtä Zit hed das allerdings wieder zimlich besseret, und hed s eint oder ander sehr guete ge.

Hüt isch jo au wider.

(findsch (na (guet (chlammere?))))

nei

(. ) ( .)

(° Y °)

^( ^.^ )^ (> ^.^)> ^( ^.^ )^ <(^.^ <) v( ^.^ )v ^( ^.^ )^

Diä eifachscht Lösig zum UFC luege wemer nid will zahlä, isch übrigens miteme Dütschä Proxy uf ufc.tv z go...
irgendwiä dörfs glaub i Dütschland nüm im Fernseh übertreit werdä oder so... uf jedä Fall chönd diä alles gratis luege, während vo de Schwiz oder au vo noimed andersch muesch zahlä.

Browne/Arlovski isch au no uf de glichä Card




Jetzt müsstet eifach mol alli dur d Drogätescht cho und sich niemert im Trainong verletzä.

Quelle rächt guete lulz gsi.

UFC 189 eini vo de beschtä Cards sit langem... wenn nid sogar sit immer. (de Browne/Arlovski im letschtä PPV isch allerdings au en Höhepunkt gsi)

Allerdings nid hauptsächlich wägem Mainevent (au wenn de au rächt ufrüehrend gsi isch)

Lawler/MacDonald isch unglaublich gsi:

S geit dert eigentlech nume no ums Boxe / Kickboxe und Ringe, öbis angers wird dert gar nüm brucht. Haut aues i jenstä Variatione und mit verschidnigste Iflüss

scho so, aber das isch immer no dä interessantist mir bekannti kampfsport.

Bejita hat geschrieben:S geit dert eigentlech nume no ums Boxe / Kickboxe und Ringe, öbis angers wird dert gar nüm brucht. Haut aues i jenstä Variatione und mit verschidnigste Iflüss

Also wenn Boxä / Kickboxä alles bezeichnet was irgendwiä mit Schläg und Tritt ztuä hed und Ringä alles was mit Takedowns und Bodäkampf ztuä hed, denn stimmt das, aber was willsch suscht denn no bruuchä? Natürlich dörf niemert miteme Katana inä cho.

Ja normau nid, i finges äbe nume intressant, das niemer mit würklech nume eire traditionelle Kampfkunst dert inne kämpft / besteit.
Würd mi huere wunger nä wie sich dert e heftige Shaolin Mönch würd schlah

https://www.facebook.com/uniladmag/vide ... 047504249/" onclick="window.open(this.href);return false;

Bejita hat geschrieben:Ja normau nid, i finges äbe nume intressant, das niemer mit würklech nume eire traditionelle Kampfkunst dert inne kämpft / besteit.
Würd mi huere wunger nä wie sich dert e heftige Shaolin Mönch würd schlah

gar nid würd er sich schlah dänki. am afang vo dere ganze entwicklig isch das wohl no andersch gsi...
viu kampfsportarte konzentriere sich ufe kampf im stah und wenn nacheme takedown im bodekampf bisch, hersch nüt meh z'entgägne.. uf dr andere site isch e reine ringer ruck zuck k.o. wenn er ke ahnig het und paar a d'fresse bechunnt. die meischte trainiere thaiboxe und bjj dänki mau. damit bisch meh oder weniger komplett ufgstellt für die art vo kämpf...

i has am afang pervers und dumm gfunde aber mittlerwile gsehts doch meh oder weniger nacheme kampfsport us und nüme nacheme dumme hinterhof geklpopfe gänzlech ohni regle.

Ja, das hed sich am Afang halt relativ schnäll zeigt, dassmer Antwortä uf Argumänt mues ha wo i einere traditionellä Kampfkunscht ellei halt nid vollständig chan abdeckä. Aber eigentlich hämmer das jo spötischtens sitem Bruce Lee gwüsst. Und eigentlich au scho vorher, isch jo nid e komplett neui Gschicht. In China isch jo früehner teilwies au ohni Würklichi Reglä und bis zum Tod kämpft wordä, und au s Olympischä Ringä und Boxä isch bi de Antikä Grieche no chli öpis ander gsi als hüt.

Au wenn sich ufgrund vo derä Erkenntnis im MMA teilwies rächt über traditionelli Kampfkünscht luschtig gmacht wird, isch halt trotzdem so dass eigentlich alli Technikä vo det chömed, und denn hets gheissä BJJ isch eigentlich s einzig was funktioniert, und dänn dieses dänn jenes, und mitlerwilä simmer so wit dass au wider vermehrt totgseiti Technikä zrug chömed, wills halt ebä als Teil vomene viel breitere Konzept trotzdem funktioniere chönd.

Ich gseh aber diä Kampfkünscht und Kampfstiil eh nid so klar trennt. Schlussendlich sinds wemer vo de Sportartä reded jo vorallem d Reglä wo definiered was das agwändet wird und was nid. Im Boxä wird ander boxd wiä im Kickboxä, will halt nid demit muesch rächnä dasser ein in Grind kickt, und alles unterhalb vom Buchnabel muesdi sowieso nid interessiere. Im Muay-Thai chömed no Ellbögä und verlängerti clinches is Spiel, aber sälbscht wenn det au mol es Bei gstellt wird, isches halt immer no öpis ganz anders wiä im MMA, wo muesch mit Take Downs rächnä. Und au bim MMA chunds no uf d Reglä a. I de UFC dörfmer z.b. En "grounded oponent" nid in chopf trätä oder chnündlä. Und er gilt als grounded sobalder ei Hand am Bodä hed. Er chan also em Gägner inere Situation wos absolut effektivschtä es Chnü wär diä Waffä relativ eifach neh, ohni sich z verteidigä oder us de Situation z entferne z müese. Das änderet au de Stil. Mer chan au so wiit go und sägä dass s Verbot vo Schläg und Tritt zwüsched d Bei de Kampfstiil veränderet. Oder öbs im Chäfig isch oder im Ring, und wiä gross diä verfüegbar Flächi isch ebäfalls. Wettkampspezifisch Kung-Fu (Sanda) unterscheided sich je nach Regulierig au nid so wahnnig vo Kick Boxä oder Muay-Thai. Das sind aber vor allem Sportlichi Frogä, willmers halt irgendwiä machä mues.

Au bim Wrestling/BJJ. BJJ hed zwar sicherlich sehr viel zum hütigä MMA biitreit, aber das bedütet nid dasses viel vo denä Sachä im Submission Wrestling nid au scho geh hätti, und de Ronda ihri Armbars sind wohl au eher ihrer Vergangäheit als Olypiclevel Judoka, weniger ihrem BJJ training azrächnä. Während Take Downs im MMA doch allermeischtens serig sind wo usem Wrestling stammed, isch sii eini vo denä wo zeigt wiä effektiv und erfolgriich au Judo Würf und Swipes chönd sii.

D Tatsach dass klassischi Kampfkünscht nid effektiv sind lieht also weniger drin dass d Technikä nid funktioniere würed (Diä gits natürlich aber scho au), sondern darin dass ebä viel Sachä nur chönd so Risikolos agwändet werdä will d Sportart druf usgrichtet isch, und d diä möglichä Konsequenzä relativ chli sind. Wenn jetzt einä mit derä Istellig i en Sportart wiä MMA god wo ebä d Konsequnzä ganz andersch chönd sii, chind das meischtens gar nid guet usä, willer ein lucky punch (oder im Fall vonere Schlaglosä en lucky Grip) hed, und wenn de nid fruchtet isches glofä.

Was zunere Attraktivitäts Steigerig gfüehrt hed isch aber glaub nid nur d Regulierig (au wenns natürlich damals ohni teilwies scho sehr miesi Sachä geh hed, z.B. Mätch wo über e Stund gangä sind und nüt gloffä isch) sondern au eifach dass s Niveau allgemein gstigä isch, au wenn vili no vomene gwüssä Background chömed (vo de Amis sind z.B. sehr viel mitere Wrestling Vergangäheit, halt au will das en Populärä Schuelsport isch det, vo Brasiliä ehnder BJJ, Ostblock eher Sambo und Europa eher Kickboxä, aber au vieli mit Asiatischä Sachä, i de UFC heds z.B immer wieder ein mit Karate oder Judo Vergangäheit) trainiered ebä alli alles, und es gits nur no sältä dass ein uf eim Berich würklich eifach gar kei Mittel hed. Jetzt chömed au diä erschä (wiä z.B. de Rory) wo niä öpis anders trainiert händ als MMA.

Dur das chund denn natürlich au d Kreativität wieder in Vordergrund, will wenns Niveau gnueg höch isch, entscheided am Schluss oft, wer sich öpis hed chönä ifallä loh wo de ander nid erwartet hed. S Faszinierende ischaber ebä denn glich au wieder wenn ein vo dem jedä Zueschauer weiss dasser vorallem en harti Linki hed, und scho x mol einä demit weg ghauhä hed, in Ring god, und em Gegner wo das alles au genau studiert und trainiert hed, genau diä link inähaut, willer trotz allem wüssä keis Mittel degägä gfundä hed.

Und schlussendlich isches au wiä bi allem, d Sachä chömed und gönd, und wenn öper mit öpisem sehr erfolgriich isch, trainiered das nocher alli, und churz druf abä trainiered alli wiämer das neutralisiert und denn isches wieder nüm so nützlich.

Isch chli wiä im Fuessball, wenn gnueg Lüt nachem Eckä es Goal bim nöchä Pfoschtä gschossä händ platziered det alli en Verteidiger, und de Trick funktioniert nüm. Wills denn gar niemert meh versucht, verschwindet de Verteidiger det wider, und plötzlich gits wieder so goal.

Und denn gits de Robben, wo Johre lang eifach en Hogä schloht, inä zieht und abdruckt, alli wüsseds, alli trainiered d Verteidigung vo somene Fall, und trotzdem ischer gnueg oft demit Erfolgriich gsi.



Es isch also alles i allem en zimlich komplexi Sach, und au eifach thaiboxä un BJJ z trainiere langed gar niened hi, wemer würklich will e Rollä spillä. Was aber nid heisst dass ein mit sensationellem BJJ nid anderi vor unlösbari Problem chan stellä, oder einä mit sensationellem Thaiboxä au, wenner none tolli Take Down defense hed. Bi de Frauä gsehdmer diä spezialischtä im Moment aber no meh, will det s Niveau nonig ganz i de glichä Breiti so verdammt höch isch. So hed d Ronda schön chönä ein Armbar nachem andere duräziä ohni dass öper öpis degägä hätti chönä machä, und glichzitig het si uf allnä andere Bereich chönä besser werdä, so dassi jetzt wahrschindlich uf ganzer Liniä hart z knackä isch, und d JJ e Gwichtsklass tüüfer isch im Moment mit ihrem Muay Thai wo technisch uf somene extrem höchä Niveau isch meh oder weniger unschlagbar, bis öper usäfindt wiä si gnueg lang chan degägä ahebä zum sälber überhaupt öpis chönä zmachä.

traditionels kung fu isch dazue gmacht mit möglichscht wenig ufwand möglichscht grosse schade azrichte (glänk bräche, auge stäche).
das als sport zbruche wer eh extremi beschniedig, nebscht dem das sie ebe nöd dafür trainieret lang uf en typ dri zschlah und submissions zmache.

chumsch strass, kei regle, denn weissi scho wer günnt.