The(G)Forum

Findsch au?
Die verkacked in letschter ziit so viel, dass es nüme tragbar isch.

Mi chömed ständig (z.t. wichtigi Brief) vom Nachber über, obwohl er nöd mal ähnlich heisst.
Anderi Nachbere chömed eusi Brief über.
Vor paar Wuche hät dä Pöschtler welle s'Päckli mit mim Tablet eifach dusse stah lah. Zum Glück hanen no abgfange.
Will s'Personal reduziert isch, lüütet dä Pöschtler und mer muess dänn zur Iigangstüre und det abhole (das verstahni no).
Aber bi eus chunts ebe sehr oft vor, dass dä Pöschtler gar nöd lüütet. Er macht eifach es Zetteli und wiitergahts.

Innerhalb vonnere Wuche häts jetzt im Gratis-Blick zwei Artikel über ehner grobi Fails vo dä Poscht.

Ich versuech jetzt wo immer möglich uf d'Poscht z'verzichte (bim digitec holi z.B. d'Waar jetzt amigs ab), aber anderi Parteie benutzed d'Poscht nach wie vor. Und bi Amazon chasch ja schlächt s'züüg go abhole.

Sozial-Netzwerk Benutzer im ganze Schwiizer Internet: lähned eu uf!!!
En Shitstorm gäge d'Poscht würd no meh negativi Schlagziile mache.
Vilicht merkeds dänn, dass es langsam ade Ziit isch, d'Qualität vo ihrem Hauptgschäft z'verbessere, anstatt ständig Koschte z'sänke und zunnere Eierlegende Wollmilchsau z'mutiere.

ich han dihei also absolut null problem mit dä poscht.... zum glück.

vilicht isch das quartier-bedingt? ich wohne im multi-kulti quartier zh affoltere. vilicht isch das so chli, wie in italie und affoltere isch neapel.

trotzdem: SHITSTORM!!!

Skeletor hat geschrieben:ich han dihei also absolut null problem mit dä poscht.... zum glück.

Keini Problem hie. Zum Glück.

Ich hasse d'Post sit ca. 12 Jahr.

Ou immer poschte, bloedsinn.

Mues go en Shit setzte. Hoffe es wird kei Storm.

bitte höred uf mit dem "shitstorm". jede farking artikel bruucht das wort für nütundwiedernüt.

feeshlee hat geschrieben:vilicht isch das quartier-bedingt?

Nid nur villicht, sondern zimlich sicher zumene grossä Teil. Natürlich chönd (und tüend) strukturelli Problem bi de Poscht au diä einzelne Pöschtler dezuä verleitä (oder gar zwingä) ihrä Job nid so guet zmachä wiäs gern würded. Druck, Stress, zwenig Zit, zwenig Pausä usw.

Evtl. isch natürlich das vo Quartier zu Quaritier andersch. Zuäsätzlich schafft aber bi mir z.B. jo au nid de glich Pöschtler wiä bi dir. Das chönt doch au no en Grund sii, werums bi mir super isch mit de Poscht, und bi dir nid. Z.B. dass Briefe falsh igworfä werded isch ehnder es Zeichä für en Pöschtler wo nid läsä chan. Dass nid Lütet und warted chan mit em Ziitdruck zämähängä, oder villicht au miteme Pöschtler wo eifach kei Bock hed.

Isch also nid so klar, weni dich wär würdi eifach mol de Poscht sägä was lauft, evtl. wüssed diä das jo gar nid.

dine pöschtler isch eifach eine vo dene 2 millione arschlöcher wo sich e dräck um die andere kümmeret.

mer hend z chriens au mol sone fuule siech gha wo nie glütet het, abholiladig immer direkt inegrüert. hanems 2 mol gseit. nachem dritte mol hane schriftlich agschwärzt inkl bestätigung us de nachberschaft. nach es paar wuche hane nümm gseh.

scheissschtürme nützt nüt, muesch mit de richtige lüüt rede oder ebe schriftlich.

zwirrlibatz hat geschrieben:bitte höred uf mit dem "shitstorm". jede farking artikel bruucht das wort für nütundwiedernüt.

in mathe bin ich deko

Fasse zäme: wüll din pöschteler tumm isch und de blick abe was schlechts behauptet wosch en scheiss sturm?


Lolzen

lolzen indeed.

emP hat geschrieben:Fasse zäme: wüll din pöschteler tumm isch und de blick abe was schlechts behauptet wosch en scheiss sturm?


Lolzen

muessi am emP mau rächt gäh!
was cha d'firma derfür wenn dr tubel nid cha läse und dr brief i falsch briefchaschte wirft? :typej:

ja guet, ich bi zwar mit em service vode poscht au je länger je unzfriedner.
vor allem wenn ich aposcht zahle und bposcht bechume, das regt mi uf!
9 franke für es dumms päckli und de isches 1 wuche underwägs.
isch nöd nur zweimal vorcho...

Masatshi hat geschrieben:isch nöd nur zweimal vorcho...

ooouu, shit !!

scheisse !!!
natürlich hämmer scho mehrfach reklamiert.
aber mich regt nöd nur euse pöschtler uf, sondern, wie die ganz bude funktioniert: ide letschte jahr isch s'briefvolume drastisch gsunke. immer meh korrespondenz lauft elektronisch. aber anstatt sich dä technologische wiiterentwicklig ahzpasse und vilicht emal umzdänke, verwandlet sich d'poscht ine kiosk, reisebüro, bistrot, bank, etc...
es isch für mich durchuus verständlich, dass d'gebühre ufegönd, aber d'qualität chönt dänn wenigschtens gliich bliibe. ich verstahn au, dass gspart wird - au bim personal, aber das isch kän freipass irgendwelchi penner ihzstelle und däne dänn alles duregah z'lah. mi sind sicher nöd die einzige, wo sich scho beschwert händ.

wänns nöd so tür wär würdi am liebschte es postfach bide poschtstell ha und per e-mail oder sms informiert wärde, wänn was da isch. aber offebar isch sones fach türer, als dä pöschtler uf dä wäg schicke.

:gaggischturm:

feeshlee hat geschrieben:wänns nöd so tür wär würdi am liebschte es postfach bide poschtstell ha und per e-mail oder sms informiert wärde, wänn was da isch. aber offebar isch sones fach türer, als dä pöschtler uf dä wäg schicke.

sie teste im Moment öppis ähnlichs wie d Packstation ds Dütschland. Aber wieso wotsch denn es sms wenn öppis im postfach isch? do würdsch schier jede tag es sms übercho.

das isch REIN Persone abhängig!
de einti päcklima bi eus isch de Hammer, immer ultra fründlech, sehr genau und zuverlässig!
die 4-5 wuche im jahr woner ide Ferie isch, sind d'höll!
de wixer het letscht summer mis neue Retinabook DUSSE stah lah! was für en idiot! und das bime "packet mit Unterschrift"

ganz e unsympatischi firma

post usträge. ich chönts mer no für es zitli vorstelle wenn dä lohn easy isch.

h4xX0r hat geschrieben:ganz e unsympatischi firma

firma isch viellicht scho chli zviel gseit.