The(G)Forum

Update:
De ersti Trailer isch online. Bitte luege und wiiter schicke!
http://thegamehaschanged.info/" onclick="window.open(this.href);return false;


Ich hans bereits imene andere Topic mal aakündet, ich bin für mini Bachelorarbet grad anere Webdoku dra. S'Ziel vo de Doku isch usezfinde öb Games Kunst sind und zwar nöd in aalehnig an Ebert sini Quotes und Blogieträg au wenn die sicher mal erwähnt werded. Das ganze wird mit found Footage uus Games und mit Animatione meinerseits gmacht und falls erträglich vo mir gsproche. Das ganze söll en ähnliche Stil becho wie Everything is a Remix vom Kirby Ferguson eifach miteme völlig andere Thema.

Da ich i dem Forum mit Abstand am meiste verankeret bin und da ine minere Meinig nah au einigi Lüüt sind wo ä gliichi oder ähnlichi Passion für Videogames teiled wie ich, würd ich das Topic gern dezue benutze zum Meinige und Informatione z'sammle. Momentan bini no am recherchiere, wirde aber bald demit aafange de Text und s'Storyboard für die erst Episode aazfange. Am Schluss sötted drü Episode entstah wo amene Laie Videogames als Medium nöcher bringe sölled aber au Nerds wo "deep into videogames" sind unterhalte.

Also wenner interessanti Links, zu Artikel, Videos, Diskussione, Bilderdatebanke oder was au immer hend, denn posted die doch da ine oder schriebed mir ä PM. Jede Artikel wo drüber redet, dass Games meh sind als nume Spiel sind interessant für mich. S'Wort Kunst mues nöd falle und au ich wird vorsichtig mit dem Wort umgah.

Danke für alles woner posted, sogar für

game = spiel

Für mich sinds halt definitiv meh.

Da schomal zum chli in Stimmig cho:
http://www.youtube.com/watch?v=K9y6MYDSAww" onclick="window.open(this.href);return false;

ish retro au nen thema?

Tatsujin hat geschrieben:ish retro au nen thema?

Sicher, sogar sehr. Wennd Links häsch zu alte Interviews oder Spritedatebanke usw. ane demit!

Supersonic hat geschrieben:Für mich sinds halt definitiv meh.

grad is Video inegluegt, ich muss flower mal spiele

Supersonic hat geschrieben:S'Ziel vo de Doku isch usezfinde öb Games Kunst sind....

Das Ziel isch unmöglich z erreiche, wils kei Antwort uf die Frag git, nie.

Für die einte isches Kunscht, für die andere nid. Kunscht isch alles und nüt.
Es wird wahrschinlech e philosophischi Doku, wenn mer sich ärnschthaft mit dere Frog wett usenandsetze.

Herr Rossi hat geschrieben:

Supersonic hat geschrieben:S'Ziel vo de Doku isch usezfinde öb Games Kunst sind....

Das Ziel isch unmöglich z erreiche, wils kei Antwort uf die Frag git, nie.

Für die einte isches Kunscht, für die andere nid. Kunscht isch alles und nüt.
Es wird wahrschinlech e philosophischi Doku, wenn mer sich ärnschthaft mit dere Frog wett usenandsetze.

Genau das wirds und dem bin ich mir bewusst. Wie au gseit, gahts drum Videospiel über de Status vo "Spiel" usezhebe. Es sött ä nostalgischi und uufklärendi Doku werde.

de kurier hed chürzlech über s museum of modern art ny brichtet.

http://www.moma.org/explore/inside_out/ ... r-starters" onclick="window.open(this.href);return false;
http://kurier.at/kult/sind-videospiele-kunst/1.601.433" onclick="window.open(this.href);return false;

da heds au paar interessanti artikel zum schtöbere:
http://www.digitalmeetsculture.net/" onclick="window.open(this.href);return false;

Herr Rossi hat geschrieben: Das Ziel isch unmöglich z erreiche, wils kei Antwort uf die Frag git, nie.

Im Gägeteil: Es git mehreri Antworte uf die Frog. Kunscht isch grundsätzlech Definitionssach, also wennme umsverrecke wott dass Games Kunscht sind (was au immer me sech denn vo dem Status erhofft) wähltme eifach en Definition vo Kunscht wo Games dri passed. Denn hättme d Frag mit "JA" beantwortet.

Ahja Maru, überlegg der evtl. ob "Games" als einheitleche und sehr vage Überbegriff für sones vielfältigs "Medium" überhaupt bruchbar oder doch ehner irrefüehrend isch. Wennme der Begriff "Game" wott bruuche, denn mues eim eifach bewusst sii, dass Tetris imene völlig andere Sinn es "Game" isch als Metal Gear Solid imene völlig andere Sinn es "Game" isch als Journey. Also bevor d Frog ob Games jetz Kunscht si oder nid für dich sälber sinnvoll chasch beantworte (obwohl ebe, d Frog isch denn was das jetz bringt wennme Games als Kunscht akzeptiert), muesch vilech für dich definiere was du ungereme Game verstohsch und ob und wie sech elektronischi Games denn vo andere Spielforme unterscheide.

Also die vorläufigi Antwort uf dini Leitfrag wär denn: Chunnt rein uf d Definitione vo "Kunscht" und "Game" ah. Und vo beidem gits ganz jewils ganz vieli, mal plausibleri, mal weniger plausibleri.

Wie gseit, de Zämehang mit Kunscht isch eher d'Herleitig. Scho ide Ebert Diskussion gits ä Definitionsschlacht und uuf die wotti nöd lang iegah. Aber das wo du über verschiedeni Games seisch, gsehn ich genau gliich. Tetris und Journey lönd sich unmöglich mitenand vergliiche. Minere Meinig nah isch de Begriff "Game" inzwüsche sowieso nüm ziitgemäss für einigi Titel. Es gaht nämli nöd i jedem Game primär ums günne. Es gaht immer hüüfiger drum ä komplexi Gschicht z'verzelle und drum Emotione z'erwecke. Das es Game es Endi hett mues no lang nöd heisse, dass mer s'"günne" chan/mues.

Supersonic hat geschrieben:Wie gseit, de Zämehang mit Kunscht isch eher d'Herleitig. Scho ide Ebert Diskussion gits ä Definitionsschlacht und uuf die wotti nöd lang iegah. Aber das wo du über verschiedeni Games seisch, gsehn ich genau gliich. Tetris und Journey lönd sich unmöglich mitenand vergliiche. Minere Meinig nah isch de Begriff "Game" inzwüsche sowieso nüm ziitgemäss für einigi Titel. Es gaht nämli nöd i jedem Game primär ums günne. Es gaht immer hüüfiger drum ä komplexi Gschicht z'verzelle und drum Emotione z'erwecke. Das es Game es Endi hett mues no lang nöd heisse, dass mer s'"günne" chan/mues.

Gsehni ähnlech. Vo däm här würds vilech Sinn mache, das gad relativ früeh i dim Projekt klarzstelle für es uninformierts Publikum (und du zeigsch glichzitig dass nid gewillt bisch das Thema ufne vereifachendi und oberflächlechi Art azgoh, wie das leider i de meischte söttige Diskussione gmacht wird). Im Ändeffekt isches ja bi "Games" ähnlech wie bi vilne angere "Medie": Erschtens isch d Vielfalt z gross um akkurat und einheitlech erfasst z wärde (bzw. en einheitlechi Abhandlig würd fälschlecherwiis vomene uniforme und klar definierte Medium usgo), zweitens gits innerhalb vo dere grosse Vielfalt sicher vil Wärch wo me (je nach gwählter Definition) als Kunscht chan aluege, und drittens handlet sechs bi de meischte devo wohl um rächt irrelevanti/schlächti Kunscht. Halt ebe wie i de meischte Medie. Sturgeon's law.

Herr Rossi hat geschrieben:

Supersonic hat geschrieben:S'Ziel vo de Doku isch usezfinde öb Games Kunst sind....

Das Ziel isch unmöglich z erreiche, wils kei Antwort uf die Frag git, nie.

Für die einte isches Kunscht, für die andere nid. Kunscht isch alles und nüt.
Es wird wahrschinlech e philosophischi Doku, wenn mer sich ärnschthaft mit dere Frog wett usenandsetze.

ich bhaupt jetzt eifach mal frech, es isch sogar en sinnlosi diskussion ohni mehrwert. sondern mit möchtegernphilogschwafel fürs ego. abr vill glück bi de bachelorarbet.

Supersonic hat geschrieben: Minere Meinig nah isch de Begriff "Game" inzwüsche sowieso nüm ziitgemäss für einigi Titel. Es gaht nämli nöd i jedem Game primär ums günne. Es gaht immer hüüfiger drum ä komplexi Gschicht z'verzelle und drum Emotione z'erwecke. Das es Game es Endi hett mues no lang nöd heisse, dass mer s'"günne" chan/mues.

Ganz Grundsätzlich het dr Sephi scho viel guets gseid. Allerdings glaub ich, dass das wo er und jetzt viellicht ich vorschlaa, vermuetlich zu «akademisch» isch. Ich mein das jetzt nüd herabsetzend, sondern es isch eher so, als öb en Arzt sich bi Biologe Tipps holt: nur wil beidi was mit lebendige Organisme ds tue hend, heisst das no lang nüd, dass me inere Arbeit de Aasprüch vo beide Diszipline chan und mues grecht werde.

Grad bi dem Satz zeigt sich das: als Philosophiestudent würd ich jetzt druf hiiwiese, dass dr «Game» Begriff no nie nur um e Beschäftigung gange isch, wo me gwünnt: das zeigt dr Wittgenstein bereits ide «Philosophischen Untersuchungen» von ca. 1960. (Biispiel: das Kind spielt mit der Puppe. Det gahts au nüd um gwünne und sicher isches nüd ide Idee vom Hersteller, primär Emotione ds wecke).
Dr Spielbegriff isch also scho sit jeher sehr breit und das isch nüd erscht sits Computerspiel git so.

Grad i dem Zämehang mues me au no druf hiiwise, dass dr Begriff «Gschicht» im ne Game ebefalls sehr viel chan heisse. Gschichte sind primär mal vom end her denkt determiniert. Es staht fescht, wes usgaht.(Ja au bi mehrfache end). Spiel sind eher was, wo vom Usgang her offe sind. Gschicht in Games chan jetzt dasjenigi sii, wo du als Spieler tatsächlich erlebsch (denn isch Gschicht vom Mario eini, wo er 100 mal stirbt bis er d Prinzessin rettet). oder aber sich nur uf dasjenige beschränke, wo als Inszenierig vo de Erzählig im Game vorhande isch. All die Sache sind ide Fachliteratur bereits zimli usfüehrlich diskutiert worde.

Die Ebert Diskussion würd ich (we gseid, als eine wo ken Film mues mache, sondern 20 Siite fülle) jetzt inere Arbeit gar nüd erwähne. Sie isch es diskursivs worst case szenario wo sehr viel vo de Beteiligte Statements im Sinn vo «Also ich find…» ines Vakuum use blased. Fascht niemer het sich det uf die aktuell Forschig zum Thema Videospiel bezoge, will sie vermuetlich niemer kennt.

Obwohl sich unter ere historische Sicht säge laht, dass dr Kunschtbegriff sehr wandelbar isch, halt ichs für usgschlosse, dadurch ds Schlussfolgere, Kunscht seg was «beliebigs». Au da gits im akademische Umfeld wiitreichendi Literatur. Es zeigt sich allerdings, dass die Frag, was Kunscht isch, oftmals zruggstellt wird zugunschte vonere Analyse vo Einzelwerch.

Und genau so würd ich au vorgaa: ich würd einzelni Games uf ihre narrative Ghalt undersueche. Oder versueche nach ds zeichne, was mit «Gschicht» im ne Spiel alles chan gmeint sii (Möglichkeit 1 wer sowas we e Sammlig vo Ereignis vom Spieler, Möglichkeit 2 fasst alli narrative Element vom Sipel zäme).

Für die narrative Element ds undersueche eignet sich Theoriegebäude vom Russische Strukturalismus sehr guet: Vladimir Propps «Morphologie des Märchens» z.B. will in Game-Erzählige hüüfig mit ganz starche Figure und Trope garbeitet wird.

No was letschts: Es git Künschtler, die verwendet Games. Das findi wiederum richtig spannend: dr eini het en Duke Nukem Mod gmacht, in dem dure Louvre spaziersch mit dr Shotgun und es passiert eifach nüt. En andere het d Gägner usemene Shoot 'em Up useglöscht und du Flüügsch dur die zerstörte Landschafte vo öppernem, wo ds Game quasi scho dure gspielt het etc. etc.
Det würd ich säge: sind zu 100% Kunscht, will sie im Museum gsehsch und sie daher im ne gwüsse diskursive Umfeld gsehsch, und du chasch sie im Mediamarkt nüd chaufe. (Lach nüd, das isch tatsächlich e zimli guet verteidigbare Kunschtbegriff, wo da zum Zug chunnt). Duchamp lässt da natürlich grüssen. Da chunnt mer grad in Sinn: filicht laht sich was us sim «Retinale Kunschtbegriff» mache...

thaeye hat geschrieben:

Herr Rossi hat geschrieben:

Supersonic hat geschrieben:S'Ziel vo de Doku isch usezfinde öb Games Kunst sind....

Das Ziel isch unmöglich z erreiche, wils kei Antwort uf die Frag git, nie.

Für die einte isches Kunscht, für die andere nid. Kunscht isch alles und nüt.
Es wird wahrschinlech e philosophischi Doku, wenn mer sich ärnschthaft mit dere Frog wett usenandsetze.

ich bhaupt jetzt eifach mal frech, es isch sogar en sinnlosi diskussion ohni mehrwert.

ich behaupte das au.

Uriel hat geschrieben:....

Was für e sagehafte Bullshit.

Herr Rossi hat geschrieben:

Uriel hat geschrieben:....

Was für e sagehafte Bullshit.

Ah ja: ich han jetzt die Literatur grad wieder gfunde, wo mir damals bi de Diskussione mitem René Bauer vo de ZHdK als Grundlag benutzt hend. Es isch leider scho es biz aagstaubt, filicht nützt drs ja trotzdem was:

1. The medium of the video game. Mark J.P. Wolf (ed.) Texas 2001.
2. Grenzen spielerischen Erzählens. vom Klaus Walter. Siegen 2002.

Herr Rossi hat geschrieben:

Uriel hat geschrieben:....

Was für e sagehafte Bullshit.

Im Gägesatz zu dim nützleche und präzise statement?

Für die einte isches Kunscht, für die andere nid. Kunscht isch alles und nüt.

Uriel hat geschrieben: Und genau so würd ich au vorgaa: ich würd einzelni Games uf ihre narrative Ghalt undersueche. Oder versueche nach ds zeichne, was mit «Gschicht» im ne Spiel alles chan gmeint sii (Möglichkeit 1 wer sowas we e Sammlig vo Ereignis vom Spieler, Möglichkeit 2 fasst alli narrative Element vom Sipel zäme).

D Frog isch i dere Hinsicht ou bitz inwiefern füre Maru der Kunschtghalt oder de künschtlerisch Wert vo Spiel (wo ja sini Leitfrag darstellt) überhaupt vo narrative Elemänt abhängig isch, bzw. demit in Verbindig stoht. Mues ja nid zwingend der Fall si, obwohl... stimmt scho, dass die meischti Kunscht im Endeffekt au uf die eint oder ander Art narrativ isch. Und wägem akademische fokus hesch natürlech ou rächt. Da chunnts bitz drufah was für en BA der Maru macht, bzw. i ha natürlech ke Ahnig obs da primär ufd Präsentation oder ufe Informationsghalt achunnt. Was isch das für e Studiegang, Maru?

Falls dich effektiv d Art und Wiis wie Spiel Gschichte verzelle interessiert, hie no es paar witeri Literaturtipps woni rächt nützlech ha gfunge. Achtung, einigi sind bitz veraltet aber sicher glich interessant grad wills teilwis am Ziel verbi schiessed. Und natürlech merksch amigs sofort wenn irgend en AkademikerIn am Wärch isch wo überhoupt nüt vo Games verstoht und sech als ussestehendi Person a das Thema wagt. Ou das cha ufne Art ufschlussriich sii. Ahja, ar Marie-Laure Ryan ihres züüg isch rächt easy:

Aarseth, Espen J. Cybertext: Perspectives on Ergodic Literature. Baltimore: Johns Hopkins
UP, 1997. Print. (Veraltet, aber en Klassiker)

Grey, Sarah Cameron Loyd. “Dead Time: Aporias and Critical Videogaming.” Symplokē
17.1-2 (2009): 231-246. Print. (En Analyse vo Shadow of the Colossus wo zwar im Asatz spannend aber teilwiis bitz churzsichtig isch)

Kirkpatrick, Graeme. Aesthetic Theory and the Video Game. Manchester: Manchester UP,
2011. Print.

Kocher, Mela. Folge dem Pixelkaninchen! Ästhetik und Narrativität Digitaler Spiele. Zürich:
Chronos, 2007. Print. (sicher eis vo de usfüehrlechschte und aktuellschte Wärch zur Narrativität vo Games, und dezue no us der Schwiz - primär interessant wenn dich au für Rezeptionsprozässe interessiersch)

Kücklich, Julian. “Narratologische Ansätze – Computerspiele als Erzählungen.” Wie Wir
Spielen, Was Wir Werden: Computerspiele in Unserer Gesellschaft. Ed. Tobias Bevc and Holger Zapf. Konstanz: UVK Verlagsgesellschaft, 2009. 27-48. Print. (Teilwiis bitz blöd/uninformiert, aber en guete Iblick id Forschig)

Louchart, Sandy, and Ruth Aylett. “The Emergent Narrative Theoretical Investigation.”
Proceedings of the Narrative and Interactive Learning Environments Conference, NILE04. Edinburgh: 2004. 25-33. Print.

Ryan, Marie-Laure. “Beyond Myth and Metaphor: Narrative in Digital Media.” Poetics Today
23.4 (Winter 2002): 581-609. Print.

---. “From Narrative Games to Playable Stories: Toward a Poetics of Interactive Narrative.”
StoryWorlds: A Journal of Narrative Studies 1 (2009): 43-59. Print.

Vorderer, Peter, and Jennings Bryant, eds. Playing Video Games: Motives, Responses, and
Consequences. Mahwah: Lawrence Erlbaum Associates, 2006. Print.

Washburn, Dennis. “Imagined History, Fading Memory: Mastering Narrative in Final
Fantasy X.” Mechademia 4 (2009): 149-162. (wider en analyse vomene einzelne Game, i däm Fall FFX)

Sephi hat geschrieben: Kocher, Mela. Folge dem Pixelkaninchen! Ästhetik und Narrativität Digitaler Spiele. Zürich:
Chronos, 2007. Print. (sicher eis vo de usfüehrlechschte und aktuellschte Wärch zur Narrativität vo Games, und dezue no us der Schwiz - primär interessant wenn dich au für Rezeptionsprozässe interessiersch)

Genau bi ihre hani anno dazumal en Kurs bsuecht gha. Schad hends ade UZH ihri Forschig nüm wiiter finanziert.

Uriel hat geschrieben:

Sephi hat geschrieben: Kocher, Mela. Folge dem Pixelkaninchen! Ästhetik und Narrativität Digitaler Spiele. Zürich:
Chronos, 2007. Print. (sicher eis vo de usfüehrlechschte und aktuellschte Wärch zur Narrativität vo Games, und dezue no us der Schwiz - primär interessant wenn dich au für Rezeptionsprozässe interessiersch)

Genau bi ihre hani anno dazumal en Kurs bsuecht gha. Schad hends ade UZH ihri Forschig nüm wiiter finanziert.

Ischsi mittlerwile a der ZHdK tätig?

Uriel hat geschrieben: Det würd ich säge: sind zu 100% Kunscht, will sie im Museum gsehsch und sie daher im ne gwüsse diskursive Umfeld gsehsch, und du chasch sie im Mediamarkt nüd chaufe. (Lach nüd, das isch tatsächlich e zimli guet verteidigbare Kunschtbegriff, wo da zum Zug chunnt).

Recht e truurigi Ussag eigentlich, aber vermutlich nid mal falsch.