The(G)Forum

welles findsch de besser TRON film und werum?

isch das ärnscht gmeint ?

logisch original will kult! Legacy isch aber amüsant! aber de het widr das ORANGE/BLUE problem wie vill neueri Filme

viel finde de Legacy ebe de besser film, drum hani mal welle fröge weis da ine so drum staht

ja das mit em T'n'O isch scho es problem, sälbscht in 100% CG generierte filme wie mer muess bemerke

was? ich han de legacy nöd mal fertig gluegt, will er so grotteschlecht isch.

dä alt isch dä bescht film jemals will isch de alt. det händs nämli no film mit liebi gmacht zum film mache, hüt isch alles dumm und mainstream und seelelos und cgi.

de alt isch Kult. dem reicht niemer s'Wasser.

isch bi viellne alte film so... oder kennsch es remake wo besser isch als s'original?

Shadow hat geschrieben:oder kennsch es remake wo besser isch als s'original?

ja. einigi. de neu tron isch aber es sequel. und sequels gitts au vieli wo besser sind als die erschte teil. usser bi Alien.

lol, da gib am zwirrli sogar mal i allem rächt.

btw. das söll keis "früener isch alles besser gsi" toppen si.

nimmt mi eifach nur wunder, wiels würkli na viel, vor allem grad im amiland, git wo dem behaupte.

Tatsujin hat geschrieben:lol, da gib am zwirrli sogar mal i allem rächt.

sogar i dem: "dä alt isch dä bescht film jemals will isch de alt. det händs nämli no film mit liebi gmacht zum film mache, hüt isch alles dumm und mainstream und seelelos und cgi."

d'lüüt vergässet immer wieder de konteggscht. die lüüt wo (um bim tron als biispiel zbliibe, chönntsch aber grad au zum star wars überenäh) de neu Tron supriger finde, sind wohl gröschteteils lüüt wo de alt nöd damals als zwölfjährige gseh händ und drum vilech sogar - oh schreck - objektiver sind.

Ich find beidi gliich guet..

Tron isch eifach nur Kult und hät damals än interessante Aspekt vo Computer ufzeigt. D'FX sind für damaligi Ziite super gsi chünd aber logischerwiis nüme mit de hütige Ziit konkuriere.
Tron Legacy isch halt äs klassisches Sequel aber trotzdem chan mich d'Story überzüge. Spannend macht dä Film aber sicher au die neue CGI FX. Wen hät's nöd wunder gnah, wie die neue Light Racer oder die Flugdinger im neue Film usgsehnd?

zwirrlibatz hat geschrieben:

Tatsujin hat geschrieben:lol, da gib am zwirrli sogar mal i allem rächt.

sogar i dem: "dä alt isch dä bescht film jemals will isch de alt. det händs nämli no film mit liebi gmacht zum film mache, hüt isch alles dumm und mainstream und seelelos und cgi."

d'lüüt vergässet immer wieder de konteggscht. die lüüt wo (um bim tron als biispiel zbliibe, chönntsch aber grad au zum star wars überenäh) de neu Tron supriger finde, sind wohl gröschteteils lüüt wo de alt nöd damals als zwölfjährige gseh händ und drum vilech sogar - oh schreck - objektiver sind.

ah nei, hans natürlich nur uf din vorherig poscht bezoge gha

aber au du weisch, dass au ich noii filme guet tuen finde. und das es hüt genau so gueti filme git, wo früener so nöd möglich gsi sind wie ebe au umgekehrt es früener filme geh het, wo hüt nüme möglich sind so ds mache.

muess dä neu trön demfall nomal luege... lol

Tatsujin hat geschrieben:aber au du weisch, dass au ich noii filme guet tuen finde. und das es hüt genau so gueti filme git, wo früener so nöd möglich gsi sind

dene film sin name isch bond, james bond.

wie ebe au umgekehrt es früener filme geh het, wo hüt nüme möglich sind so ds mache.

das stimmt so nöd. "nüme so gmacht wie früehner" werde nur d'blockbusteractionfilm us amerika aber ok, i dem forum da ine exischtiere i allne diskussione und topics und argumentationsbiischpiel fasch usschliesslich die plus paar hongkong schlegifilm und no en rändem ghibli.

Der alti Tron isch unerreicht. Punkt.

Der Legacy isch au sehr guet und muesch gseh ha, aber nume als Techdemo. Gseht super us und tönt geil. Am beste luegsch ne im Imax. Und wenn das nid geit de uf jede Fall mit bluray, beamer und sound voll ufdreit. So fahrts huere i. Ohni Technikzauber blibt vom Legacy leider nüt übrig. D Story chasch spüehle und die paar Schauspieler vor de Bluescreens au.

herti Fakte, plausibel erchlärt:

Avenger hat geschrieben:Der alti Tron isch unerreicht. Punkt.

Reinforced hat geschrieben:logisch original will kult! Legacy isch aber amüsant!

Dr Legacy het es zimli vielversprächende Aafang. Me het dr Iidruck, dass da öpper sich ernsthaft drum bemüeht het, us de Prämisse vom Film was aaständigs ds mache. Denn wirds allerdings streckewiis ganz übel.

Demgegeüber staht dr Soundtrack vo Daft Punk. Es het einigi subtili Eigeschafte i dene Tracks, wo richtig clever sind: dr Bass z.B. faht mitemene pompöse, irgendwie analog tönende "Bam!" aa, und driftet (oder zerfallt) langsam in Richtig 8-Bit Chiptune. Darus ergit sich irgendwie sone Art «Digitalisierigseffekt», wo parallel zur Story verlauft, in dere es ja darum gaht, dass Mensche digitalisiert werded und vice versa
ich finds, we alles, wo sich um Musig dreiht, wieder mal schwierig zum beschriibe. Filicht müest ich mal en soundschnipsel uf soundcloud lade, damit me besser verstaht, was ich mein.

Egal: dr Soundtrack isch uf jede Fall nüd nur besser sondern au intelligenter als der Film, wo da und det zwar richtig clever inszeniert isch, aber leider denn doch nüt anders drus macht als halt im ne Popcorn Film möglich isch.

Gsehnich ziemli glich. Vom aafang bini meh als nur weg gsi.
Richtig mega to max. Und d erwartige voll uebertroffe.
Nacher ischs teils raecht abgflacht und het irgendwie nueme meh choene zieh.
Alles im ganze aber en sehr guete lueg. Vor allem wiels au fuer einisch meh als nur sinn ergit,
sich als zueschauer inere 100%ige cgi waelt uufzhalte.

Ich han s'Sequel nöd gseh, aber de erschti Teil hätt de David Warner (sogar mal drü! ) und s'Sequel soviel ich weiss nöd, drum isch de Fall da so klar wie en Fall nume klar si chan.

Finde ihn im Fall ä huere super dupper Schauspiler! Nume so zum säge...

eine vo de beschte "böse" wo je hets gits

tron legacy isch super, vorallem mit em sound!
volle pulle ufdreie und es gaht sehr guet ab!

de alt isch natürlich kult, vorallem weme na erinnerige dran het womene als chline büebel gseh het

Erinnerige...Das schwarze Loch...

oh, muss ich ja auch noch lugn

General Schaden hat geschrieben:oh, muss ich ja auch noch lugn

lol, immer noch nich?

Lueg. Nimmt mi wunder wie de Film ohni Nostalgiebonus würkt.