Autoversicherig = Nazis

[Shadow]

So... Fass isch voll. lol.

Geschter en Brief übercho vu minere Autoversicherig (Zürich Connect), will ich i de letschte 2,5 Jahr 3 Parkschäde (nöd würklich tüüri, glaub 1000.-/Schade) gha han (alli nöd durch mich verschuldet, Fahrerflucht, am Arbetsort) und diä natürlich au flicke lah han (Han Vollkasko mit allem drum und dra) händ mir diä Sauhünd jetzt d'Versicherig kündet. Kein andere Vorfall, immer Rechnige zahlt, kei Buesse und kei Uswis Entzüg oder susch was.

s'Beschte drah.... sie chünded d'Versicherig per sofort (10 Täg händs mir gäh, aber de Brief ersch hüt ufgmacht)... kei andere Vorschlag oder susch was.

Skandalös.

dh. ich han kei Vertragsdeckig meh.

Han jetzt mal bim TCS und Generali en Offerte igholt... sind billiger und bütet meh... und beidi händ glachet (!!!) und gseit, dass d'Zürich Connect bekannt für das isch.

d'Frag isch jetzt ob ich das mit minere Rechtsschutz söll aluege und Beobachter/Blick und d'Schwiizer Armee ufbüte söll, oder eifach neui Versicherig mache und vergesse. Zuelässig chan das aber scho nöd sii oder?

bin grad verdammt hässig, huere Abzocker und Sauhünd.

Zürich Connect - FUCK YOU!

[Shadow]

PS: Bin vorher 19 Jahr bi dä Zurich gsi, nie en Schadefall gha...

[mastercello]

d'Frag isch jetzt ob ich das mit minere Rechtsschutz söll aluege und Beobachter/Blick und d'Schwiizer Armee ufbüte söll, oder eifach neui Versicherig mache und vergesse. Zuelässig chan das aber scho nöd sii oder?

Muesch mol de Vertrag düreläse, glaubs chum das die so öppis würde mache wenns ned zuelässig esch!
S'Bescht esch wohl en neue (günstigere) Versicherer z'sueche.

Han s'letscht Mol met de Krankeversicherig Problem gha, als Kund besch eifach immer s'Poulet.
Wemmer de Seich ned obligatorsich müesst ha (Auto, Kranke, Unfall etc.) den würdets d'Kunde evtl. chli anders behandle.

[Supersonic]

Isch absolut zuelässig. De Versicherigsnehmer und d'Versicherig därfed i JEDEM Schadefall de Vertrag uuflöse. Gründ muesch kei Aageh, dass isch überall eso, staht i jedere AVB und das macht au jede Versicherer, au d'Generali und sicheru de TCS.
Chundetreui isch de Versicherig völlig egal, die handled ganz chüehl und wenn s'Gfühl hend das en Chund sie meh chosted als das sie ieneh chönnted (Wie wemer ide letschte paar Jahr i jedem Jahr en Schadefall gha hett) denn spickeds en, ohni wenn und aber.

Verstah völlig dasd hässig bisch aber so laufts überall. Darum günstigeri Versicherig sueche und wiiter fahre. Gahsch eifacher dur s'Lebe anstatt die uuf z'rege
Schlimm wirds denn wennd soviel Schadefäll gha häsch das die niemerd meh wott und denn muesch zueteilt werde vo de Versicherigskommission.

[Shadow]

mhm.... ok. grrrrr...

ich han ja gar kein unfall gha.... anderi idiote sind i mis auto inegfahre. darum regts mi so uf.

aber isch wohl so, auge zue und neui mache.

Weles isch diä günschtigscht/bescht gemäss eune erfahrige (comparis kenni, aber d'Erfahrig isch ja was anders als comparis seid)

[Herr Rossi]

eifach neui Versicherig mache und vergesse

das

[geosnow]

s auto verchaufe und mit em skate go schaffe.

[Marco_in_motion]

Lando ich schaffe bi de Zurich und känne es paar Lüüt vo de Connect.

Wändt wotsch chan ich das mal ahluege und wiä de Cello seit : Wänns nöd zuelässig wär, chönnteds das nöd mache.

Di normali Vorgehenswies wär jedoch : Nach Schadefäll i regelmässige Abständ -

1. De Chund chunnt en Ihgschribne Brief über wo drinstaht das nachem NÄCHSTE Schadefall dini Police saniert wird. d.h das dänn en neue Vertrag ufgsetzt würd werde wo dänn neu
en erhöhte Selbstbehalt im beträffende Risiko zum träge chunnt falls ime gwüsse Ziitruum wieder so en Parkschade ahmäldisch.
2. Häsch dänn aber au d'Möglichkeit z'chünde.
3. Wämmer nöd reagiert innert ere gwüsse Frist heisst das für d'Versicherig dases für dich so ok isch und änderet de Vertrag und schickt Dir das Dokument zue.

Bis mer würklich öpper userüehrt nur willer Schadefäll hät bruuchts enorm vill ämal bi Zurich.
Am schnällste weg vonnere versicherig ischmer wämmer d'Rächnig nöd zahlt, dänn nimmt en riese Zyklus sin Lauf bis zum Kontrollschildentzug, das ganze gaht öppe es
halbs Jahr.

[zwirrlibatz]

schja schier wie amigs mit de cablecom.

[Shadow]

Nei schlüsse ab... Han kei nerve. Han scho offerte vu andere.

[Supersonic]

mhm.... ok. grrrrr...

ich han ja gar kein unfall gha.... anderi idiote sind i mis auto inegfahre. darum regts mi so uf.

aber isch wohl so, auge zue und neui mache.

Weles isch diä günschtigscht/bescht gemäss eune erfahrige (comparis kenni, aber d'Erfahrig isch ja was anders als comparis seid)

Öb Schadefall oder Unfall unterscheidets halt nöd
Ich kenn eigentlich nume Comparis, selber Offerte iehole oder bimene Broker go aafröge aber Privatpersone mached das normalerwiis nöd usser sie sind filthy rich. Git aber sicher au dete Möglichkeite.

[zeromeier]

ich han sit jahre auto tcs (basler) und no nie was gha.

ändi das jahr lamer 2 tüüre und hine und vorner de lack flicke.

parkschäde vo anderne lol. vollkasko hani ja für irgendwas.

[Chäller]

Mini ganz Familie isch sit über 10 Jahr bide Züri versicheret und sehr zfriede bis jetzt. En guete Bekannte bearbeitet eusi Verträg und Schadensfäll, drum häts villicht no kei Problem mitene geh.

[Shadow]

Mini ganz Familie isch sit über 10 Jahr bide Züri versicheret und sehr zfriede bis jetzt. En guete Bekannte bearbeitet eusi Verträg und Schadensfäll, drum häts villicht no kei Problem mitene geh.

das chan guet sii.... aber sött eigentlich nöd. huere zweiklasse gsellschaft bi dä Züri

[Chäller]

ROLF! Hör doch uf, nur wills dich breicht hät isch doch nöd die ganz Firma scheisse. Das predigsch ja grad DU immer und immer wieder, siehe CC.

Und skandalös isch a dinere Situation übrigens au nix.

[Jones]

dh. ich han kei Vertragsdeckig meh.

Darüber chasch dir de sorge mache wenn e brief vom StVA bechunnsch mit dr ufforderig, dini schilder ab z'gäh.. U o denn hesch no gnue zyt. Versicherigsschutz erlischt denn ersch ab tag 61...

Wie korrekt erwähnt worde isch, isch das völlig legal. So chunnsch o du jederzyt usere versicherig use...

[resuscitation]

Han au scho lämpe gha mit dä Zürich.. Damals han ich no bi dä Versicherig gschaffet und han MA Konditione gha.. Nachdem ich dört wäg gange bin, han ich mich gwunderet, wieso ich immer no MA Konditione han und han glaubs nach eim oder zwei Jahr mal min Versicherigsfuzzi drüber informiert. Nachem zweite Mal, wo nüt passiert isch, han ich mir dänn gseit, läcked mr doch.. wänn ihr Dubble nöd wänd, isch mir das au rächt.. Plötzlich us heiterem Himmel chunt ä höcheri Rächnig.. ich natürlich grad aglüüte und gfröget, was das söll.. dänn isch dä Kommentar gsi, ich heg no MA Konditione gha und chüni froh sie, das ich nöd no nahzahle müesse.. Uf das abe han ich ihm dänn z'verstah gäh, dass d'Züri z'erscht mal ä Vertragsänderig söll schicke, wänn sich d'Prämie veränderi und sie müessed nöd blöd tue, schliesslich heg ich das zwei Mal mitteilt. Am Schluss isch es uf ä Vertragschündigung vo dä Züri us usegloffe, mit em Hiiwiis, das ich chürzlich zwei Glasschäde gha han..
d'Frontschiibe hät än Sprung gha, well mr bim erschte Mal än Stei vome Laschtwage inegfloge isch und die zweit Schiibe hät eifach nur ä Spannig druf gha und es hät en Riss geh..

Jetzt bin ich au bim TCS (Basler) und total z'friede..

[Shadow]

dh. ich han kei Vertragsdeckig meh.

Darüber chasch dir de sorge mache wenn e brief vom StVA bechunnsch mit dr ufforderig, dini schilder ab z'gäh.. U o denn hesch no gnue zyt. Versicherigsschutz erlischt denn ersch ab tag 61...

Wie korrekt erwähnt worde isch, isch das völlig legal. So chunnsch o du jederzyt usere versicherig use...

Ahhh das isch guete input, danke

[Avenger]

Schwiizer Armee ufbüte

ja, das wär geil. mit bericht vo der front und so.

[Shadow]

mein beileid shadow

LOL

[Marco_in_motion]

huere zweiklasse gsellschaft bi dä Züri

Zweiklasse Gsellschaft bi de Zurich? Nöd das ich d'Connect verteidige würd aber häsch gmerkt das praktisch jedi Versicherigsbuude no en Direktversicherer im Saleskanal hät? Chosted kei Provisione wills kein Ussedienst händ und somit bliibt leider Gottes au d'Beratig uf de Strecki. D'Produkt sind nöd di gliiche und vorallem gits scho garnöd di ganz Palette.

Warum gitts eigentlich so Direktversicherer? Wägem ständige Priiskampf, gschaffe dur so geili Sieche mit Ihrem Halbwüsse wo's vom Beobachter händ, vo Comparis, vom Kassesturz etc. Aber sälber no niämals diä verdammte Allg. Versicherigsbedingige duregläse wo's zu jedem Scheiss Vertrag überchömed wo's unterzeichned. Genau diä meined dänn das wänns uf Comparis gsehnd das bi de Basler 2k für e Autoversicherig zahlsch und für s'vermeintlich gliiche bi de Axa nur 1200.- dänn händs voll de Deal gmacht. Aber ohni z'läse was für Bedingige a diä Verträg knüpft sind ...lol, ich verstah diä
Muetmassig nöd, wämmer scho so vill Gäld defür zahlt sött mer sich mal mittem Produkt usenand setze als ständig nur go luege wo dasmers billiger chan ha gstützt mit de Behauptig "Versicherige sind ja überall s'gliiche, nur de Priis isch verschide". Und wämmer nöd schnallt was det dtin staht chamer sinere Versicherig ahlüte und nahfräge stell der vor?!
De einzig Grund warum dasmer binnere Connect, Allianz24 etc. unterschriibt isch de Priis und bi de einte no di geili Ihbildig dass Sies besser wüssed als de "Versicherigsfuzzi" Mega oder?

[TypeJ]

ich find Zurich de hämmer! mir hend alles det ussert huusrat..
na nie problem ka!
connect isch dumm aber günstig, vorallem für usländer
sit fraueli aber CH isch, Zurich, bescht!

[randy]

lol, de marco_in_motion isch sicher sälber sone "Versicherigsfuzzi"

[Marco_in_motion]

Ja klar bini das Du Pilz lies wiiter obe det schriibis sogar...

[TypeJ]

er isch min key account manager