The(G)Forum

Han mir Hüt n Mixer kauft. Kriege äbe am Morge nie was fests abe und sött doch was zu mir näh.
So chani wenigstens öpis Flüssigs zmörgele...

Han jetzt gad vorher was probiert:

1 Öpfel
1 Banana
1 Bire
ca. 5dl Magermilchschokodrink us de Migros.

Aber das Züg fuehred so heftig, han nid d Helfti abebracht und es lit au sehr schwär im Mage


Hed eine vo eu n Geheimdrink woner amigs macht?
Sött eifach viel Vitamine und sust no gsunds Züg dinne ha und schnell trinkbar si.

Buccaneer hat geschrieben: 1 Öpfel
1 Banana
1 Bire
ca. 5dl Magermilchschokodrink us de Migros.

Aber das Züg fuehred so heftig, han nid d Helfti abebracht und es lit au sehr schwär im Mage

Liit evtl. am Öpfel und de Birä in Zämmähang mit de Milch...

Ich trink rächt oft eifach Bananä gmixt mit Milchdrink (also weis nid öb das s glichä isch wiä Magermilch, glaub scho... eifach teilentrahmti Milch). Hani sehr gern. Han au scho Öpfel dri to, aber ebä, isch denn echli andersch usä cho (zwar nid schlecht, aber ich glaub de Öpfel hed das ganzä ächli zum Brächä brocht, und im Magä heds au nid ganz so guet harmoniert. Was nid glich uftritt, wemer Öpfel isst und dezuä Milch trinkt.).

Was no en Variantä isch wenn der Bananä nid langed, irgendwelchi Beeri inämischä. Oder nochli Ovi wennsder echli schneller söll ifahrä. Isch beides au nid schlächt. Öper woni känn hed gseit er teig i d Bananämilch amigs no Vanillezucker. Hani au mol probiert, aber isch nid grad mis, bsunders gern hanis nid, und unnötig Zucker dinä.
De Öpfel chasch jo aber au es bitz spöter als solches ässä.

Mousch's Morgen-Mahlzeit:

300g Magerquark
100g Haferflocke
1 Banane
20g Proteinpulver mit Gschmack oder Ovi / Kako
200ml Wasser
5ml Erdnuss Öl

Als Alternative chame au en Öpfel statt Banane (oder beides) inne tue, han emel no nie Magebeschwärde gha. Gfroreni Himbeeri hani au scho inne gworfe, findi aber ganz wüescht, isch när zimmlech suur und vorallem hassi die chline herte dinger wo überal umeschwimme.

I wot scho sid ewigkeite mol afo mr säubr Fruchtsäft mit em Mixer ds mache, has abr bisher no nie gschafft. Debi hedi so en geile Mixer mit Crush-Ice Funktion^^

Han lieber mit Wasser. Milch machts denn amigs mega dickflüssig...

Muess mi glaubs zerst chli a sone Fruchtüberdosis gwöhne...
Han scho ewigs kei Vitamine meh gseh... und denn gad soviel uf einisch... mich hetzt schier verdättscht...


mousch dini Mahlzit isch huere schwär... sicher guet, weni n ganze Tag wott Sport mache. Aber da ich ja eher im Büro umegammle, würd i nach vier füf Täg explodiere wenn i mer das inehaue...



Han ghört im Aldi gäbs "gfrorni Früchte-Mischig" oder so. kennt das eine?

ich känne nur di gfrorne beeri. warm mache und über s'wanillglasse!

mousch hat geschrieben:vorallem hassi die chline herte dinger wo überal umeschwimme.

Mastler(P) hat geschrieben:

mousch hat geschrieben:vorallem hassi die chline herte dinger wo überal umeschwimme.

Genou die liebeni, genou die liebeni, genou die liebeni, genooou die liebeni.

Tatsujin hat geschrieben:

Mastler(P) hat geschrieben:

mousch hat geschrieben:vorallem hassi die chline herte dinger wo überal umeschwimme.

Genou die liebeni, genou die liebeni, genou die liebeni, genooou die liebeni.

grad gmacht:
1/2 früschi Ananas
2 Mandarinli
ca. 0.5 dl früsche Öpfelsaft
Sprützer Bündner Röteli stark

besser als erwartet

blackraini hat geschrieben: Sprützer Bündner Röteli stark

uiuiui, mit dem hani mer au scho t kante geh. finds nüm so dr hit

mini Fründin isch au nüm so fan - usem glicha Grund

Zäme mit Glace oder eifach nur so au super:

Gar nüt. Han kei Mixer.

Buccaneer hat geschrieben:

mousch dini Mahlzit isch huere schwär... sicher guet, weni n ganze Tag wott Sport mache. Aber da ich ja eher im Büro umegammle, würd i nach vier füf Täg explodiere wenn i mer das inehaue...

Naja, längt mr vom 8i bis ca. 10:15...denn hani scho widr Heisshunger.... Wie meinsch Explodiere? D Mahlziit am Morge isch eigetlech di wichtischt..und gliichzitig au die wo am wenigschte asetzt!! Hans es Ziit mit 200g Haferflocke gmacht, aber das isch denn würklech too mutch gsi...schier 3mal am Tag go schisse hanni müesse...

Explodiere... es isch eifach so heftig... wie gseit, ich wür mir das nur vorem Sport inehaue.
Wirdi sicher mir au mal atue. Aber wenn i mir das gad am Morge inhaue, de chumi eifach nid vorwärts. So schwärs Züg zieht mi voll abe.
Nur scho es Müessli mit viel Haferflocke setzt mi usser gfächt...


Jetzt hani n super Kombo gfunde:

1/2 - 1 Kiwi
bizzli frischi Mango
paar gfrorni Waldbeeri
es Mü Wasser.

Es isch super im Gschmack und die gfrorne Beeri möcheds total erfrischend.