The(G)Forum

De puri hass.

wrum ?

Los radio.usem hb chunsch nüme use. 3. Züg cancled worde. Möse de firme chare neh. Süsch chämt i glaubs nüme hei.

isch immer no?

edit::
http://www.20min.ch/schweiz/zuerich/sto ... z-10643121" onclick="window.open(this.href);return false;

Üse Drummer chund au e halb Schtund schpöter id Prob vo Zug. Aber He, suscht isch ja immer pünktlich. Ha in Lappland mol 4 Schtund uf de Zug gwartet. Iisi näh

lieber autofahre oder nobesser piaggio ciao

das problem hends schients siet em morge gha. u bis jetze ned ane bracht. 100m kabel verlege isch halt schients e hertig ufgab. brucht e ganze tag.
katastroph. die durchsage a dem bahnhof. 2 mal in falsche zug glotzt worde. de wieder entschuldiget bzw wäri einscih fascht uf schaffuse ... wills de zug wärend alli gwartet hend das es los gaht (rappi) eifach schnell de zug umgschribe hend. e wüetendi masse het de wieder chöne usstiege. am schluss sind eifach alli peron bis zum bärschte voll gsie u alli hend nume fragendi gsichter gha. lässige fierabig.

lol... wiä wenns niä Problem gäbt uf de Stross, will irgendöpis Schieff gangä isch.
Hed nid do inn grad letschti öper gseit er heig en halbi Ewigkeit brucht zum dur Züri cho, will diä ganz Stadt berstopft gsi isch wägeme Laschter wo es Tunnel gschrottet hed?

Es Tunnel brännt, shit happens. Klar, bim Zugvercher chans villicht sii dass so öpis echli grösseri Uswürkigä hed, wills halt nid so viel Schienä gid wiä Strossä, womer chönt de Vercher umlänkä... defür gits aber widerum wahrschindlich au weniger Tunnel wo chönd brännä. Ghört mer jetzt nid grad jedä Tag.


Bim Autofahrä ischmers sich eifach viel ehnder gwöhnt, wenn widermol noimed en Stross gsperrt oder zumindescht verstopft isch, wägeme Umfall, Steischlag, Baustell oder was weiss ich.

i seg ned das strosse besser sie. i wohne z rappijona. jede wo über de damm mues weiss. aber i find d sbb hät ziemli abgäh i de letschte jahre. ich würd tippe das eifach zwenig chöle it wartig stecket defür ständig neus rollmaterial poschtet. psunder da jahr findi schlimm. aber keh wuche wo i ned min. 10 min verspöhtig oder en zugs usfall ha.

Ja eh... isch au nid an dich grichtet gsi. Problem isch halt sicher au dass wohl eifach chronisch überlaschtet sind. Do blibt denn ebä wichtigs Züg plötzlich uf de Strecki.

Herr Rossi hat geschrieben:Üse Drummer chund au e halb Schtund schpöter id Prob vo Zug. Aber He, suscht isch ja immer pünktlich. Ha in Lappland mol 4 Schtund uf de Zug gwartet. Iisi näh

Über d'SBB närv ich mich, wänn die obere BWL-Charge mit irgendwelche Trottelinitative oder anderer Marketingscheisse umebullshittet statt sich ufs Chärngschäft konzentriered (wobi de Hass natürlich gliichermasse für alli Undernähme giltet). Und dem Team, wo für s'Interface vo de neue Billettautomate verantwortlich gsi isch, wünsch ich nur scho us Prinzip en bsundere Platz i de Höll. Aber sich über sälteni Unpünktlichkeit und no sälteneri Betriebsusfäll ufrege? D'SBB isch in puncto Zueverlässigkeit wältwiit einzigartig und zwar i eme sehr dichte Netz (Mittelland) bzw. aspruchsvoller Gägend (Alperuum). Ich han bisher keis anders Land erläbt, wo de täglichi Betriib trotzdem derart riibigslos und praktisch perfekt ablauft. Isch also scho chli chliinlich, wänn me grad Zeter und Mordio und "mühmühmüh, ich nime ab sofort nume no s'Auto" schreit, wänn's dänn halt doch mal e Störig gitt. Guet, viellicht isch die urschwiizerischi Neigig da grad sofort z'nörgle ja au nume e wiiteri Usprägig vo eme Perfektionismus, wo so öppis wie en SBB überhaupt erst so funktioniere laht wie sie funktioniered

Overdose hat geschrieben:i seg ned das strosse besser sie. i wohne z rappijona. jede wo über de damm mues weiss. aber i find d sbb hät ziemli abgäh i de letschte jahre. ich würd tippe das eifach zwenig chöle it wartig stecket defür ständig neus rollmaterial poschtet. psunder da jahr findi schlimm. aber keh wuche wo i ned min. 10 min verspöhtig oder en zugs usfall ha.

D'Ursach sind ja glaubs mehreri Fails (en Kabelbrand, spöter no en wiitere Brand und dänn au no e Stellwerkstörig) uf de Strecki Züri - Winterthur - und die isch meh oder weniger d'Halsschlagadere vom ganze ZVV-Netz. Z'Effretike chömed 4 Streckeabschnitt zäme und d'Strecki Effretike - Winti isch für das, wo det alles dure mues, völlig überlaschtet (nume zwei Gleis für 8 ICEs + ECs + gfühlt öppe e Million S-Bahne, wo det pro Stund öppe fahred; für es dritts Gleis hätt's kei Platz, will's es relativ ängs Tal isch). Churz und guet: Wänn det nöd nume öppis, sondern grad drü Sache schief laufed, dänn gaht logischerwiis nüt meh.

Sie händ siit langem konsequänt hüt um Entschuldigung bittet und nöd um Verständnis.

shit happens überall. dä mega-stau wägem schöeich hani hutnöch erlebt. hölle.
öv miidi wenn immer möglich. die sind mir unsympatisch.

Hüt morge das selbe wie geschtet. Nix lauft. Zugusfäll und massivo verspötige.
I hami geschter meh ufgregt wills eifach diletantisch informiert hend. Ke schwanz isch gstige wiener jetze hei chunt. Das es male technischi problem git, logisch.

Sbb isch super. Da hani immer ziit zum games und läse. Nur die dumme fahred auto. Isch doch reini ziit erschwändig.

geosnow hat geschrieben:Sbb isch super. Da hani immer ziit zum games und läse. Nur die dumme fahred auto. Isch doch reini ziit erschwändig.

ich bin also froh, fahri jetzt auto und nümä zug.

Geschter hed no e Zug es Gleis im Bahnhof Luzern blockiert. Hed ja nur zwöi Hauptgleis i Bahnhof ine.
Obwohl d Schtörig innert ere viertel Schtund behobe gsi isch hets massivi Verschpötige gä.

S Problem isch halt scho, dass s ganze Schinenetz extrem höch usglaschtet isch. Wenn de mou ei Zug e Panne oder chli Verschpötig het bruchts sini Ziit bis all die Folgeverschpötige oder Usfäll wider "ufgholt" sind.

Fahre sehr gärn mit ÖV, fröi mi au ufs GA womer mi zuekünftig Arbetgäber zur Verfüegig schtellt. Würds aber niemals uf mich näh, zb jede Tag vo Luzern uf Züri zpendle nur für meh Lohn. Das isch de Schtress nid wärt, au wenn d Ziit sehr effektiv chasch nütze. Es hed zu de Schtossziite eifach zvil Volk, aber uf de Schtrass ischs ja no vil verreckter. Bruchsch mängisch Närve us Schtahl.

4 jahr pendlet uf züri mit em zug.
es gaht eim mit dä ziit rächt uf dä sack.

und vo lachä uf züri isch na eini vo dä agnehmere strecke uf züri vo dä uslaschtig här.

Skeletor hat geschrieben:

geosnow hat geschrieben:Sbb isch super. Da hani immer ziit zum games und läse. Nur die dumme fahred auto. Isch doch reini ziit erschwändig.

ich bin also froh, fahri jetzt auto und nümä zug.

und warum? was sind d vorteil.

bi zwar en övler aber.. es grosses + bim Auto isch sicher das elleige i dem chare hocksch.

chasch ja 1. klass fahre. bisch au eher allei.

Muesch halt chlei is Gpräch cho mit dini Mitfahrer...

Bi scho froh, hani nume 15 min. bis zur Arbeit. Isch scho es Privileg.

geosnow hat geschrieben:chasch ja 1. klass fahre. bisch au eher allei.

ned din ernscht oder?

geosnow hat geschrieben:
und warum? was sind d vorteil.

das chani nöd vergliche mit dä alte arbetsstell. vorher 1h wäg gha mit em zug.

jetzt hani 10min mit em auto.

kei stress, flexibler, ich nerv mich weniger. zudem: mustang fahre macht spass