The(G)Forum

Bald wird züglet, nach bald 3 Jahr ir gliiche Wohnig gangi iz in e super schöne Neubau.

Damals natürlech kei Geld gha für würklech schöni Möbel etc. alles im Ikea und Conforama go hole.

Was empfehlsch mer? Gueti Qualität zum faire Priis? Interio? Pfischter? Micasa?

Was au sehr wichtig isch: I wed nüt selber müesse zämmebaue, muess alles vo denne gmacht werde, daher isch de fair Priis au hie wichtig.

Edit: Grad mol chli umegluegt, Micasa ischmr sehr sympatisch aber irgendwie büte die nid uf alles Montage...ev. weiss do öber meh.

I dene "Billig"-Läde findsch amigs no geils Züg. Wür nid explizit uschlüse. Ime Fly oder so hemmer en massive Holztisch für guet Gäld becho. Han en aber müesse zäme baue. Vier Bei ad Tischplatte schrube und voila. Isch ja nid so s Problem.
S Sofa hemmer Conforama oder Fly. Isch au rächt geil und riesig. Hends komplett zämebaued i ca. 20 Minute und sind debi no huere guet druffe und fründlich gsi

Ich würs nid Markeabhängig mache. Irgendwo in Emme oder so gids es Wohncenter. Gids sicher au no a andere Ort i de Schwiiz:

http://www.wohncenter-emmen.ch/" onclick="window.open(this.href);return false;

Det inne sind 9 verschiedeni Läde. Interio, Pfister, Fly, conforame udn was weiss ich no was. Das wür sich lohne. Well de chasch dir gad s ganze Programm inezieh und denn z.B. es Sofa bim Pfister, es Tisch bim Fly, en Schrank bim Conforama etc. inezieh.

doppelmoppel
http://www.thegforum.ch/viewtopic.php?f ... m%C3%B6bel

tutti.ch
edit: wtf tuttipunktch

wie chonsch du druf das micasa besser söu si aus conforama + ikea?

boergi hat geschrieben:wie chonsch du druf das micasa besser söu si aus conforama + ikea?

isch doch alles öppe us dä ä gliiche produktionscentre oder?

Also e "geilere Siech" wirsch, wed ou no druf luegsch, dass es ou no ethisch/ökologisch stimmt. Support your local producer; luegsch dass ds Holz us dr Schwiz chunnt/suber gholzt isch worde, dass d'Produktionbedingigie fair si usw. Oder dass es gad c2c (cradle2cradle) hergstellt isch.

ich chauf möbel nur in waldshut D
deutsche qualität
günschtig
gratis lieferig id CH
baued uuf und nimmeds alte grad mit
teils genau die gliiche möbel wie bi eus, eifach 40% günstiger minimum!
plus chasch no 18% D-MWSt abzieh!

möbel ide schwiiz chaufe. ja. wenn en gäldschiisser hesch.

Min Local Producer isch grad min Vermieter, dä isch Schriiner ...en hübsche Tisch wo 6 Lüüt drah Platz händ chosted di um di 9k, en weniger hübsche chosted di öppe d'hälfti... Das chani und wotti für en Tisch nöd uusgäh.

Edith : mousch, chauf ja nix im MyCrib, würklich nix ussert Du bisch dete und chasches grad mitnäh aber sust lah d'Finger dävo.

Master(G) hat geschrieben:ich chauf möbel nur in waldshut D
deutsche qualität
günschtig
gratis lieferig id CH
baued uuf und nimmeds alte grad mit
teils genau die gliiche möbel wie bi eus, eifach 40% günstiger minimum!
plus chasch no 18% D-MWSt abzieh!

möbel ide schwiiz chaufe. ja. wenn en gäldschiisser hesch.

Sehr gut! Schön die die deutsche Wirtschaft pushen

Master(G) hat geschrieben:ich chauf möbel nur in waldshut D
deutsche qualität
günschtig
gratis lieferig id CH
baued uuf und nimmeds alte grad mit
teils genau die gliiche möbel wie bi eus, eifach 40% günstiger minimum!
plus chasch no 18% D-MWSt abzieh!

möbel ide schwiiz chaufe. ja. wenn en gäldschiisser hesch.

i wellne läde? mösst au male go güggsle.

Zum möbelhubacher fahre und gäld spare.

Odr bide Lipo.

Ich verstah amigs de Hate gägeüber de Ikea nöd. Han au no vieles vo det und bi meh weder zfriede. Wür sicher nöd alles det chaufe aber sie händ au vieli gueti Sache.

Klar heisi gueti Sache. Aber idR umso grösser ds Möbu umso weniger chasches dermit ds umzieh vergässe (Schrank, Gstell etc.)

Ds Priis/Leischtigsverhältnis isch hie haut enorm und dadruf luege die meischte, zeigt elei d Mängi a Chöifer imne IKEA am Samschti Nami

Bim Ikea schiessisch eifach jeglichi Aasprüch a Nachhaltigkeit wit usm Fenster. I verstah's weme dört chouft (hani ja ou gmacht), aber wär ds Geld hett fürs was mitemne bessere Fuessabdruck z'poste - werum nid? Im Sinne vo: Lieber chly meh Gäud i d'Hand neh und öppis weniger choufe wome när derfür lenger (und meh Fröid dra) hett. Und we's nid grad sehr überleit und spärlech iigsetzt wird, de ischs halt eifach scho es uhuere längwiligs Design.

Finde Ikea Züg au guet. Vorallem entsprichts chli de hüttige Bedürfnis. Früehner isches oft so gsi, das tusig Jahr im gliche Hus gwohnt hesch und so. Die meiste Lüt zügled hüt ja ime turnus vo wenige Jahr. Da sind günstigi Ikea-Möbel ideal. Well die verhebed und gsehnd i de Regel au ganz güt us (guet, chaufsch ja au nüt wo dir nid gfallt). Wenn züglisch und die nid mit nimsch wirsch si au nid würklich vermisse und chasch günstig neui chaufe. Gueti Sach.

Das mit Dütschland isch en guete Vorschlag. Zügle demnöggst au und wirde das genau so mache und dete paar Sache go hole.

Das mitem Fuessabdruck chani durchus verstah. Ich ha ja au nöd alles vo de Ikea, s Bett und s Sofa sind us andere Möbelhüüser. Aber en Chuchi- oder en Couchtisch würi immer wieder bi de Schwede chaufe. S isch praktisch, relativ robust und gseht für mich asprechend uus. Ich wohne scho bald 5 Jahr am gliche Ort und ha no nie es Ikeamöbel müese furtschüsse.

Overdose hat geschrieben:i wellne läde? mösst au male go güggsle.

da http://www.moebelmarkt-dogern.de/" onclick="window.open(this.href);return false;

und da http://www.moebel-arena.de/" onclick="window.open(this.href);return false;



mier händ eus grad letscht wuche es neus doppelbett kauft. boxspring!
sowas chasch bi eus ned zahle. choscht wiit über 5k
im möbelmarkt dogern hani jetzt gnau CHF 3.024.- zahlt.
10 jahr garantie.
sie bringed mis bett, bauets uuf und nämets alte grad mit.
super super.
schlafen wie im first class hotel.

mis alte doppelbett isch über 30 jahr alt :typej: isch öppe ziit worde.

Master(G) hat geschrieben:möbel ide schwiiz chaufe. ja. wenn en gäldschiisser hesch.

nöii möbel chaufe. ja. wenn im möbelhuus schaffsch.

es alts möbel hed e gschicht, scho züüg erläbt, bim chauf lehrsch nöi lüüt kenne.
zudem isches nachhaltiger und günschtiger

ich rede da nid vo bruchte möbel wo e hund dra gseicht hed oder es tots grosi 2 wuche drinn gläge isch etc.

Astroboy hat geschrieben:Bim Ikea schiessisch eifach jeglichi Aasprüch a Nachhaltigkeit wit usm Fenster. I verstah's weme dört chouft (hani ja ou gmacht), aber wär ds Geld hett fürs was mitemne bessere Fuessabdruck z'poste - werum nid? Im Sinne vo: Lieber chly meh Gäud i d'Hand neh und öppis weniger choufe wome när derfür lenger (und meh Fröid dra) hett. Und we's nid grad sehr überleit und spärlech iigsetzt wird, de ischs halt eifach scho es uhuere längwiligs Design.

Wiä de Rossi seit, gits das au in Günschtiger. Nämlich wemer das nimmt wo anderi nüm bruuched. Am beschtä natürlich diräkt, und für Gratis villicht sogar vo Lüt womer kännt, oder abchaufä, oder vom Broki.

Es git so vil Möbel wo Qualitativ so viel besser sind wiä s meischt womer mit durchschnittlicher (und teilwiis au sehr vil) Cholä chan chaufä, und trotzdem usrangiert werded. Stilistisch sinds meischtens au no vil interessanter, als das wasmer hüt oft gsehd, sälbscht wemer bereit isch 1000i vo Stutz uszgeh i irgeneme Design Möbel Ladä.

Es guets Möbel isch au wenns 30 Johr alt isch no genau so guet wiä am Afang, wemer Unfäll oder Misshandlig mol usschlüsst (oder serig wo halt eifach en Funktion händ, wos zwangshaft verbruucht werded... aber sälbscht es Brotbrättli wo jedä Tag druf Brot gschnittä wird, chan nachere Zit interessanti Formä anhe, und trotzdem d Funktion super erfüllä).


Aber natürlich wird das villicht echli sältener, will villi Möbel hützutags halt würklich als Wegwerfprodukt produziert und kauft werded. Do gits denn halt nüm so vil wo meh als ei Bsitzer überduured (mit dem wili aber nid sägä dass jedes IKEA gstell en Seich isch... (au weni s Gfühl han das d Qualität glaub au det chli nohloh hed)). Es git jo mitlerwilä au scho mängi Lüt wo i Möbelhüüser würkich eifach go Shopä gönd, obwohls eigentlich scho diä ganz Hüttä voll händ und überhaupt nüt bruuched.

Astroboy hat geschrieben:Bim Ikea schiessisch eifach jeglichi Aasprüch a Nachhaltigkeit wit usm Fenster. I verstah's weme dört chouft (hani ja ou gmacht), aber wär ds Geld hett fürs was mitemne bessere Fuessabdruck z'poste - werum nid? Im Sinne vo: Lieber chly meh Gäud i d'Hand neh und öppis weniger choufe wome när derfür lenger (und meh Fröid dra) hett. Und we's nid grad sehr überleit und spärlech iigsetzt wird, de ischs halt eifach scho es uhuere längwiligs Design.

Schnell 2 wuche uf Tschäpaän jette, derfür nid im Ikea ichaufe. Ignorance is bliss.

http://www.usm.com/de-ch/usm-zu-hause" onclick="window.open(this.href);return false; ... zwar tür aber chasch nachem Baukastesystem easy apasse resp. abändere lah, wird immer montiert und bechunsch au in 10 Jahr no aständig Kohle defür.

http://www.team7.at" onclick="window.open(this.href);return false; - paar super (bequemi) Sache drunter, gits z.T. im Pfister oder in Läde in DE resp. AT

http://www.manufactum.ch" onclick="window.open(this.href);return false; - nid wenig devo hätti gern wills wohl ewigs hebt... leider au nid bsunders günstig


btw: au ohni Kaufabsichte a Usflug wert http://www.vitra.com" onclick="window.open(this.href);return false; >>> chasch fast alles direkt bi Weil am Rhein aluage (resp. bstelle...)

... i kaufe lieber all 15 bis 20 Jahr Möbel womer wirkli passend und i ggf. abändere resp.guat wiederverkaufe chan

USM e Weltwite Designklassiker us Bärn = Gewinn

Master(G) hat geschrieben:

Overdose hat geschrieben:i wellne läde? mösst au male go güggsle.

da http://www.moebelmarkt-dogern.de/" onclick="window.open(this.href);return false;

und da http://www.moebel-arena.de/" onclick="window.open(this.href);return false;



mier händ eus grad letscht wuche es neus doppelbett kauft. boxspring!
sowas chasch bi eus ned zahle. choscht wiit über 5k
im möbelmarkt dogern hani jetzt gnau CHF 3.024.- zahlt.
10 jahr garantie.
sie bringed mis bett, bauets uuf und nämets alte grad mit.
super super.
schlafen wie im first class hotel.

mis alte doppelbett isch über 30 jahr alt :typej: isch öppe ziit worde.

Merci für de Tipp!! Also chani das Züüg go aluege, säge wasi will und denn lifere die mir alles hei und montieres und regle de Zoll etc??

Genau. Mache no viel so. Ds Waldshut und ir Umgebig hetts all paar fucking Meter baumärkt und Möbelhüser, Parkettstudios etc. Die mache 80%vom Umsatz mit dr Schwiz (Ussag vomne Händler)