The(G)Forum

Hellauen. Het öpper Erfahrige gmacht miteme ähnleche Problem und het tipps wieme da am beschte vorgoht bim Putze/probiere Komponänte z rette? Bitz gegoogelt hani scho, aber vilech hend die übleche verdächtige ja es paar bsungers nützlechi Hiiwiise uf Lager.

Also folgendes: Geschter bim Serie gugge het der PC plötzlech agfange horne (ei länge zwöi churzi beeps). En Ventillator im Ghüüsinnere het komisch gchräschlet, denn het der PC abgschalte. Bim wider aloh immer wider der Ventillator agfange dröhne, denn s piepe.

Hüt hanich der Rächner ufgschrubt und nach bitz sueche (dRAM LED het glüchtet bim aloh im Übrige) feschtgtellt dass d Chüelflüssigkeit vom CPU-Chüeler (CoolIt Systems eco ALC) usgloffe isch und bis zunderscht abe über Teile vom Mainboard tropfet isch. Isch sogar usem ghüüs use, der Bode ungerem PC isch nass gsi.

En rächte Scheiss isches - me list aber dass gwüssi Lüt ihri Komponänte mit destilliertem Wasser greiniget und lo tröchne händ und der Shizzle när wider gange sig. Um Tipps wäri froh - ma nid z lang umebaschtle a däm züx.

Hani au mal gha, alles usenand näh, kontäkt/steckplätz kontrolliere, chasch mit Nastüecher oder irgendwas wo guet suugt chli abtupfe und d'Hardware tröchne lah. Bi de Uuswahl vome neue cpu Chüeler unbedingt druff luege das es s' gliiche Material isch wiä de Rest vo de Chüeler, meistens isches Kupfer. d'Chüelflüssigkeit würdi komplett wächsle und falls es nöd scho gmacht häsch : uf Tygon-Schlüüch umstiige. Isch best, öppe s' Keimärmste wo gits i dem Bereich. Janöd diä fluerescierende Scheissschlüüch näh, diä chönd so Zeug absondere wo s' Chüelwasser nahtisnah suur werde laht und de neui Chüeler ahgriift.
s' Chüelwasser würdi au sälber mische, gitt no antikorrosions zuesätz etc. De Rest vo de Komponente vo de Chüelig würdi mehrmals mit destilliertem Wasser durespüele und alli Briedene a de Schlüüch ersetze. Bi däre Glägeheit würdi au grad alli Wärmeleitpaste ersetze, Arctic Silver7 isch super. Dänn alles wieder zämmebastle und guet entlüfte nöd vergässe.

dad sux.

isch wie mit dene wasserbett.

isch würkli voll de fark, vorallem chunnsch nöd drum ume lang drah ume z'bastle bis alles wieder guet isch und vorallem alli mögliche Schwachstlellene uusgmerzt sind.

Würd nie en wasserchüelig im pc ihbaue. Mer chan au mit normale lüfter es super silent system zämebau oder hesch das gwählt wills besserbischbzum overclocke?

pc wc

puuh, schwein gha. die liislige wc händ nöd is ghüs passt. drum hanimi doch für en venti entschiede.
obwohl... mir isch bim vorige dä sockel abbroche. han das mal eine mit backplate kauft. alles hebt supi, alles isch lüslig, alles isch wunderbar.

Sephi hat geschrieben: Me list aber dass gwüssi Lüt ihri Komponänte mit destilliertem Wasser greiniget und lo tröchne händ und der Shizzle när wider gange sig. Um Tipps wäri froh - ma nid z lang umebaschtle a däm züx.

Leider der einzigi Tipp, wo ich au kenn. Und natürlich das Ganzi guet tröchne laa.

Ok, merci für d Tipps und Brichte! Wasserchüelig isch bestandteil vomene Digitec-Fertigsystem gsi. Wenn möglech wotti mangels Zit eigentlech grosses umegebaschtel vermiide. D Versicherig isch jetz mau am Prüefe ob das evtl. unger Wasserschade abdeckt wär, wie das bimene Aquarium/Wasserbett wo uslouft der Fall wär. Würdmi ehrlech gseit erstuune wenn das klappt aber en Versuech ischs wärt.

Edit: Wobii, Teil vo der Versicherig gäge Wasserschäde isch "Ausfliessen von Wasser und Flüssigkeiten aus Heizungs- und Wärmegewinnungsanlagen, Heizöltanks oder Kühleinrichtungen."

Kolleg meint: cpu chüelwassr isch eeh scho sehr rein. Deshalb müesstisch nüd gross mit destilliertem Wasser drhinder. Er meint, guet tröchne laa seg sehr wichtig, er heg mal ds Mainboard mit Riis vollgmacht, will das Züg d Füechtigkeit sehr guet ufnimmt.

ouke, merci füre Tip!

gits dich au no.

mah, Scheissendreck.

hani vor gli 10 Jahr au mal kah, alles het's glüpft kah.

Wasserchüelig im PC >> 1mal und dann nie mehr! Dia 2, 3 Grad (wenn überhaupt) chasch dr schenka.

Muesches nur minutiös ufgleise und ganz gnau schaffe, dänn hebets huere lang und mag einiges meh ah Verlustwärmi abträge als es perfekt abgstimmts Lüftersetup.
Aber ob mer das würklich bruucht isch eher fraglich ...ich bruuchs nöd und has darum au nüm ahgwändet bim letschte pc.

Uriel hat geschrieben:er heg mal ds Mainboard mit Riis vollgmacht

nemsch aso gschiter e föhn.

boergi hat geschrieben:

Uriel hat geschrieben:er heg mal ds Mainboard mit Riis vollgmacht

nemsch aso gschiter e föhn.

Nei janöd! Riis druff tue isch e absolut supergueti Methode für das, genau ja niämals Föhne oder generell soöppis mit Wärmi welle go tröchne.
Es hät sich sooo huere schnäll Kondenswasser bildet a Stellene wo'd nöd dehinder gsehsch und allerchlinnsti Mängene a de falsche stellene langet scho
zum's dänn no ganz in Arsch mache.

Riis >>>> Föhn

sone seich

mer rede do vumene mainboard wo em betrieb wasser drüber gloffe esch. jetz wotsch ärnschthaft no angscht ha vor kondänzwasser?

So glaub mers doch!

han mal eine gseh de het sis ganze mainboard im öl-aquarium gchüelt lol

XYBOT hat geschrieben:han mal eine gseh de het sis ganze mainboard im öl-aquarium gchüelt lol

Das bringts no rächt, aber nur solang bis di ganz Suppe warm isch...
So Scheiss machsch eh nur für übertaktigsexperimentli.

Irgendwelchi News? Was hesch chönne rette?