The(G)Forum

Salü

bin eifach mal gwundrig wie ihr das so gsehnd.
Im Pfernseh gseht mer ja immer ganz viel Lüt wo meh oder weniger erfolgrich uswandered.
Han mir ime ruhige Moment die Frag au mal gstellt und bin für mich zum Schluss cho, dass d Schwiz eifach zu schön isch, zum Abhaue. Demit mein ich einersits d Natur, die schön Landschaft, aber au de Rächtsstaat und d Freiheite an und für sich. D Schwiiz hed viel Problem, aber de grösst Teil sind Wohlstandproblem wo ja nid soooo schlimm sind. Ich fühl mich i de Schwiiz und i minere Region starch verwurzled und wür nie wäggah. Was aber en Option wär, isch für es paar Jahr (max. 5) im Usland läbe. Zum dete schaffe. Da gids aber nur en handvoll Länder wo für mich i Frag chömed und da bin mer nidemal sicher. Wel bin nie länger dete gsi als paar Täg, Wuche od. Mönet. Dete Läbe isch denn halt scho en Unterschied als nur chli Ferie mache...

Chunnt uswandere für dich in Frag, isches bereits es Thema oder bisch scho usgwandered? Wo würsch de häre und wieso? Chunnts für dich gar nid erst in Frag? Warum? Wäge de Natur oder em Fründeskreis. Oder hesch kei Fründe, wettsch aber glich da blibe...

Neugirig bini.

uuswandere immer jede alli!

chasch nöd immer stahbliibe.

aso momentan chunnts gar nöd in frag. aber wenns wiiters so mit de schwiiz bergab gaht und e so hirnverbrennti volksinitiativä fürechömed - definitiv abhaue

edit: ich glaubs, wenn ich wür uswandere, ich sehr bald heiweh überchämti,
es isch ebe schono super dass wenn nach em schaffe heichunsch e schöni wohnig hesch, immer suubers und warms wasser us em wasserhahn, esse hesch au meischtens im chüelschrank, wenn chrank wirsch oder en unfall, chan der gholfe werde....
es gitt vill vorteil aber au nachteil.

Tatsujin hat geschrieben:uuswandere immer jede alli!

chasch nöd immer stahbliibe.

Wie isch eigentlich Tschäppen so zum schaffe? Ich stell mir das immer uh grüslig vor. So 14 Stunde Tag. Eigentlich chunnsch nie use und wenn doch, muesch mit de MItarbeiter go saufen und hesch eigentlich nur s Weekend für dich, wenn überhaupt.
Chönnt mer au als non-workoholic wo miteme 8-9h Tag scho zfriede isch guet dete überlabe?

turntablism hat geschrieben:aso momentan chunnts gar nöd in frag. aber wenns wiiters so mit de schwiiz bergab gaht und e so hirnverbrennti volksinitiativä fürechömed - definitiv abhaue

guet. er schwiiz ghats ja zurziit na ziemli am beschte uf dem planet

aber es wird eh überall bergab gha. dasch schomal sicher.

ich han mal en greencard gha.... hätt sölle gah. Bini aber nöd us private gründ.... hüt bereu ichs.

evtl. wärs ja au nöd guet usecho, aber s'gfühl dass mehs hät chönne fuchst mich hüt no... klar chönnti hüt no, aber hüt sind no ganz viel anderi faktore da wo das verhindered. wennd chasch, probiers... susch fuchsts di immer.

Uswandärä... ja voll, gern mol. Aber nid us de Schwiz, nur us de Chlistadt ufs Land usä


Alpä gleich bescht wos je hets gits, weiss jetzt jedä.

ha irgendswo no es buech für uswanderer vom beobachter, dasch no en schtress wenn würklich dini 7 sache packe wotsch

s ghat also.

Tatsujin hat geschrieben:s ghat also.

so wie ich das mitüberchum bisch du mal usgwanderet ? uf japan ? stimmts ?
hesch luscht mal verzelle was dich derzue bracht het, wenn gange- und wie das ganze abgloffe isch ?

turntablism hat geschrieben:

Tatsujin hat geschrieben:s ghat also.

so wie ich das mitüberchum bisch du mal usgwanderet ? uf japan ? stimmts ?
hesch luscht mal verzelle was dich derzue bracht het, wenn gange- und wie das ganze abgloffe isch ?

nei

Diä Antwort isch jetzt sowas vo klar gsi

mööö

ja es git jetzt au würkli nur schier gar nüüd ds verzehle drüber

Er isch eifach det ane wäg de Games

hesch d`wanderschueh mitgno ?

Uswandere chund nid nur frag sondern isch scho zimlich konkret. Ich weiss ungfähr wo äne und ich weiss ungfähr wenn. D frag isch, gangi elei oder mit ere Partnerin? Das isch chli de Punkt. D sprach bini drah und Infos zu Sozialversicherig, Arbet, Papier, Schtüre etc hani scho lang. Go au jedes Jahr det äne, immer chli am luege wo was... Es isch für mini Verhältnis bezahlbar.

Dänke es isch scho no relevant wo das mer äne wott, Checklischte sind entsprechend unterschiedlich.

Mich ziehts nach Mittelschwede. Atemberaubendi Natur, vil Platz, vil Pure, für mich perfekts Klima, ufgschlossni unkomplizierti Lüüt, Gueti brueflichi Möglichkeite für mich.
Au super zum paar Monet go schaffe, i Forst, ufeme Hof, Imker, Bou.
De einzig für mich wahrnehmbar Nachteil isch de dunkli Winter.

schwede chasch go beeri pflücke. sovill wie ich mitüberchoo han wird der sogar d sprachschuel zahlt vo de gmeind oder wie mer dört seid.
wie isch es mit em tagesliecht in mittelschwede ?

turntablism hat geschrieben: wie isch es mit em tagesliecht in mittelschwede ?

Relativ eifach: Im Summer viel meh wiä bi üs (um de 21.06 wirds eigentlich nid Dunkel... nur chli dämmerig zwüsched Sunnä unter und ufgang). Im Winter isches halt aber scho Dunkel wiä Sau. Wemers Gschied will machä müsstmer also no viel extremer wiä do au s Läbä, Tagesablauf etc. apassä (machtmer natürlich au... Mir händ allerdings glich ordentlich Liecht installiert zum dussä wenigschtens denn doch es paar Stundä chönä Schaffä. Im Summer denn defür entsprächend länger. Und im Summer isch dass denn au nid schwierig, will au wenn frühä verwachsch isch dussä halt scho de Tag am laufä).

Isch scho au en Variantä. Sötmer eigentlich eh intensiver machä, au bi üs.

Was mich d Schwedä wür Aschissä isch, mer hed zwar sehr schneller mol es Huus und en tollä für üsi verhältniss sehr grossä Gartä, wenn nid grad zmitzt inere Ortschaft willsch wohnä, aber ebä, de Gartä womer denn hed, chamer nur sehr churz würklich guet bewirtschaftä. Und s meischtä wo bi üs no wachst, wachst halt gar nid erscht, ohni Irgendwelchi Triibhüser erscht rächt nid.

Ja das isch würklech chli müesam wenn di e richhaltige Garte gwöhnt bisch. Für Viles länget eifach die warm Periode nid. Ich ha momentan gar kei Beet und es stört mi nid mol, aber dobe wetti äbe scho chli Umschwung und Wald ha.

@Acid
Wo bisch gsii und wie lang? Was hesch det gmacht?

Bin im Februar 2012 nach Australie usgwanderet. Hauptsaechlich weg minere Partnerin, han sie 2009 in Malta kenneglernt und sie isch denn au im gliche Jahr it Schwiz cho. Het sich aber nie richtig choenne drah gwoehne und es het ihre noed wuerklich gfalle.
Schlussfolgerig=uswandere.

wenn denn nach californiä, jöpan oder australiä/neuseeland.

mues im winter go snowboarde und im summer surfe chönne.

Das chasch au in England, Skandinavie oder Russland.

Sind ja drü total unterschiedlichi Destinatione, was sind d Kriterie?

So wie die z Russelanden fahre, nei tanke.

Herr Rossi hat geschrieben:Das chasch au in England, Skandinavie oder Russland.

Sind ja drü total unterschiedlichi Destinatione, was sind d Kriterie?

kriteriä?

Geile Schnee im Winter und rechti Berge. und wenni scho d schwiiz verlah würd, wotti au no surfe chönne.

Gueti Lüt und Arschlöcher gits überall, drum chani eigentlich überall lebe, wo ich au en gwüsse lebensstandard han.